Cakirok 2:7 - KITAWO MALEŊ Catholic

⁷ Kenyo Rwoth Were okwanyo lowo moro wok piny to cweyo jacwo, to ywe i ume luya ma kwo to jacwo bedo gi kwo.

KITAWO MALEŊ

⁷ Kenyo Rwoth Were okwanyo lowo moro wok piny to cweyo jacwo, to ywe i ume luya ma kwo to jacwo bedo gi kwo.

Cakirok 2:7 Iomraidhean Croise

Cakirok 1:27

Ameno Were ocweyo ji i cal pere; ocweyo jo ma cwo kodi ma mon.

Cakirok 2:6

To pi oyido nyule wok i pendi lowo to dhieko piny.

Cakirok 3:19

I kwok perin ibino camo mugat cuka inogiki i lowo; rupiri ocweyin wok i lowo, aka doko ibino lokere lowo.”

Cakirok 3:23

Riameno Rwoth Were oriemo go wok i ndelo Eden to miyo go furo lowo m'ocwey gine go.

Cakirok 7:22

Kisi gima ywe i piny otho

Yobu 27:3

tekin anitie gi kwo, aka fodi aywe luya pa Were,

Yobu 33:4

Cuny pa Rwoth ocweyan, luya pa Jameni Je omiyan kwo.

Yobu 33:6

Neni, ruwaŋ Were warom, aka an bende ocweyan gi lowo.

Yobu 4:19

Ameno won bende kiri gi ji ma jobedo lowo, ma misingi pajo obedo fukefuke, m'inyalo ŋinyo paka thuth ŋinyo gimoro.

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 103:14

Kole go oŋeyo nger ma wacweyer'iye, go poyo ni wabedo fukefuke.

Agecin 20:27

Cuny dhano obedo tala pa Rwoth, aka rango paro ma iye.

Jafonji 12:7

Kenyo fukefuke lagik i lowo paka con, to cuny gik bongi Were m'omiyo go.

Jafonji 3:7

Hongo ma yeco, gi hongo ma kwoyo, hongo ma liŋ, gi hongo ma luwo.

Isaya 2:22

Wire woko kwoŋ dhano, ma luya pere nitie i ume, aŋo bende ma go nyalo?

Isaya 64:8

Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Ywakirok 4:20

Ŋat'owir pa Rwoth, luya ma kwo mawan, oter woko i buce, ŋat'oyido wawaco ni, i tipo pere, walakwo i dier nonin.

Ezekiel 37:5

Rwoth Were waco ama ri cokin me: Alakudho luya i win, aka wilakwo.

Ezekiel 37:6

Alaketho fuc kwoŋ win, t'amiyo riŋo bino kwoŋ win, t'aumo win gi pien, t'aketho luya i win, aka wibino kwo; aka wilaŋeyo ni An Abedo Rwoth.”

Zekaria 12:1

Me wac pa Rwoth kwoŋ Isiraili, Rwoth waco, go m'oyaro polo to cako piny aka otimo cuny dhano i go.

Kwan 16:22

Jopodho gi nyim jo, to jokwayo ni, “Awi Were, Were pa ji je, ŋat'acel otim reco to nge makin gi kweth gibe?”

Kwan 27:16

“Weyi Rwoth, Were ma won kwo, woyeri dhano telo ji.

Yohana 20:22

Go owaco gime to kudho jo gi luya to waco ni, “Limi win Cuny Maleŋ.

Tim pa Jomoor 17:25

Odoko go kiyeny kony moro bongi dhano paŋini go keŋ gimoro ma dhano ama nyalo miyo go, rupiri go won ama miyo ji je kwo, luya kodi gimoro je.

Joroma 9:20

To jawodhan in iŋa, dhan'adhana, m'inyalo dwoko Were? Dak bende nyalo penjo ŋat'ocweyo go ni, “Raŋo m'icweyan ama?”

1 Jokorintho 15:45

Am'omiyo ndiko waco ni, “Adam, dhano marapena olimo kwo.” To Adam macowe obedo Cuny ma miyo kwo.

1 Jokorintho 15:47

Adam marapena owok i piny, dhano ma fukefuke; Adam mar'ario wok i polo.

2 Jokorintho 4:7

To wan ma wanitie gi ŋaŋo ma cuny me wacale degi ma lowo, ma nyutho nike meni m'oasere me wok bongi Were ayin makiweno bongi wan.

2 Jokorintho 5:1

Kole waŋeyo ni ka kayindi ma wabed'iye i piny, delkwoŋ wan me, okedhi woko, Were bino miyo wan ot ma cil gi cil i polo, ma dhano ama k'ogero.

1 Timothe 2:13

Kole otel cweyo Adam, aka nyaka ocwey Eva,

Joebulaniya 12:9

Aka kisi dhano kwoŋ wan onwaŋo wan gi bacere mawan ma jomiyo wan gir'acula aka wamiyo jo dwoŋ. Onyo di waripi mwolok marom nedi ri Ba cuny wan to walimo kwo!