Zefania 1:18 - MUMA MALER 2015

¹⁸ Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Motingʼo Loko Manyien

¹⁸ To kata mana fedha mathoth kod dhahabu ma gin-go ok noresgi, odiechiengʼ mar mirimb Jehova Nyasaye. Chiengʼ ma Jehova Nyasaye ngʼadoe bura, nyiego mager ma en-go nowangʼ piny duto, mitiek pep.” Kamano e kaka notiek gik moko duto modak e piny mana kadiemo wangʼ.

Zefania 1:18 Iomraidhean Croise

Chakruok 6:7

mowacho niya, “Abiro nego ji duto ma asechueyo kamoro amora ma gintie, kaachiel gi le kod winy bende, nikech daber ka dine ok achueyogi.”

1 Ruodhi 14:22

Jo-Juda notimo gik ma Ruoth Nyasaye okwero, mi richogi nomiyo Ruoth Nyasaye ojok kodgi moloyo kweregi duto.

Ayub 21:30

e kinde ma Nyasaye okecho kendo kumo ji, to joricho ema dong’ mak okum?

Ayub 3:15

Kata dikoro anindo mana ka joma omew mane opong’o utegi gi dhahabu kod fedha,

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Zaburi 79:5

A Nyasaye, ibiro kecho kodwa nyaka karang’o? Koso mirimbi biro siko ka liel ka mach nyaka chieng’?

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Ngeche 18:11

Jamoko paro ni mwandune en ohinga mogeng’orego.

Isaya 1:24

Omiyo Ruoth Nyasaye ma Nyakalaga, ma en Ng’ama Nyalo Gik Moko Duto mar Israel, wacho niya,

Isaya 10:17

Ler mar Israel nolokre mach. Adier, Ng’ama Ler nolokre mach mang’ang’ni, ma chieng’ moro nomuochi, mi wang’gi pep odiechieng’ achiel mana ka kudho.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Jeremia 7:34

Anatiek mor gi ilo duto e miech Juda, kendo e wang’ yore man Jerusalem, ma kata mana dwond miaha gi chwore ok nowinji, nikech noyud ka piny oselokore thim.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ezekiel 16:38

Anang’adni buch tho ka an gi mirima mager, nikech terruok kod nek mane itimo.

Ezekiel 23:25

Kaka mirima mager omaka kodi, abiro weyo gitimi kaka gin ema gihero ka gikecho kodi. Gining’ad umi kod iti, kendo ginineg nyithindi. Adier, ginimayi yawuoti gi nyigi, mi giwang’gi ka gingima.

Ezekiel 7:11

Timbe mahundu bende osemedore marach, to onge joricho mabiro dong’. Mwandugi kod duong’gi bende biro rumo.

Ezekiel 7:19

Giniwit dhahapgi kod fethgi e wang’yore, mana ka yugi, nikech dhahabu kata fedha ok nokonygi chieng’ mirimb Nyasaye. Adier, mwandugo ok nonegnigi kech, bende ok noyieng’gi, nimar mwandugo ema ne oterogi e richo.

Ezekiel 7:5

“An Ruoth Nyasaye awacho kama: Koro masiche mang’eny biro makou.

Zefania 1:11

kendo ji modak e dala mamwalo noywagi, nimar joohala duto orumo, kendo joma loko ohand fedha otiek pep.

Zefania 1:15

Chieng’no en chieng’ bura, kendo en chieng’ ywagruok gi rem, bende en chieng’ kethruok gi lal, kod mudho gi kuyo, kaachiel gi rumbi molil kod ong’ueng’o malich. En chieng’ ma tung’ ywakie,

Zefania 2:2

ka pok oteru kuma bor, mi ulal nono ka mihudhi! Ee, chokreuru, kapok Ruoth Nyasaye okelo mirimbe mager kuomu, kata kapok chieng’ mirimbe ochopo.

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’