Joebulaniya 12:13 - KITAWO MALEŊ Catholic

¹³ Hongo je woth win i royo m'opiele maber ri tiendi win, ŋey kam'oŋol wokiri womedi ukirok, to wocangi ayino.

KITAWO MALEŊ

¹³ Hongo je woth win i royo m'opiele maber ri tiendi win, ŋey kam'oŋol wokiri womedi ukirok, to wocangi ayino.

Joebulaniya 12:13 Iomraidhean Croise

Isaya 35:3

Loki matek cingi joma nyap, aka loki m'ocwiny congi jo m'oregeya.

Isaya 35:6

Jor'aŋolo jolapor to jomielo aka obadhin jolakoko ri kisangala. Waŋ pi lamol i opalipat;

Isaya 42:16

Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Isaya 58:12

Gundin mewin macene ilageto kendo, wilageto kendo kindi udi ma luse ma cango. Ilalwoŋo win joyiki gim'otur, joyiki royin m'ibed'iye.

Yeremia 18:15

Kucel ji paran wiy jo owil kodan, jowaŋo mic ri gima k'adieri; Jotieko kitangatanga i royin pajo, i royin pajo macene, jotieko luwo i ger, makiweno i ngudo madwoŋ.

Luka 3:5

Kisi milelo woculi, gote gi tendere je woriew, royin je m'okom wotir, odoko royin ma di geŋin gi buce je wopiel.

Jogalasia 2:14

Munyo aneno ni jokiwothi i yo ma ripo kodi adieri ma Wac Manyen Maber, awaco ri Petero i waŋ joje ni, “Ka in Jayuda, itero kite pa Japath, makiweno apa Jayuda, inyalo nedi temo romo Jopath nike jowoteri kite pa Joyuda?”

Jogalasia 6:1

Wutmera, k'omaki moro munyo timo reco moro, win ma wimaro gima nyacuny witir go; to witim ameno gi mwolo. Aka wiwegi gwokere win, ŋey wikiri widonji i karatem bende.

Yakobo 5:16

Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.