1 Petero 1:17 - KITAWO MALEŊ Catholic

¹⁷ Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.

KITAWO MALEŊ

¹⁷ Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.

1 Petero 1:17 Iomraidhean Croise

Cakirok 47:9

Yakobo odwoko ni, “Kwo paran ma woth otieko oro 130. Oro no jobedo manok to ma teko, makiweno paka oro mabor ma woth pa kwarere paran.”

1 Kigana kwoŋ Kerin 29:15

Iŋeyo Rwoth, nike waluwo i kwo paka jopath kodi jokicar, paka kwarere mawan jotimo. Ndelo i piny cale tipo, aka wangoye gi geno.

2 Kigana kwoŋ Kerin 19:7

Onyo riameno, lworo Rwoth wobedi kwoŋ win, wigwokere win i gima witimo, rupiri Rwoth Were mawan kiyere gi gima k'otire, go tero dhano je marom kosa go kicam nyew.”

Yobu 34:19

Ŋa ma kinyuthi nyakucel ri jodhum, kosa kiyer jocandi ri joŋaŋo. Kole joje jobedo tic ma cingi go.

Zabuli 39:12

Winji kwayo paran, Awi Rwoth, aka ciki ithin ri ywak paran; biye konyan k'auja. Kole abedo wendo manitie i woth, jawoth, paka kwarere paran.

Zabuli 89:26

Go bino ywak ran ni, in ibedo baba, Were paran, aka tele ma both paran.

Agecin 14:16

Ŋatariek gwokere to wire woko kwoŋ gimarac, to jamiŋo kidiy cunye to timo gimoro kicar.

Agecin 28:14

Kisangala bedo ri ŋata lworo jo, to ŋata cunye tek lapodho i teko.

Yeremia 3:19

Rwoth waco ni, “Isiraili, oyido amito jolo win paka nyithindho paran, t'amiyo win lowo ma sangala win, gir'alunja maŋon loyo ma nonin je. Aka oyido aparo ni winyalo lwoŋan ni baba, to wikwero weyan.

Zefania 3:9

Kenyo alalonyo luwo pa nonin, ŋey jowolwoŋ nyingi Rwoth, aka jowotiy rigo iy'acel.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Matayo 22:16

Gikenyo jooro jofonjirok pajo mogo kodi jopa Herode moro bongi Yesu. Jowaco ni, “Jafonji, waŋeyo nike ibedo dhano m'otire: Ifonjo royo pa Were g'adieri, m'ikidew kwoŋ gima ji paro, rupiri ikidew kwoŋ dwoŋ pa dhano.

Matayo 6:9

Me apaka wiripo kwayo, Bawan ma i polo; Nyingin wolwor.

Joroma 11:20

Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

2 Jokorintho 1:2

Weyi nema gi siem ma wok bongi Were Bawan kodi Rwoth Yesu Kristo wobedi gi win.

2 Jokorintho 5:6

Am'omiyo hongo je wanitie gi miseni. Waŋeyo nike ka tekin waripo i del me meno wanitie bor gi Rwoth.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

2 Jokorintho 7:11

Ere neni win gima rem ma wok bongi Were no otieko timo kwoŋ win; neni paka oloko win joma genere, ma cuny win olony. Neni paka cuny win ramere, bwok, paro, maro Were, aka mito tiro ama wobedi. Kole witieko nyutho ni wingoye gi raco i wac no je.

Jogalasia 2:6

To jom'oyido itero jo paka jotel (awaco ama rupiri kikel ran pokirok moro gim'onwaŋo jobedo; kole Were kinen dhano cungo kwoŋ cal ma woko), jok'omedo wac moro je manyen kwoŋ mikwenda paran.

Joefeso 1:17

aka akwayo Were pa Rwodhiwan Yesu Kristo, Bawan man gi dwoŋ, ni womiy win Cuny Maleŋ, ma bino loko win mariek to nyutho win Were, nike wiŋeyi go maber.

Joefeso 3:14

Riameno, aguro congan i nyim Baba,

Joefeso 6:9

Onyo rwodhe, wibende kuri win ŋecin mewin ameno. Weyi win bwoko jo paka wiŋeyo ni win kodi ŋecin mewin je wibedo apa Rwoth acel i polo, ma thumo banja ri dhano je m'ongoye yero.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

Jofilipi 2:12

Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

Jokolosia 3:25

Aka jatim reco je ibino culo go tim pere mareco no, rupiri Were tero dhano je marom.

Joebulaniya 12:28

Am'omiyo, rupiri wakidho limo ker ma kinyal yengere, weyi wafoy win Were to walamo go i royo ma sangala go, gi bwonirok gi lworo;

Joebulaniya 4:1

Onyo, Were otieko weyo riwan cikirok nike wanyalo donjo i ywomirok pere. Am'omiyo, wagwokere win, aka moro kwoŋ win wokiri wokeŋ donjo i ywomirok no.

1 Petero 2:11

Agoyo koko riwin jowotan, paka jowiloka i piny me, ni ŋuti win kwoŋ awanya mareco, ma ndir je lwenyo gi cuny win.

1 Petero 3:15

To i cuny win, wor win Kristo paka Rwoth. Ndiri je yikere win ma dwoko ŋata lwoŋo win tito geno ma winigine.