Zefania 3:9 - MUMA MALER 2015

⁹ Bang’e anapwodh dho ji mondo an Ruoth Nyasaye ema gilama, ka gitiyona gi chuny achiel.

Motingʼo Loko Manyien

⁹ “Bangʼe anapwodh dho oganda mondo giduto giluong nying Jehova Nyasaye, kendo gitine gi chuny achiel.

Zefania 3:9 Iomraidhean Croise

Chakruok 11:1

E kinde mokwongo ji duto mae piny ne wacho mana dhok achiel, kendo ne gikonyore gi weche machal.

Chakruok 4:26

Seth bende nonywolo wuowi mochako ni Enos. E kindeno ema ne ji ochako luongoe Nyasaye ni Jehova ka gilame.

Zaburi 113:3

Chutho, nying Ruoth Nyasaye mondo odendi, chakre wuok chieng’ nyaka podho chieng’.

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Isaya 19:18

E ndalogo, noyud ka joma odak e mier abich mag Misri wuoyo gi dho Hibrania, ka kuong’ore ni noluw Ruoth Nyasaye manyalo Gik Moko Duto. Dala achiel kuomgi noluong ni Dala Wang’chieng’.

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Isaya 6:7

mane osegolo e kendo-mar-misango gi ramaki. Ne orewo dhoga ka owacho niya, “Winji, majni oserewo dhogi, omiyo timbeni mamono oweni. Adier, richoni opwodhi.”

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Ezekiel 37:17

Koro riw ludhe ariyogo e lueti, mondo onenre ka luth achiel.

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Zekaria 14:9

Chakre chieng’no, Ruoth Nyasaye nobed ruodh piny ngima, kendo ji duto nolame ka Nyasachgi, mi ng’eye gi nyinge achiel ma Ruoth Nyasaye.

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu

Mathayo 12:35

Ng’at maber golo gik mabeyo kuom mwandu mabeyo mokano e chunye. To ng’at marach to golo mana gik maricho kuom mwandune maricho.

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”