Cakirok 22:1 - KITAWO MALEŊ Catholic

¹ Rumacen ma gigipiny me, Were otemo Abraham, aka olwoŋo go ni, “Abraham!” Abraham odwoko ni, “An e!”

KITAWO MALEŊ

¹ Rumacen ma gigipiny me, Were otemo Abraham, aka olwoŋo go ni, “Abraham!” Abraham odwoko ni, “An e!”

Cakirok 22:1 Iomraidhean Croise

Cakirok 15:1

Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”

Cakirok 21:11

Gime oramo cuny Abraham rupiri Isimayil bende oyido obedo wode.

Cakirok 22:11

To malaika pa Rwoth lwoŋo go wok i polo ni, “Abraham, Abraham!” To go dwoko ni, “An ee.”

Cakirok 22:7

Isaka owaco ni, “Baba!” Abraham odwoko ni, “An e wodan!” To Isaka penjo ni, “Aneno cuk mac gi yen, to nikune nyathi rombo ma mic awaŋa?”

Cakirok 37:13

Aka Yakobo owaco ri Yozefu ni, “Kere wutmin in jokikway mwendi i Sekem? Biye alaorin bongi jo.” Yozefu odwoko ni, “Ayikere.”

Cakirok 46:2

Were oluwo gi go i menyirok wor, aka owaco ni, “Yakobo, Yakobo!” Yakobo odwoko ni, “Ey, an e.”

2 Samwiri 24:1

Rwoth doko omako nge gi Isiraili, aka omiyo Daudi kelo kwoŋ jo teko. Rwoth owaco ri Daudi ni, “Kadhi i kwan Joisiraili gi Yuda.”

2 Kigana kwoŋ Kerin 32:31

Ameno bende, i gima mako kwoŋ jomikwenda pa jotel ma Babilon, m'oyido odhir bonge penjo gima mako kwoŋ ranyuth m'otimere i piny, Were okoyo go rigo won, ma temo go gi ŋeyo gimoro je manitie i cuny.

Zabuli 11:5

Go kaŋasa jomabeyo gi jokidakana marom, aka odak jomaker gi cunye je.

Kitawo mar'ario mapa Musa m'ilwoŋo ni Wok 16:4

Kenyo Rwoth owaco ri Musa ni, “Neni, Abino cwe piny cemo wok i polo ri wijoje, aka ji joripo wok kisi ndelo coko ma romo jo ma ndelo no kende. I nger me anyalo temo jo niaŋ ka jonyalo luwo cik paran.

Kitawo mar'ario mapa Musa m'ilwoŋo ni Wok 3:4

Munyo Rwoth oneno nike Musa core cegin, Were olwoŋo go wok i kasugu dudi, “Musa, Musa!” Musa odwoko ni, “An e.”

Agecin 17:3

Paka mac temo feza gi zahabu, apaka Rwoth temo cuny dhano.

Isaya 6:8

Kenyo awinjo dwondi Rwoth ka penjo ni: “Ŋa m'alaoro? Ŋa ma labedo jamikwenda mawan?” Adwoko ni, “An e! Oran!”

1 Jokorintho 10:13

Ongoye karatem moro je ma bino riwin ma kicale gi ma bino ri dhano je. Kole Were genere, aka k'oyey karatem ma bino riwin wokadhi kor win, to ka karatem moro obino, go bino miyo win royo ma both aka ŋey winyal ciro.

Kitawo mar'abic mapa Musa m'ilwoŋo ni Cik 13:3

Wikiri wiwinji wac pa jotuci wac were kodi jothieth no; kole ameno Rwoth Were mewin temo win ŋeyo, k'adieri wimaro Rwoth Were mewin gi cuny win je kodi adundo mewin je.

Kitawo mar'abic mapa Musa m'ilwoŋo ni Cik 8:16

Go m'opidho win i thim gi mana ma kwarere mewin oyido jokuya, mwolo win kodi temo win, aka i cowe timo riwin bero.

Kitawo mar'abic mapa Musa m'ilwoŋo ni Cik 8:2

Poyi win royo je ma Rwoth Were mewin otieko telo win oro piero aŋwen me i thim, mwolo win, temo win, ŋeyo gima nitie i cuny win, k'inen oyido winyalo kuro or pere kosa be.

Joebulaniya 11:17

Yeyo am'omiyo Abraham, munyo Were otemo go, ocwayo wode Isaka paka cowirok. Abraham, ma Were oyido otieko kiri timo gine cikirok, oyeyo miyo wode paka cowirok.

Yakobo 2:21

Kere cango okethi kwari wan Abraham i tiro gi Were nedi? Kole obedo i tim, munyo go ocwayo ri Were wode Isaka wi migam.

1 Petero 1:7

Candirok me obino r'atoŋa ma temo yeyo mewin. Kole kada zahabu ma nyekere je itemo gi mac. Am'omiyo yeyo mewin ma diwelo loyo zahabu, bende yenyere wotem wonen k'otire, ŋey gino wokel riwin pak kodi dwoŋ kodi wor i Ndelo m'ilanyuth'iye Yesu Kristo kamaler.

Jothum Banja 2:22

Ŋey cungo kwoŋ jo anyal ŋeyo ka Isiraili lakuro yo pa Rwoth kodi woth'iye, paka kwarere pajo jotimo, kosa be.”

1 Samwiri 3:4

Rwoth olwoŋo Samwiri, “Samwiri! Samwiri!” To Samwiri dwoko ni, “An e!”