Zefania 2:4 - MUMA MALER 2015

⁴ Dala mar Gaza ibiro we nono. Ashkelon bende biro dong’ gunda, kendo jo-Ashdod ibiro riembo mana odiechieng’ tir. Ekron to ibiro dhuolo gi lop tiende.

Motingʼo Loko Manyien

⁴ Ji biro dar Gaza, kendo Ashkelon biro dongʼ gunda. Odiechiengʼ tir Ashdod ibiro weyo nono kendo Ekron ibiro pudh gi tiende.

Zefania 2:4 Iomraidhean Croise

Zaburi 91:6

Bende ok iniluor tho magoyo ji ka piny olil, kata tuoche manego ji ka piny ler.

Isaya 14:29

Yaye un jo Filistia kata obedo ni luth mane goyou osetur kamano, to kik ubed mamor, nimar nyathi thuol nobed mager moloyo wuon, kendo nobed ndemu man gi kwiri marach!

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 25:20

Kaachiel gi jopinje mamoko modak kuomgi, gi ruodhi duto mag piny Uz, gi ruodhi duto mag miech Filistia, ma Ashkelon gi Gaza gi Ekron kod dir Ashdod modong’,

Jeremia 6:4

Giniwach niya, “Waikreuru mondo wamonj Jerusalem! Ikreuru! Wabiro monjogi godiechieng’ tir.” To eka ginilok parogi ka giwacho niya, “Ooyo, sa koro ng’eny, piny dwaro yuso, kendo tipo lor.