Joebulaniya 2:17 - KITAWO MALEŊ Catholic

¹⁷ Riameno, onwaŋo yenyere go wolokere paka wutmin i royo je, ŋey go wobedi jadwoŋ pa jocway ri Were i wi migam man gi wor kendo ma genere i tic pere ri Were, aka nyaka wogeŋ keme pa Were ri reco pa ji ŋey wocwaki jo.

KITAWO MALEŊ

¹⁷ Riameno, onwaŋo yenyere go wolokere paka wutmin i royo je, ŋey go wobedi jadwoŋ pa jocway ri Were i wi migam man gi wor kendo ma genere i tic pere ri Were, aka nyaka wogeŋ keme pa Were ri reco pa ji ŋey wocwaki jo.

Joebulaniya 2:17 Iomraidhean Croise

2 Kigana kwoŋ Kerin 29:24

Gikenyo to jocway ri Were i wi migam joneko diegi, to jokiro remo pajo i wi migam paka cowirok ma kwanyo woko reco pa ji je, rupiri kere oyido owodho or ma miyo cowirok awaŋa kodi ma kwanyo reco ni wotim ri ji je ma Isiraili.

Isaya 11:5

Tiro labedo del ma piere, aka genirok labedo del ma piere.

Ezekiel 45:15

Rombo acel wok i mwendi 200 wok i lowo ma kwath ma Isiraili. Me mic ma cemo, mic awaŋa, kodi mic ma siem, ma cwako reco pajo. Rwoth Were waco.

Ezekiel 45:17

To me labedo tic pa wod kere kwoŋ mic awaŋa, mic ma cemo, mic ma math, kodi kalimin ma Dwe manyen, Sabato, kodi kalimin man. Go ripo miyo mic ma cwako reco, mic ma cemo, kodi mic awaŋa kodi mic ma siem, ma cwako reco pa ji ma Isiraili.

Ezekiel 45:20

Ilatimo gimoro acel k'ario ma dwe ri kisi dhano m'otimo reco ma k'oŋeyo; ŋey iloki Ot pa Were maleŋ.

Jolevi 14:18

Aka mo m'odoŋ manitie i cingi go bino ketho i wiy ŋat'ilonyo. Kenyo to jacway ri Were i wi migam to timo tim ma cul mareco pere ruwaŋ Rwoth.

Jolevi 16:16

Ameno go latimo cowirok ma cwako reco ri Kabedo Maleŋ, ro koco pa Joisiraili kodi ro turo cik pajo, reco pajo je; aka ameno apaka go latimo ri Wema ma romo, manitie i dier koco pajo.

Jolevi 6:30

To ongoye mic ma cwako reco ma wocam ma remo mere ikelo i Wema ma romo ma cwako reco i Kabedo Maleŋ; iripo waŋo gi mac.

Jolevi 8:15

Musa othumo, aka okwanyo remo, to ketho i tungi migam thoko gi lwet cinge, loko maleŋ, okonjo remo i tiendi migam, oloko maleŋ, miy'iye cowirok ma cwako reco.

Kwan 15:25

Jacway ri Were i wi migam bino timo kwer ma ŋuto ri kweth pa Isiraili je, aka ibino cwako jo; jotimo ma jok'oŋeyo, aka onyo jokelo mic pajo, mic awaŋa ri Rwoth, kodi ma ŋuto reco ruwaŋ Rwoth, ro komo pajo.

Joroma 15:17

Am'omiyo, i Kristo Yesu, anyalo bedo g'atoŋa ma yumirok gi tic paran ri Were.

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joefeso 2:16

Tho pa Kristo wi musalaba oreyo woko dakirok; to riwo nonin ario no gi Were i del acel.

Jokolosia 1:21

Aka yado onwaŋo winitie bor gi Were, kareno wibedo jokwor pere i paro mewin kodi i gigipiny mareco m'oyido witimo.

Joebulaniya 10:21

Paka wanitie gi jacway ri Were i wi migam madwoŋ ma kuro Ot pa Were,

Joebulaniya 2:11

Ato ŋata loko ji maleŋ kodi joma iloko jo maleŋ, je jonigi Ba gin acel. Am'omiyo Yesu ongoye giwickwot lwoŋo jo ni wutmin go.

Joebulaniya 2:14

Paka nyithindho obedo ma del gi remo, Yesu bende olokere paka jo i del, aka nyaka i tho pere worey woko jwogi, manitie gi meni kwoŋ tho,

Joebulaniya 2:16

Kole gime neno kamaler ni ki jomalaika ama go konyo, to paka Ndiko waco, “Go konyo nyikway Abraham.”

Joebulaniya 3:1

Riameno wutmera i Kristo, ma bende Were am'olwoŋo, kethi paro mewin kwoŋ Yesu, m'obedo jamoor kendo jadwoŋ pa jocway ri Were i wi migam, ma konyo yeyo ma watuco ni wanigine.

Joebulaniya 3:2

Kole go ogenere ri Were, m'oyero go timo tic me, paka Musa bende oyido ogenere i tic pere i Ot pa Were gipi.

Joebulaniya 3:5

Aka Musa cango obedo ŋat'ogenere i Ot pa Were paka jatic, aka otuco gigipiny ma Were oyido kidho luwo kwoŋe rumacen.

Joebulaniya 4:14

Weyi wacwire matek kwoŋ yeyo ma watuco ni wan gine, paka kere wanitie gi jadwoŋ mapa jocway ri Were i wi migam, m'oasere gi dwoŋ m'obedo Yesu Wod Were won, m'otieko kidho i polo.

Joebulaniya 4:15

Jadwoŋ pa jocway ri Were i wi migam, mawan me, k'obedo ŋata kiniaŋ nyapo mawan. Kucel, wanitie gi jadwoŋ pa jocway ri Were i wi migam ma bende olimo karatem i royo je paka walimo, to k'otimo gimarac.

Joebulaniya 5:1

Kisi jadwoŋ pa jocway ri Were i wi migam je iyero wok kwoŋ ji aka imiyo go tic ma tiyo ri Were kapa jono. Go cwayo ri Were mic kodi cowirok ri reco pa ji.

Joebulaniya 5:10

aka Were oketho go bedo jadwoŋ pa jocway ri Were i wi migam i cal pa Melikizedek.

Joebulaniya 5:2

Paka go won bende nyap i royo m'omore, go nyalo tiyo gi mwolo ri joma nyap ma jonyalo rwenyo.

Joebulaniya 5:5

Meno apaka Kristo won bende k'omiyere dwoŋ ma bedo jadwoŋ pa jocway ri Were i wi migam. Kucel, Were ama owaco rigo ni, “In i Wodan; konon alokere Benin.”

Joebulaniya 6:20

Yesu otieko telo donj'iye riwan ka waŋ wan, paka jadwoŋ pa jocway ri Were i wi migam cil gi cil i cal pa Melikizedek.

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

Joebulaniya 7:28

Cik pa Musa ketho dhano m'obedo gima nyap bedo jadwoŋ pa jocway ri Were i wi migam; to wac ma kwoŋirok pa Were, m'obino rumacen yuŋey Cik, oketho Wod Were won m'otiek loko m'olony kicutho cil gi cil.

Joebulaniya 8:1

Me a gimadwoŋ kwoŋ gima wawaco: Wanitie gi jadwoŋ pa jocway ri Were i wi migam, ma kiti dwoŋ pere omiyo go bedo yuracuc ma kom ma dhum pa Were Madwoŋ Ma urere i polo.

Joebulaniya 8:3

Kisi jadwoŋ pa jocway ri Were i wi migam je okethi ni wocwayi mic kodi le paka cowirok ri Were: Am'omiyo jadwoŋ pa jocway ri Were i wi migam me bende oyido ripo bedo kodi gi mic m'amiyo.

Joebulaniya 9:11

Aka Kristo obino paka jadwoŋ pa jocway ri Were i wi migam, ma gigipiny mabeyo ma pama nitie, am'omiyo wema ma go tiy'iye ŋon m'ocowere aka didwoŋ m'oasere (ji ama jok'otimo, odoko k'obedo ma cwec me).