Joebulaniya 4:16 - KITAWO MALEŊ Catholic

¹⁶ Am'omiyo, weyi wabedi miseni, aka wakidhi ro nyim kom pa Were ma dhum, kama nema nitie i iye. Kenyo wabino lim'iye wor to wanwaŋo ŋono manyalo konyo wan i hongo ma wayeny'iye.

KITAWO MALEŊ

¹⁶ Am'omiyo, weyi wabedi miseni, aka wakidhi ro nyim kom pa Were ma dhum, kama nema nitie i iye. Kenyo wabino lim'iye wor to wanwaŋo ŋono manyalo konyo wan i hongo ma wayeny'iye.

Joebulaniya 4:16 Iomraidhean Croise

1 Kigana kwoŋ Kerin 28:11

Ameno Daudi omiyo Solomon can ma geto Ot pa Were, kisikin ma kan kodi kisikin man, kodi Kabedo Maleŋ Loyo, kabedo ma cwako reco.

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Jolevi 16:2

Rwoth owaco ri Musa ni, “Luw gi omin in Aron, nike okir obino hongo je i Kabedo Maleŋ i nanga m'oliero, ruwaŋ giumo Kakan ma Cikirok, ka go otim ameno, nyalo tho; rupiri alamenyere i pondeponde i wi giumo.

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

Joefeso 3:12

I go, kendo gi yeyo mawan i go, wanitie gi thwolo ma donjo bongi Were gi siem ma cuny wan odile.

Joebulaniya 13:6

Weyi wabedi miseni, to wawaco ni, “Rwoth obedo jakony paran, akibino bedo malwor! Aŋo ma dhano nyalo timo ran?”

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

Joebulaniya 7:19

Kole Cik pa Musa di k'onyalo loko gimoro m'olony kicutho, to pama otiek kelo geno maber ma miyo wan tundo bongi Were.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

Joebulaniya 9:5

Wi sanduku oyido nitie Kerubim ario ma nyutho dwoŋ pa Were, ma joyaro bwombi jo kam'icwak'iye reco kenyo. To me kaya hongo ma tit'iye gimoro je.

1 Petero 2:10

I hongo m'okadho oyido wikibedo ji m'oyer, to pama onyo wibedo ji pa Were; i hongo m'okadho oyido wikijolo wor pa Were, to pama onyo wijolo wor pere.