Cakirok 1:1 - KITAWO MALEŊ Catholic

¹ I cakirok Were ocweyo polo gi piny.

KITAWO MALEŊ

¹ I cakirok Were ocweyo polo gi piny.

Cakirok 1:1 Iomraidhean Croise

2 Kerin 19:15

aka okwayo ni, “Awi Rwoth, Were pa Isiraili m'obedo i wi cwec ma jobwombi gin, in kende a Were, ma dhumo keri je ma i piny. Icweyo piny kodi polo.

1 Kigana kwoŋ Kerin 16:26

Kole werin pa nonin je jobedo nyaka cal to Rwoth ocweyo polo.

2 Kigana kwoŋ Kerin 2:11

Kenyo Huram kere ma Tire omiyo radwok i balwa m'odhiro ri Solomon ni, “Rwoth okethin bedo kere rupiri omaro ji pere.”

Nehemia 9:6

Kenyo ji jokwayo ama: “In kende, ibedo Rwoth, icweyo polo gi micalin je. Icweyo lowo gi nam gi cwec ma jokwo i joje, imiyo joje kwo. Waŋceŋ, dwe gi micalin je jolamin.

Yobu 26:13

Go oloko polo maler gi koyo pere, aka ocwowo bulir m'oyido kwale gi cinge.

Yobu 38:4

In oyido initie kune munyo ageto kindi piny? Waci ran k'initie gi niaŋ.

Yobu 9:8

Go am'oyaro polo won kende, aka onyono piny asur ma Nam.

Zabuli 102:25

Cango con icweyo piny, aka polo obedo tic ma cingin.

Zabuli 104:24

Rwoth, tic perin thoth! Icweyo joje i rieko perin; piny opoŋ gi cwec perin.

Zabuli 104:30

To k'imiyo jo cuny perin, jocweyere, imiyo piny kwo manyen.

Zabuli 115:15

Weyi Rwoth womiy win silwany, go m'ocweyo polo gi piny.

Zabuli 121:2

Kony paran wok bongi Rwoth, m'ocweyo polo gi piny.

Zabuli 124:8

Kony mawan nitie i nyingi Rwoth, m'ocweyo polo gi piny.

Zabuli 134:3

Weyi Rwoth, m'ocweyo polo gi piny, womiy win silwany wok i Zayon.

Zabuli 136:5

Go ma gi rieko ocweyo polo, kole mar pere makiwire bedo cil gi cil.

Zabuli 146:6

m'ocweyo polo gi piny, nam gi gimoro je manitie i jo; ŋata kuro yeyo cil gi cil.

Zabuli 33:6

Rwoth ocweyo polo gi cik pere, waŋceŋ, dwe, kodi micalin gi wac m'owok i dhoke.

Zabuli 33:9

Go oluwo, to piny cweyere, luwo i cik pere gigipiny je oneno.

Zabuli 8:3

K'aneno polo, m'icweyo, dwe gi micalin m'iketho i kabedo pajo

Zabuli 8:4

ji bende jobedo aŋo m'iparo kwoŋ jo, idewo kwoŋ jo, makada nende jotho.

Zabuli 90:2

Mafodi ikicweyo gote kosa icweyo piny gibe, oyido ibedo Were makwo cil gi cil, aka ibino bedo Were cil gi cil.

Zabuli 96:5

Kole werin pa nonin je jobedo nyaka cal, to Rwoth ocweyo polo.

Kitawo mar'ario mapa Musa m'ilwoŋo ni Wok 20:11

I ndelo aucel An, Rwoth, acweyo polo gi piny, nam gi gima nitie iye je, to aywomere i ndelo mar'abirio. Riameno Rwoth omiyo ndelo ma Sabato silwany to loko maleŋ.”

Kitawo mar'ario mapa Musa m'ilwoŋo ni Wok 31:18

Munyo Rwoth otieko luwo gi Musa wi got Sinai, omiyo go telin mapando ario ma Were won ondik'iye or.

Agecin 16:4

Rwoth otieko timo kisi gimoro g'atoŋa mere, kiri jakidakana ri ndelo ma teko.

Agecin 3:19

Rwoth ocweyo piny gi rieko; go ocako polo gi niaŋ.

Jafonji 12:1

Poyi Jacwec perin i hongo ma soye perin, ka hongo ma teko fodi k'obino, kosa oro m'ilawac'iye ni, “Akiwinji cwe i jo.”

Isaya 37:16

“Awi Rwoth pa lwak jolweny, Were pa Isiraili m'obedo i wi cwec ma jobwombi gin, in kende a Were, ma dhumo kerin je ma i piny. Icweyo polo gi piny.

Isaya 40:21

Fodi ikuya? Fodi ikiwinjo? Fodi k'owaci rin wok i cako? Fodi ikiniaŋ wok i misingi ma piny?

Isaya 40:26

Tiŋi waŋin malo akinen, ŋa m'ocweyo gime? Go ma wodho woko lwak pajo to kwano jo, lwoŋo joje gi nyingi jo; rupiri go obedo ŋatadwoŋ i meni, meni pere oasere, ongoye kad'acel ma rem.

Isaya 40:28

Fodi ikiŋeyo? Fodi ikiwinjo? Rwoth obedo Were ma cil gi cil, jacwec ma witum ma piny. Go kiol kosa lacere, niaŋ pere kiŋeyere.

Isaya 42:5

Me apaka Were, Rwoth waco, m'ocweyo polo to yaro jo woko, m'oyaro piny gi gima wok'iye, go ma miyo ji ma jobed'iye luya ma ywe, gi cuny ri jono ma jowoth'iye.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Isaya 45:18

Me apaka Rwoth waco, go m'ocweyo polo, (go obedo Were!) Go ocweyo piny, (ocweyo m'ocwiny aka ma cil gi cil. Go k'ocweyo piny m'ojwangere, to ocweyo ni ji jowobed'iye.) An abedo Rwoth, aka ongoye man.

Isaya 51:13

Wiwin owil gi Rwoth, jacwec mewin, m'oyaro polo, to geto misingi ma piny. Wimedo bedo gi lworo ndelo gipi, ro nge pa jono ma jodiyo win, jono ma joyikere reyo win woko? Nikune keme pa joma jodiyo win?

Isaya 51:16

Atieko ketho wac paran i dhok win, t'akano win i tipo ma cingan, arieyo polo, t'ageto kindi piny, k'awaco ri Zayon ni, “Wibedo ji paran.”

Isaya 65:17

Kole acweyo polo manyen, gi piny manyen, k'opoy gigipiny macon, kosa k'opar kwoŋe.

Yeremia 10:12

Obedo Rwoth m'ocweyo piny gi meni pere, go m'ocako piny gi rieko pere, aka gi niaŋ pere to yaro polo.

Yeremia 32:17

Awi Rwoth Were, Obedi in iŋat'icweyo polo kodi piny gi meni perin madwoŋ kodi cingin m'oyare! Ongoye gimatek rin swa.

Yeremia 51:15

Rwoth am'ocweyo piny gi meni pere; gi rieko pere ocweyo piny aka gi niaŋ pere oyaro polo.

Zekaria 12:1

Me wac pa Rwoth kwoŋ Isiraili, Rwoth waco, go m'oyaro polo to cako piny aka otimo cuny dhano i go.

Matayo 11:25

I hongo no Yesu owaco kamaler ni, “Afoyin Baba, Rwoth ma polo gi piny, rupiri ipano gigipiny me ri jomariek kodi jom'ofonjere t'iwodho kamaler ri nyithindho ayino.

Mariko 13:19

Kole i ndelo no candirok madwoŋ bino bedo ma fodi yado k'obedo ye wok i cakirok pa piny, aka odoko k'obedi.

Tim pa Jomoor 14:15

“Jume, raŋo ma witimo gime? Wabende wabedo ji paka win! Wanitie ka i atoŋa ma tito riwin Wac Manyen Maber, kwanyo win woko kwoŋ gigipiny me m'ongoye kony bongi Were Ma kwo, m'ocweyo polo gi piny, nam kodi gigipiny je manitie i iye.

Tim pa Jomoor 17:24

Were m'ocweyo piny kodi gima nitie iye gibe, obedo Rwoth ma polo kodi piny, aka kibedi i udi ma ji ama jogero.

Tim pa Jomoor 4:24

Munyo jowinjo gime, jo je joriwere kanyacel i kwayo Were ni, Rwoth ma Jacwec ma polo gi piny, kodi wakawaka kodi gima nitie iye je!

Joroma 11:36

Kole go am'ocweyo gimoro je, aka gimoro je nitie kwoŋbedo go kodi rigo. Dwoŋ wobedi ri Were cil gi cil! Ameno.

1 Jokorintho 8:6

to riwan Were nitie acel kende, Were Bawan, m'ocweyo gigipiny je, ma gimoro je wok bonge; ma wakwo rigo; odoko Rwoth nitie acel kende, Yesu Kristo, ma i go gigipiny je ocwey, aka go ama miyo wakwo.

Joefeso 3:9

Kendo anyuthi ji paka can pa Were manyaliŋliŋ m'oyido opanere wok con i paro pa Were m'ocweyo gimoro je, ripo aketha i tim.

Joebulaniya 1:10

Go owaco kendo ni, “A Rwoth, i cakirok icweyo piny, aka polo meno je tic ma cingin otimo.

Joebulaniya 1:2

to i ndir macowe me, go oluwo gi wan gi i dhok Wode m'oyero paka okayo ma lalunjo gigipiny pere je, aka ocweyo polo gi piny luwo kwoŋ Wode no.

Joebulaniya 11:3

Yeyo ama miyo waniaŋ nike Were am'ocweyo polo gi piny munyo wodho or, m'omiyo gima nenere ocwey wok kwoŋ gima kinenere.

Joebulaniya 3:4

Ato ot je dhano ama gero, to Were ama ogero kisi gimoro.

2 Petero 3:5

Jotimo atoŋa paŋini jokuya ni cango con Were oluwo aka polo gi piny ocwey, aka piny ocwey wok i pi, aka gi pi.

1 Yohana 1:1

Wandiko riwin kwoŋ wac ma kwo, m'otieko bedo wok i cakirok, ma watieko winjo odoko watieko neno gi waŋ wan, watieko kikaŋasa, aka cingi wan otieko geyo.

Menyirok ri Yohana 10:6

to kwoŋere i nyingi Were, ma bedo cil gi cil, m'ocweyo polo kodi gigipiny je manitie i iye, piny kodi gimoro je manitie i iye, kodi nam gi kisi gima nitie i iye. Malaika no owaco ni, “Galo odoko ongoye,

Menyirok ri Yohana 14:7

Go owaco gi dwonde ma malo ni, “Lwor win Were, aka paki win dwoŋ pere! Kole ndir otundo rigo ma thumo banja ri ji. Am'omiyo, lami win Were m'ocweyo polo, piny, nam, kodi waŋ pi!”

Menyirok ri Yohana 21:6

Aka owaco ran ni, “Otieko timere! An a Alifa kodi Omega, cakirok kodi gike. Ŋata riyo neko abino miyo pi amadha ma nono ma wok i waŋ pi ma kwo.

Menyirok ri Yohana 22:13

Abedo Alifa kodi Omega, marapena kodi macowe, cakirok kodi gike.”

Menyirok ri Yohana 3:14

Ri malaika ma kitipa pa jom'oyeyo ma Lawodisia ndiki ama: Me mikwenda m'owok bongi ŋata lwoŋere ni Ameno, jakony ma genere odoko mar'adieri, m'obedo kacakirok ma cwec pa Were.

Menyirok ri Yohana 4:11

“Rwodhiwan kendo Were! Iripo limo dwoŋ, gi wor kodi meni, rupiri icweyo gigipiny je, aka gi mito perin am'omiyo jokwo.”