Joebulaniya 13:16 - KITAWO MALEŊ Catholic

¹⁶ Wiy win wokiri wowili gi timo bero kodi konyo jowoti win gi gima winigine, rupiri kiti cowirok no ama sangala Were.

KITAWO MALEŊ

¹⁶ Wiy win wokiri wowili gi timo bero kodi konyo jowoti win gi gima winigine, rupiri kiti cowirok no ama sangala Were.

Joebulaniya 13:16 Iomraidhean Croise

Zabuli 37:3

Kethi geno i Were, aka tim bero, ŋey ikwo i piny m'ongoye teko.

Zabuli 51:19

Nyaka ilakisangala gi cowirok m'otire, gi mic awaŋa gi mic ma gikululu, kenyo ilamiyin rwath i wi migam perin.

Luka 18:22

Munyo Yesu owinjo gim'owaco me, owaco rigo ni, “To fodi mitere rin timo gimoro acel. Tana woko lim perin je, ipoki jocandi pesa mere, aka ibino limo ŋaŋo i polo, ŋey nyaka ibin iluwan.”

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 9:36

I Yopa onwaŋo nitie dhako m'oyeyo m'ilwoŋo ni Tabisa, (Nyinge i Dhogrik obedo Dokas, dwoŋ mere ni amudhe), m'oyido oro hongo pere je ma timo bero gi konyo jocandi.

Joroma 12:13

Pok win ye lim mewin gi wutmin win ma jocando, odoko weyi win pecin mewin thwolo ri wendo.

Jogalasia 6:10

Am'omiyo, hongo je ma wanitie gi thwolo waripo timo bero ri dhano je, to tektek ri joma jobedo jowoti wan i yeyo.

Jogalasia 6:6

Ŋat'ifonjo wac pa Were ripo poko ye gi jafonji pere gigipiny mabeyo je ma go nitie gine.

Joefeso 4:28

Ŋata yado kwalo wowey kwo, kucel wocaki tic, wotim tic mabeyo gi cinge wonyali kiri konyo jocandi.

Jofilipi 4:14

To obedo maber swa munyo wikonyan i teko paran.

Jofilipi 4:18

Atieko limo cul je, kiri gi kalo; an gi gimoro je ma yenyo, paka Epafrodito otieko kelo ran mic mewin je. Gik piny me cale mic maŋwe kur, cowirok ma jolere aka sangala Were.

1 Jothesalonika 5:15

Neni win ni nyatoro wokiri woculi reco gi reco, to hongo je atoŋa mewin wobedi ma timo bero ri jowoti win kodi ri ji man je.

2 Jothesalonika 3:13

Aka riwin, jowot wan, wikiri wiol gi timo gim'otire.

1 Timothe 6:18

Or jo timo gima beyo, jowoŋaŋ i tic mabeyo, jowobedi jomiyo munyo jopoko gigipiny gi joman.

Filimon 1:6

Akwayo Were ni, riwirok mawan kodin paka jom'oyeyo bino miyo wamedo niaŋ kwoŋ gima beyo je ma wanyalo timo ri Kristo.

Joebulaniya 6:10

Were k'obedo ŋata cunye k'otire. Wiye k'owil kodi tic ma witieko timo, kosa mar ma witieko nyutho go i kony ma wimiyo i konyo ji pere aka fodi wimedere konyo jokristo jowoti win.

3 Yohana 1:11

Mere paran, ikir'iluw ranen marac no, to luw gimaber mere ayino. Nyatoro je ma timo gimaber bedo apa Were. Aka ŋata timo gimarac meno fodi k'oŋeyo Were.