Joebulaniya 5:1 - KITAWO MALEŊ Catholic

¹ Kisi jadwoŋ pa jocway ri Were i wi migam je iyero wok kwoŋ ji aka imiyo go tic ma tiyo ri Were kapa jono. Go cwayo ri Were mic kodi cowirok ri reco pa ji.

KITAWO MALEŊ

¹ Kisi jadwoŋ pa jocway ri Were i wi migam je iyero wok kwoŋ ji aka imiyo go tic ma tiyo ri Were kapa jono. Go cwayo ri Were mic kodi cowirok ri reco pa ji.

Joebulaniya 5:1 Iomraidhean Croise

Jolevi 8:2

Kwany Aron kodi wote, gi ruk pajo, mo, rwath ma mic ma cwako reco, wot rombo ario, kodi adita ma mugat ma buthow.

Jolevi 9:7

Musa owaco ri Aron ni, “Core cegin gi migam aka itimi cowirok perin ma mic ma cwako reco kodi mic awaŋa perin, aka itimi cowirok ma cwako reco perin kodi apa ji. Tim cowirok ma mic pa ji, aka itimi cowirok ma cwako reco pajo, paka Rwoth owaco.”

Joroma 15:17

Am'omiyo, i Kristo Yesu, anyalo bedo g'atoŋa ma yumirok gi tic paran ri Were.

1 Jokorintho 15:3

Acwayo riwin gim'abende ajolo, aka meno a gimadwoŋ swa: Nike Kristo otho ri reco mawan paka Ndiko Maleŋ waco;

Joebulaniya 10:11

Jacway ri Were i wi migam mapa Joyuda je cungo aka timo tic pere kisi ndelo aka cwayo cowirok ma nger acel dikweth. To kiti cowirok me kinyal kwanyo woko reco.

Joebulaniya 10:12

To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 11:4

Yeyo am'omiyo Abel ocwayo ri Were cowirok maber loyo apa Kayin. Yeyo omiyo go onwaŋo pak bongi Were paka dhano m'otire munyo Were ofoyo mic pere. Aka yeyo ama miyo Abel fodi luwo kad'otieko rigo tho.

Joebulaniya 2:17

Riameno, onwaŋo yenyere go wolokere paka wutmin i royo je, ŋey go wobedi jadwoŋ pa jocway ri Were i wi migam man gi wor kendo ma genere i tic pere ri Were, aka nyaka wogeŋ keme pa Were ri reco pa ji ŋey wocwaki jo.

Joebulaniya 7:27

Go kicale jodongo pa jocway ri Were i wi migam man; go kiyenyere cowirok wi migam ndelo je: Ni kutho ri reco pere won, aka nyaka wocowere ri reco pa joman bende. Go ocowere wi migam dicel kende to makicutho, munyo go won omiyere paka cowirok.

Joebulaniya 8:3

Kisi jadwoŋ pa jocway ri Were i wi migam je okethi ni wocwayi mic kodi le paka cowirok ri Were: Am'omiyo jadwoŋ pa jocway ri Were i wi migam me bende oyido ripo bedo kodi gi mic m'amiyo.

Joebulaniya 8:4

Bedi go nitie i piny ka, dikibedi jacway ri Were i wi migam, rupiri nitie joman ma jocwayo mic i Cik pa Joyuda.

Joebulaniya 9:9

Gino oyido obedo cal ma nyutho ndir ma pama. Dwoŋ mere ni cowirok ma mic kodi le m'oyido icwayo ri Were kinyal miyo cuny ŋata lamo Were bedi m'olony kicutho.