Joebulaniya 13:7 - KITAWO MALEŊ Catholic

⁷ Poyi win jotel mewin macon, ma jotito riwin wac pa Were. Pari win paka kwo pajo obedo aka wimaki kiti yeyo pajo.

KITAWO MALEŊ

⁷ Poyi win jotel mewin macon, ma jotito riwin wac pa Were. Pari win paka kwo pajo obedo aka wimaki kiti yeyo pajo.

Joebulaniya 13:7 Iomraidhean Croise

Wer pa Solomon 1:8

K'inen ikuya, nyako maŋon, luw masembo mwendi, aka inwaŋ lum ri diegi perin, cegin gi wemin pa jokwath rombo.

Matayo 24:45

Ŋat'obedo jatic mariek ma genere ma rwoth pere nyalo ketho go kuro peco pere? Meno ŋata miyo jopeco cemo i hongo m'otire.

Luka 12:42

Rwoth odwoko ni, “Jatic ma kuro peco mene mariek? Meno a ŋata rwoth pere oketho go kuro peco gi poko ji cemo ka hongo otundo.

Luka 5:1

Yesu ocungo dho wakawaka ma Genesaret to lwak ji ma joyenyo winjo wac pa Were jodire kwoŋe.

Luka 8:11

“Me a dwoŋ ageca no: Kodhi meno wac pa Were.

Tim pa Jomoor 13:46

To Paulo kodi Barinaba jomedo luwo pajo gi miseni ni, “Oyido yenyere ni wac pa Were wopen tito riwin ayino. To paka wikijol, aka wikiter i kwo mewin paka joma ripo limo kwo makirum, walaweyo win to wakidho bongi Jopath.

Tim pa Jomoor 14:23

Munyo jotieko ketho jotel i kisi kitipa pa joma yeyo gi kwayo kodi riyo kec, joketho jo i cingi Rwoth m'oyido joketho geno pajo kwoŋe.

Tim pa Jomoor 4:31

Munyo jotieko kwayo, kam'onwaŋo jontie iye oyengere. Cuny Maleŋ opoŋ kwoŋ jo to jocako luwo wac pa Were gi miseni.

Joroma 10:17

Am'omiyo yeyo wok i winjo mikwenda, aka mikwenda wok i fonji kwoŋ Kristo.

1 Jokorintho 10:13

Ongoye karatem moro je ma bino riwin ma kicale gi ma bino ri dhano je. Kole Were genere, aka k'oyey karatem ma bino riwin wokadhi kor win, to ka karatem moro obino, go bino miyo win royo ma both aka ŋey winyal ciro.

1 Jokorintho 11:1

Tim win gima wineno kwoŋan paka abende atimo gim'aneno kwoŋ Kristo.

1 Jokorintho 4:16

Am'omiyo, akwayo win ni luw win kite paran paka ranen m'amiyo win.

Jofilipi 3:17

Wutmera, wijoje tim win paka atimo. Watieko miyo win ranen maber. Am'omiyo kaŋasa win joma luwo ranen no.

1 Jothesalonika 1:6

Wilokere joma luwo wan kodi Rwoth; aka kada wicandere tektek, wijolo mikwenda gi kisangala ma wok bongi Cuny Maleŋ.

1 Jothesalonika 2:13

Aka ro wac me bende, ndelo je waketho Were walwa. Munyo wakelo riwin mikwenda pa Were, wiwinjo aka wijolo, ki paka mikwenda pa dhano to mikwenda pa Were, m'obedo ameno adieri. Aka kole Were tiyo maber i dier win jom'oyeyo.

2 Jothesalonika 3:7

Kole wiwegi wiŋeyo maber ni wiripo luwo kwo ma wanyutho win. Wakibedo manyap munyo wanitie gi win,

2 Jothesalonika 3:9

Watimo ama ki rupiri wakiripi yenyo kwoŋ win kony; to watimo ameno ma miyo win ranen aluwa.

1 Timothe 3:5

Ato ka dhano kinyal tic ma peco pere won, onyali nedi kuro kitipa pa jom'oyeyo pa Were?

Joebulaniya 13:17

Winji win jotel mewin, odoko bedi win ma wimwol rijo, rupiri jo jokuro win paka joma ripo tito ri Were kite ma jotiyo gine. Ka wiwinjo jo, aka jobino timo tic pajo gi kisangala; makiweno gi cuny jo m'ocile, aka meno kinyal konyo win.

Joebulaniya 13:24

Mothi riwan jotel mewin kodi ji pa Were je. Jowoti wan ma Italia bende jodhiro riwin moth pajo.

Joebulaniya 6:12

Wakimiti nike wilokere manyap, to bedi win paka joma joyeyo ma jodiyo cuny jo cuka jolimo gima Were otieko ciko.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

Menyirok ri Yohana 1:9

An Yohana, omin win manitie gi win i Yesu i candirok, kodi i Ker pere, kodi iciro teko. An onwaŋo obolan i kigoda ma pi othoko ma Patimos ro fonjo wac pa Were kodi bedo jakony ri adieri pa Yesu.

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.

Menyirok ri Yohana 6:9

Gikenyo Nyathi rombo ohalo woko gimwono papila mar'abic; t'aneno i tiendi migam, cuny ji m'oneki rupiri jotito wac pa Were aka jobedo jogenirok i wodho kony i wac no.