Zefania 1:15 - MUMA MALER 2015

¹⁵ Chieng’no en chieng’ bura, kendo en chieng’ ywagruok gi rem, bende en chieng’ kethruok gi lal, kod mudho gi kuyo, kaachiel gi rumbi molil kod ong’ueng’o malich. En chieng’ ma tung’ ywakie,

Motingʼo Loko Manyien

¹⁵ Odiechiengʼno nobed odiechieng mirima, enobed odiechieng mwodo lak kod rem malit, bende enobed odiechieng chandruok gi kethruok, enobed odiechiengʼ mopongʼ gi boche polo moimore, kendo odiechiengʼ mopongʼ gi rumbi kod mudho.

Zefania 1:15 Iomraidhean Croise

Isaya 13:9

Adier, chieng’ ma Ruoth Nyasaye oseketo biro. En odiechieng’ mirima gi ichwang’ mager, ma obiro kethoe piny, mi lokre thim, kendo otiekie joricho duto.

Isaya 22:5

Aywak nikech Ruoth Nyasaye Manyalo Gik Moko Duto oseketo chieng’ lweny gi koko kod masira. Nomuk ohinga e holo mar fweny, kendo ji nokogi ewi gode, kadwaro kony.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Joel 2:11

Ruoth Nyasaye ruto e nyim ogandane mar lwenyno. Joge mag lweny ng’eny, kendo rateke. Ndalo Ruoth Nyasaye lich manade! Ere ng’ama nyalo siro chieng’no?

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Zefania 2:2

ka pok oteru kuma bor, mi ulal nono ka mihudhi! Ee, chokreuru, kapok Ruoth Nyasaye okelo mirimbe mager kuomu, kata kapok chieng’ mirimbe ochopo.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Rapar mar Chik 28:52

Ginilwor mier duto ma Ruoth Nyasaye nomiu mondo gikau, nyaka gimuk ohinga maboyo kendo motegno muparo ni dugeng’rugo.

2 Petro 3:7

To Nyasaye osewuoyo bende ni, polo kod piny ma kawuono okan ni Chieng’ Bura, mondo mach obi otieki kaachiel gi ji duto ma ok oluoro Nyasaye.

Fweny 6:17

nikech chieng’ maduong’ mar mirimbgi mager osechopo! To ere ng’ama disir mirima ma kamano?”