Joebulaniya 12:25 - KITAWO MALEŊ Catholic

²⁵ Am'omiyo, gwokere win aka wikiri wikwer winjo ŋata luwo. K'inen joma jokwero winjo ŋat'oluwo munyo fonjo jo kwoŋ gwokirok i piny ka jok'oboth, onyo waŋati wanobothi nedi ka wawiro ŋey wan ri ŋata luwo m'owok i polo ma mito ni wagwokere!

KITAWO MALEŊ

²⁵ Am'omiyo, gwokere win aka wikiri wikwer winjo ŋata luwo. K'inen joma jokwero winjo ŋat'oluwo munyo fonjo jo kwoŋ gwokirok i piny ka jok'oboth, onyo waŋati wanobothi nedi ka wawiro ŋey wan ri ŋata luwo m'owok i polo ma mito ni wagwokere!

Joebulaniya 12:25 Iomraidhean Croise

1 Kerin 12:16

Aka munyo ji je joneno nike kere k'owinjo jo, jodwoko kere ni, “Adec aŋo ma wanitie gine i Daudi? Wangoye gi gir'alunja i wod pa Yese. Joisiraili, wadok win peco! Weyi Rehobowam won wokure!” Ameno ji jodok i wema pajo,

2 Kigana kwoŋ Kerin 7:19

“To ka winokwer winjo cik kodi or paran m'atieko miyo win, to witiyo ri werin man, to wilamo jo,

Kitawo mar'ario mapa Musa m'ilwoŋo ni Wok 16:29

Neni, amiyo win ndelo ma ywomirok, riameno i ndelo mar'aucel amiyo win cemo ma romo ndelo ario. Kisi nyatoro wobedi kama go nitie iye i ndelo mar'abirio aka wokiri woeye peco.”

Kitawo mar'ario mapa Musa m'ilwoŋo ni Wok 20:22

Rwoth omiyo Musa or waco ri Joisiraili ni, “Witieko neno nger ma An, Rwoth, aluwo iye gi win wok i polo.

Agecin 1:24

Kwoŋbedo atieko lwoŋo win to wikwero, atieko yaro cingan to ngoye ŋat'owinjo.

Agecin 1:32

Ji ma jongoye gi ŋeyo jotho kwoŋbedo jokwero rieko. Jomamiŋ jotho kwoŋbedo jokidew.

Agecin 13:18

Candi gi lifol jobedo apa ŋata kiwinji fonji, to ŋata winjo fonji imiyo dwoŋ.

Agecin 15:32

Jono ma jocayo fonji wegi jocayere, to jono ma jowinjo fonji jolimo niaŋ.

Agecin 8:33

Winji win fonji aka witim girieko, wikiri wijala.

Isaya 48:6

Witieko winjo, pama onyo neni win gime je; aka wik'otuci kamaler? Wok pama kadho yuwaŋe amiyo win winjo gigipiny manyen, gigipiny m'opanere mafodi wikuya.

Isaya 64:9

Awi Rwoth, ikir'imaki nge tektek, aka ikir'ipoy reco cil gi cil. Neni, dew ni wajoje wabedo ji perin.

Yeremia 11:10

Jogik i reco pa kwarere pajo macon, ma jokwero winjo wac paran; jokadho ri werin man to jolamo jo; Joisiraili kodi Joyuda jotieko turo woko cikirok m'atimo gi kwarere pajo.

Ezekiel 5:6

To go ogwenyere kwoŋ cik paran to jotimo kidakana loyo nonin, kodi kwoŋ fonji paran loyo lowo je m'othoko go. Jokwero cik paran, aka jok'owotho i fonji paran.

Zekaria 7:11

To jokwero winjo, aka joyengo badi gin gi wictek, aka ithi gin obedo mapek ma jok'onyalo winjo.

Kwan 32:15

Ka wiwire kwoŋ luwo go, go kendo lajwango jo i thim, aka lareyo woko ji me je.”

Matayo 17:5

Munyo go oyido fodi luwo, pondeponde matar obino to thoko jo aka dwondi moro m'owok i pondeponde owaco ni, “Me Wodan m'amaro kendo asangala gine; winji win go!”

Matayo 8:4

To Yesu waco rigo ni, “Neni! Ikir'iwaci ri nyatoro, to kidhi tirtir bongi jacway ri Were i wi migam, go wokaŋasa in, aka imiy mic ma cowirok ma nyutho dhano je nike ibothi, paka mitere i Or ma Musa ondiko.”

Tim pa Jomoor 7:35

Me a Musa ma jono jokwero ka jopenjo go ni, “Ŋat'okethin rwoth ma thumo riwan banja?” Kole go won a ŋata Were ooro paka rwoth kodi jaboth pajo gi meni pa malaika m'omenyere rigo i kasugu dudi ma onwaŋo liel mac.

Kitawo mar'abic mapa Musa m'ilwoŋo ni Cik 18:19

Aka ŋata k'owinji wac paran ma jatuci wac Were laluwo i nyingan, an won alapenjo go.

Kitawo mar'abic mapa Musa m'ilwoŋo ni Cik 30:17

To ka cuny win owire woko, to wikwero winjo, aka winorweny to wicako lamo werin man kodi tiyo rijo,

Kitawo mar'abic mapa Musa m'ilwoŋo ni Cik 4:36

Wok i polo, omiyo win winjo dwonde ma tiro win. I piny, onyutho win mac pere madwoŋ, kareno wiwinjo wac pere wok i mac.

1 Jothesalonika 5:15

Neni win ni nyatoro wokiri woculi reco gi reco, to hongo je atoŋa mewin wobedi ma timo bero ri jowoti win kodi ri ji man je.

2 Timothe 4:4

Jobino weyo winjo adieri to joketho paro pajo kwoŋ kigana makicar.

Joebulaniya 1:1

I ndir m'okadho, Were oluwo gi kwarere mawan dikweth i royo m'omore gi i dhok jotuci wac pere,

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.

Joebulaniya 12:19

gi derino ma dwondi gwara, kosa kama diderino ma dwondi nyatoro, ma munyo ji jowinjo jokwayo ni jokiri jowowinji wac man kendo,

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

Joebulaniya 3:17

Kere jokune ma Were omako gi jo nge cowo oro piero aŋwen? Go k'omako nge gi ji ma jotimo gimarac, omiyo jogore piny to jotho i dier thim?

Joebulaniya 8:5

Jono jocwayo i kalamo pa Joyuda m'obedo nyaka cal kodi tipo pa gima nitie i polo. Meno am'omiyo ocik Musa munyo go oyido cegin gero wema pa Were ni, “Neni nike itimo gimoro je i cal m'onyuthin wi got.”

Yosuwa 22:15

Jotundo bongi jo Ruben, jo Gad kodi adec ma nono pa Manase, i piny ma Giliad, to jowaco rijo ni,

Yosuwa 22:16

“Cokirok pa Rwoth gipi penjo ama, ‘Me tim manyaliŋliŋ marac aŋo ma witieko timo kwoŋ Were ma Isiraili ma konon wiwire woko kwoŋ luwo Rwoth, ka wigeto migam ri wiwegi konon ka wigwenyere kwoŋ Rwoth?

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”

Menyirok ri Yohana 22:9

To go owaco ran ni, “Ikir'itim ameno! Abedo jatic nyawotin, i dier wutmere kodi jotuci wac Were kodi ji je ma jomako wac ma kitawo me. Lami Were ayino!”