Zefania 3:1 - MUMA MALER 2015

¹ Mano wach malit manade kuom dala Jerusalem, ma jasand ji, kendo monyorore ma japiem!

Motingʼo Loko Manyien

¹ Mano kaka inine malit in dala maduongʼ ma jasand ji, ma toke tek kendo mogak.

Zefania 3:1 Iomraidhean Croise

Isaya 30:12

To Ng’ama Ler mar Israel wacho kama, “Ok usewinjo wachnano, bende usando ji, kendo utimo timbe mag miganga, kuparo ni gik ma kamago nyalo konyou,

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Isaya 59:6

Mbupgi ok nyal chuego nanga, kendo onge ng’ama nyalo rwako gik ma gichueyo! Tichgi kelo mana chandruok, kendo lwetgi odich mana gi timbe mahundu.

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Jeremia 5:23

To un wiu tek, kendo uhero piem. Usepiem koda adier, muweya!

Jeremia 6:6

Ruoth Nyasaye Manyalo Gik Moko Duto osegolo chik niya, “Tong’uru yien, kendo uging lowo pidhe pidhe e tiend ohinga, mondo umonj Jerusalem.” Osewacho bende niya, “Abiro kumo dalani nikech bura makare onge kanyo chuth.

Jeremia 6:7

Kaka pi soko bubni pile, e kaka richo Jerusalem bende osiko ka bubni. Dalano opong’ gi lweny kod masiche, kendo tuoche gi adhonde ema aneno kanyo.

Ezekiel 22:29

Ji ajia bende wuondo ji kendo mecho. Gisando joma odhier kod jopinje mamoko modak kuomgi.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Ezekiel 23:30

osekeloni, nikech ne in dhako ma ogendni terorego, mi idwanyori gi nyisechegi manono.

Tim jo-Lawi 1:16

Nyaka ogol oswakone kaachiel gi gik manie iye, mi owit e bath kendo-mar-misango koma ochomo yo wuok chieng’, kama ipukoe buru.

Amos 3:9

Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Mika 2:2

Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Zekaria 7:10

Kik usand nyithi kiye gi mond liete, gi jopinje mamoko modak kuomu, kod joma odhier, bende kik ng’ato chan timo ni wadgi tim moroo mamono.’

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”