Zefania 1:5 - MUMA MALER 2015

⁵ Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Motingʼo Loko Manyien

⁵ Bende abiro tieko ji duto makulore ewi tat udi kalamo chiengʼ, dwe gi sulwe. Ji duto makulore ka kwongʼore gi nying Jehova Nyasaye, to bangʼe gikwongʼore gi nying Molek nyasach jo-Amon.

Zefania 1:5 Iomraidhean Croise

1 Ruodhi 11:33

Abiro golo loch kuome nikech oseweya, molamo Ashtoreth, nyasaye madhako mar jo-Sidon, gi Kemosh nyasach jo-Moab, kod Milkom nyasach jo-Amon, ka ok oluw yorena mondo otim gik malong’ona, kata rito chikena gi buchena kaka Daudi wuon mare notimo.

1 Ruodhi 11:5

Solomon ne lamo Ashtoreth, nyasaye ma dhako mar jo-Sidon, kod Milkom, nyasach jo-Amon.

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

2 Ruodhi 17:32

To kaachiel gi nyisechego ne gilamo Ruoth Nyasaye bende, kendo ne giyiero ji ariyo mondo obed jodolo mag hembko mane ni kuonde moting’ore, mondo otimnigi misengni kuondego.

2 Ruodhi 17:33

Kamano ne gilamo Ruoth Nyasaye, to bende ne gitiyo ni nyisechegi giwegi, ka giluwo timbe pinje mane ogolgie.

2 Ruodhi 17:41

Kamano ogendinigo ne lamo Ruoth Nyasaye, to gi nyiseche manono bende. Nyithindgi gi nyikwagi ne timo kaka kweregi ne timo, kendo pod gitimo kamano nyaka chil kawuono.

2 Ruodhi 23:12

Nomuko kende-mag-misango mane nie wi gorofa mar od Ahaz, mane ruodhi mag Juda oloso e laru ariyo mag od Ruoth Nyasaye. Notoyogi matindotindo, mopuko ng’injogi e aora Kidron.

Isaya 22:1

Wach mane Nyasaye onyiso kuom holo mar Hinom e ma: Un jo-Jerusalem, nyisauru gima omiyo uduto uidho ewi udi.

Isaya 44:5

Ng’at moro nowach niya, ‘An ng’at Ruoth Nyasaye.’ To machielo nowach ni en nyakwar Jakobo. Ng’at moro to nondik nying Ruoth Nyasaye e lwete, kendo noluongre gi nying Israel.”

Isaya 45:23

An Nyasaye mangima asekuong’ora! Adier, gima owuok e dhoga en adier, kendo ok nyal lokore. Asesingora ka awacho niya, “Ji duto nogona chonggi piny, kendo ng’ato ka ng’ato nokuong’re ni biro luwa.”

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Jeremia 49:1

Ruoth Nyasaye nowuoyo kuom jo-Amon niya, “Jo-Israel ni kanye? Donge nitie ng’ato manyalo reso lopgi? Ang’o momiyo giseweyo jo-Amon malamo Milkomgi okawo piny jo-Gad mi odakie?

Jeremia 5:2

Kata ka ukuong’oru gi nying Ruoth Nyasaye, to ukuong’oru mana gi miriambo.

Jeremia 5:7

Ruoth Nyasaye nowacho niya, “Ere gima dimi awe ni joga richogi? Yawuotgi oseweya, mokuong’ore gi nying nyiseche manono. Ne amiyo joga gik moko duto mane gidwaro, to pod ne giterore atera ka giketho sechegi gi mon ma jochode.

Jeremia 7:10

To kusetimo gik ma kamago to eka ubiro e nyima e Hekalu ma nyinga nitieni, kendo uwacho niya, ‘Wasekwo.’ To uparo ni unyalo kwo adier, ka utimo timbe makuero kamano?

Jeremia 7:9

Ukwelo, unego ji, uteroru, ukuong’oru gi miriambo, utimo lisweche ni Baal, kendo ulamo nyiseche manono ma yande ok ung’eyo.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Hosea 10:2

Chunygi wuondogi, omiyo koro nyaka kumgi kuom richogi. Nyasaye biro muko kendegi mag misango, kendo ketho sirni maggi ma gilamo.

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Amos 5:26

Koro nyaka uting’ nyisecheu manono mag sulue ma Sakuth gi Kaiwan mane uloso,

Mathayo 6:24

“Onge ng’ama nyalo tiyo ni ruodhi ariyo, nikech dosin gi moro, to ohero machielo, kata domi achiel luor, to ochayo machiel. Omiyo, ok unyal tiyo ni Nyasaye, mi kendo uchak uti ni mwandu.

Tich Joote 10:9

Kinyne kane jootego nie yo chiegni chopo Jopa, Petro noidho e tat ot kar sa auchiel mondo olem.

Jo-Rumi 14:11

Mana kaka ondiki e Muma niya, “An Ruoth Nyasaye mangima, akuong’ora niya, ‘Ji duto nogona chonggi piny, kendo ng’ato ka ng’ato nohul ni an e Nyasaye.’ ”

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.

Joshua 23:7

Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.