Joebulaniya 1:3 - KITAWO MALEŊ Catholic

³ Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

KITAWO MALEŊ

³ Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 1:3 Iomraidhean Croise

1 Kigana kwoŋ Kerin 29:11

Aperin, awi Rwoth, obedo dwoŋo, meni, dwoŋ, loyo kodi dhum; kole gigipiny ma i polo kodi ma i piny obedo aperin; ibedo Kere, awi Rwoth, aka jadhum madwoŋ loyo kwoŋ gigipiny je.

Yobu 37:22

Were bino wok yumalo ma pilin paka zahabu, aka dwoŋ pere thoko wan gi lworo.

Zabuli 110:1

Rwoth waco ri rwoth paran ni, “Bedi i cingan maracuc, cuka aketho jokwor perin i par tiendin.”

Zabuli 75:3

Ka piny oyengere, to cwec mere bende jokirin, an aŋat'amiyo sirin mere cungo matek.

Jafonji 8:4

Kwoŋbedo wac pa kere nitie gi meni, aka ŋa m'openji go ni, “Itimo aŋo?”

Jolevi 15:15

Jacway ri Were i wi migam lamiyo jo, acel ri mic ma cwako reco kodi acel ri mic awaŋa; to jacway ri Were i wi migam miyo cowirok ma lonyo rigo ruwaŋ Rwoth kwoŋ tuti pere.”

Mika 5:4

Ka go obin, go bino dhumo ji pere gi meni ma wok bongi Rwoth, kodi dwoŋ ma nyingi Rwoth Were pere. Aka ji pere jobino bedo ma jogonyere, rupiri ji ma piny gibe jobino yeyo dwoŋ pere.

Matayo 22:24

to jopenjo go ni, “Jafonji, Musa ofonjo ni ka dhano m'ongoye gi nyithindho otho, omin ripo lunjo citho no wonywol gine nyithindho ri ŋat'otho no.

Mariko 16:19

Munyo Rwoth Yesu otieko luwo gi jo, oter go i polo to bedo yuracuc pa Were.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 1:4

Gimoro je manitie olimo kwo i go aka kwo no oyido a lero pa ji.

Tim pa Jomoor 2:33

Otiek tiŋo go malo yuracuc pa Were aka onyo walimo bonge Cuny Maleŋ paka Bamere ociko; aka gim'onyo pama wineno aka odoko wiwinjo me, obedo mic pere ma go okonjo kwoŋ wan.

Tim pa Jomoor 7:56

Aka owaco ni: “Neni! Eno aneno polo oyawere aka Wod Dhano ocungo yuracuc pa Were!”

Joroma 1:16

Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende.

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

2 Jokorintho 4:4

Were ma piny me oumo paro pa joma k'oyeyo gi mudho, ŋey womoni jo neno lero ma Wac Manyen Maber ma nyutho dwoŋ pa Kristo m'obedo cal pa Were.

Jokolosia 3:1

Am'omiyo paka otiek cerino win i kwo gi Kristo, onyo kethi win cuny win kwoŋ gigipiny ma polo, kama Kristo niye aka obedo yuracuc pa Were.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 1:13

Were owaco ye ri malaika mene ni, “Bedi yuracuc paran cuka anoloki jokwor perin paka kasik ma ketho tiendin?”

Joebulaniya 10:12

To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

Joebulaniya 4:14

Weyi wacwire matek kwoŋ yeyo ma watuco ni wan gine, paka kere wanitie gi jadwoŋ mapa jocway ri Were i wi migam, m'oasere gi dwoŋ m'obedo Yesu Wod Were won, m'otieko kidho i polo.

Joebulaniya 7:27

Go kicale jodongo pa jocway ri Were i wi migam man; go kiyenyere cowirok wi migam ndelo je: Ni kutho ri reco pere won, aka nyaka wocowere ri reco pa joman bende. Go ocowere wi migam dicel kende to makicutho, munyo go won omiyere paka cowirok.

Joebulaniya 8:1

Me a gimadwoŋ kwoŋ gima wawaco: Wanitie gi jadwoŋ pa jocway ri Were i wi migam, ma kiti dwoŋ pere omiyo go bedo yuracuc ma kom ma dhum pa Were Madwoŋ Ma urere i polo.

Joebulaniya 9:16

Kama nitie iye wac pa jatho m'ondiko, ripo bedo gima nyutho ni ŋato otieko tho adieri.

Joebulaniya 9:26

Kole di go ocandere dikweth wok cuka cwey piny. To, go onenere dicel makicutho, i gik ndir ma rumacen, ma kwanyo woko reco cungo kwoŋ cowirok ma kwo pere won.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Petero 3:22

m'otieko kidho i polo aka onyo nitie yu cingi Were maracuc, aka onyo dhumo jomalaika je kodi meni je kodi adhum je.

2 Petero 1:16

Wakicungo kwoŋ kigana acwoga munyo watito riwin bino pa Rwoth Yesu Kristo gi meni, to waneno dwoŋ pere gi waŋ wan.

2 Petero 1:17

Ato oyido wanitie munyo Were Bawan miyo go dwoŋ ma malo, munyo dwondi jo m'owok bongi Dwoŋ ma Malo ca oluwo rigo, munyo waco ni, “Me Wodan m'amaro ma asangala gine!”

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 3:5

Wiŋeyo ni Kristo omenyere ŋey wokwany woko reco mawan, aka go ongoye gi gimarac.

Yuda 1:25

ri Were ma Jaboth mawan acel kende: Wor, dwoŋ, meni, kodi dhum wobedi rigo, i ndir m'okadho, ma pama, kodi ma cil gi cil, i Yesu Kristo. Ameno.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.

Menyirok ri Yohana 4:11

“Rwodhiwan kendo Were! Iripo limo dwoŋ, gi wor kodi meni, rupiri icweyo gigipiny je, aka gi mito perin am'omiyo jokwo.”