Joebulaniya 13:5 - KITAWO MALEŊ Catholic

⁵ Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

KITAWO MALEŊ

⁵ Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

Joebulaniya 13:5 Iomraidhean Croise

Cakirok 28:15

Neni, anitie kodin, aka abino kurin kisi kam'inokidh'iye, t'adwokin i lowo me; rupiri akibino weyin cuka anotiek timo gim'atieko waco rin.”

Cakirok 30:31

Laban openjo Yakobo ni, “Aculin aŋo?” Yakobo odwoko ni, “Akimiti cul moro je, to k'inotim ran gime, abino doko pidho gi kuro ogwaŋe perin.

Cakirok 31:5

Yakobo owaco rijo ni, “Atieko neno ni bawin kiteran gi wor paka oyido timo con mere. To Were pa baba oyido nikodan.

1 Kerin 6:13

Abino bedo i dier ji paran Isiraili i Ot pa Were me m'igeto, aka akibino jwango jo.”

1 Kerin 8:57

Rwoth Were mawan wobedi gi wan paka obedo gi kwarere mawan; weyi go wokiri wowey wan kosa wojwangi wan,

1 Kigana kwoŋ Kerin 28:20

Kere Daudi owaco ri wode Solomon ni, “Bedi matek aka jamisen. Cak tic aka wongoye gima wogeŋin, kole Rwoth Were, Were paran nitie kodin. Go kilaweyan, to labedo kodin cuka inocow tic je ma Ot pa Were.

Zabuli 10:3

Jokidakana jokwot ro awanya pajo marac, joworo jokwero to jokwoŋo Rwoth.

Zabuli 119:36

Miyan mito ma winjo cik perin, loyo bedo gi ŋaŋo.

Zabuli 37:25

Wok i soye paran, tundo gunyo ni ee ati, fodi akineno ka Rwoth ojwango jomaber, kosa ka nyithindho pajo jokwayo mugat.

Zabuli 37:28

Kole Rwoth omaro tiro, aka go kilajwango ji pere ma jotimo adieri, go kwonga joma timo gim'otire, t'ilareyo woko nyikway jokidakana.

Kitawo mar'ario mapa Musa m'ilwoŋo ni Wok 2:21

Ameno Musa oyeyo bedo kenyo, aka Yethiro omiyo go nyare m'ilwoŋo ni Zipora i nywomirok.

Kitawo mar'ario mapa Musa m'ilwoŋo ni Wok 20:17

“Ikir'iwanya ot pa nyawotin; ikir'iwanya cege, ŋecin pere, dhok pere, kosa punde pere, kosa kisi gima go nitie gine je.”

Agecin 23:4

Ikir'iol gi temo dwaro ŋaŋo, bedi mariek kwero.

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Isaya 41:17

Ka jocandi gi joma bu gimoro jorango pi, aka ongoye moro, aka lew jo othwo gi riyo, An Rwoth aladwoko jo, An Were pa Isiraili ak'ojwangi jo.

Isaya 42:16

Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Yeremia 6:13

Kole wok kwoŋ jomathindho tundo i jomadongo kwoŋ jo, kisi dhano obedo jaworo ri magowa ma k'otire; aka wok i jatuci wac Were tundo i jacway ri Were i migam, kisi dhano je obedo jabanirok.

Ezekiel 33:31

Jobino bongin paka ji jobino, jobedo ro nyim win paka ji paran, aka jowinjo wac mewin, to jok'owor jo. Kole jonyutho mar mathoth gi dhok jo, to cuny gin nitie i magowa pajo.

Matayo 6:19

Wikiri wikan ŋaŋo mewin i piny ka, kama masirigi kodi nyal jobino nyek'iye, aka jokwo jobino donj'iye to jokwalo woko;

Matayo 6:25

Am'omiyo awaco riwin gime: Wikiri wirembi kwoŋ gir'acama kodi gir'amadha ma wiyenyo ma kwo, kosa ruk ri delkwoŋ win. Adieri kwo pa dhano kiloy cemo, odoko delkwoŋe kiloy ruk?

Matayo 6:34

Am'omiyo wikiri wirembi ri gima dikin; kole kisi ndelo won yawere gi wac mere. Ki yenyere medo teko man wi teko ma piny m'oyawere kelo.

Mariko 7:22

woro, reco, twodo, kidakana, nyeko, kedho reco pa joman, pakirok kodi timo gimiŋo.

Luka 3:14

Jolweny megi bende jopenjo go ni, “To wan waripo timo aŋo?” Owaco rijo ni, “Ongoye mayo ji gigipiny g'akaka! Yeŋ win gi kemba mewin! Odoko, wikiri wicwoki dhok dhano!”

Luka 8:14

Aka kodhi m'opodho i kudhin, meno a joma jowinjo, to rumacen rembo kodi ŋaŋo ma piny kodi kisangala ma kwo diyo jo piny, aka gima jonyak kitegino.

Joroma 1:29

Jopoŋ gi kidakana ma nger je: Raco, woro, kodi camo tiendi ji gi piny. Jopoŋ gi nyeko, neki, gorok, twodo, gi paro marac. Jonyeko nyingi wadi gin,

1 Jokorintho 5:11

Gim'akidho rigo obedo nike wikiri wimakere gi dhano ma lwoŋere ni oyeyo to odakana, wor, kosa lamo cal makicar, kosa janyeki nyingi wadi, kosa jamero kosa jakwo. Wikiri wibedi kada piny cemo gi dhano ma pameno.

1 Jokorintho 6:10

kosa jokwo, kosa jomero, kosa jonyeki nyingi wadi gin, kosa jomitan ma jokwalo, ma bino donjo i Ker pa Were. Aka megi kwoŋ win oyido wibedo ameno.

2 Jokorintho 4:9

Icando wan, to k'ojwangi wan; bende ogoy wan piny, to wakirere woko.

Joefeso 5:3

Paka ji maleŋ pa Were, kiripi ni wac ma kidakana, kosa koc, kosa woro wowaci kwoŋ win.

Joefeso 5:5

Ŋey win gime ni: Ongoye moro je ma jacot, makoc, kosa ma wor (kole woro cale pa lamo gima k'obedo Were) m'olim gimoro i Ker pa Kristo kodi apa Were.

Kitawo mar'abic mapa Musa m'ilwoŋo ni Cik 31:6

Bedi win matek, bedi win jomiseni; wikiri wibedi gi bwok kosa wikirin ro jo, kole Rwoth Were mewin ama kadho gi win. Go k'owey win, kosa jwango win.”

Kitawo mar'abic mapa Musa m'ilwoŋo ni Cik 31:8

Rwoth won ama telo yuwiy win. Go labedo kodin; go kilaweyin kosa jwangin. Ikir'ibedi gi bwok kosa inyapere.”

Kitawo mar'abic mapa Musa m'ilwoŋo ni Cik 4:31

Kwoŋbedo Rwoth Were mewin obedo Were ma jakisa, go kilajwango win kosa reyo woko win, wiye k'owil gi cikirok m'otimo gi kwarere mewin m'okwoŋere rijo.

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

1 Timothe 3:3

Kiripi bedo jamero kosa jagero, to wobedi ŋata mwol ma ki jadhaw; aka wokiri womar pesa.

Yosuwa 1:5

Ongoye dhano ma lakikengila in hongo je ma kwo perin. Paka oyido anitie gi Musa apaka bende alabedo kodin; ak'oredhin kosa ak'ojwangin.

Yosuwa 7:21

Munyo aneno i dier gim'onyaga law maŋon mapa Jobabilon, kodi feza ma romo cegin kilo ario; kodi nyweny ma zahabu m'oyido romo adec kilo, kenyo t'agomba jo; t'akwanyo jo. Pama onyo jopanere i lowo i wema paran, gi feza i pende.”

2 Petero 2:14

Gi waŋ gin ma neno gimoro gi cot, jogomba kisi dhako ma joneno. Awanya pajo ma timo gimarac kikwe; jodwoŋo joma nyap, aka joŋiyo timo woro. Jobedo ji m'otiek kwoŋo!

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

Yuda 1:11

Kidamba wobedi rijo! Joluwo royo ma Kayin cango oluwo. Jomunyere i fonji m'okom ro woro, paka cango Balam otimo. Jobino kisika woko ro piem paka cango Kora gin jotimo.

1 Samwiri 10:7

Ka gigipiny me je otieko timere, tim gimoro je ma ripo ni itimi rupiri Rwoth nitie kodin.

1 Samwiri 12:22

Rwoth kilabolo ji pere woko, ma miyo nyingi go dwoŋ, rupiri osangala Rwoth loko win ji pere.