Zefania 1:13 - MUMA MALER 2015

¹³ Mwandugi noyaki, kendo miechgi nokethi. Giniger udi, to ok ginidagie, kendo ginipidh mzabibu, to ok ginimadh divachgi.”

Motingʼo Loko Manyien

¹³ Mwandugi noyaki kendo utegi nomuki. Gibiro gero udi, to ok ginidagie, bende gibiro pitho puothe mzabibu to ok gini madh divai moa kuomgi.”

Zefania 1:13 Iomraidhean Croise

Isaya 6:11

Bang’e ne apenjo niya, “Yaye Ruoth Nyasaye, gima kamano biro timore nyaka karang’o?” Eka nodwoka niya, “Mano biro timore nyaka mier lokre gundni, mi udi dong’ nono, ma onge ng’ama odakie, kendo piny kethre chuth,

Jeremia 15:13

Ruoth Nyasaye nodwoka niya, “Abiro kelo wasigu oyak mwandu joga, mondo akumgi kuom richo ma gisetimo e pinygi duto.

Jeremia 17:3

kod gode duto manie pewe. Abiro miyo wasiku yak mwanduu duto, nikech richo ma usetimo kuonde duto e pinyu.

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Jeremia 5:17

Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Jeremia 9:19

Winjuru ywak maywagore Sayun, ‘Waserumo chuth, kendo waseyudo wichkuot miwuoro. Osedarwa e pinywa, kendo miechwa osekethi.’ ”

Ywagruok 5:2

Jopinje mamoko osekawo pinywa gi miechwa.

Ezekiel 22:31

Kuom mano, abiro tiekogi pep, ka an gi mirima mager ka mach, kakumogi maromre gi timbegi. An Ruoth Nyasaye ema awacho kamano.”

Ezekiel 7:19

Giniwit dhahapgi kod fethgi e wang’yore, mana ka yugi, nikech dhahabu kata fedha ok nokonygi chieng’ mirimb Nyasaye. Adier, mwandugo ok nonegnigi kech, bende ok noyieng’gi, nimar mwandugo ema ne oterogi e richo.

Ezekiel 7:21

Ruoth Nyasaye nowacho niya, “Abiro miyo jopinje mamoko yakgi, mi joma timbegi richo maketho chik nomagi mwandugi duto, mi dwany.

Ezekiel 7:24

Omiyo abiro kelo ogendini marichoe moloyo mondo okaw miechu. Abiro tieko sunga jou marateke, mi ami ogendini keth kuondeu mag lemo.

Amos 5:11

Usethiro joma odhier, kendo usekawo chambgi moko kaka osuru. Kuom mano ok unudag e udi mabeyo mag kite musegero, bende ok unumadh divai kuom mzabibu mabeyo musepidho,

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Mika 6:15

Ubiro chuoyo, to ok unuka cham, kendo ubiro biyo zeituni, mi uyud mo, to ok unukonyru gi morno. Bende unulos divai, to ok unumadhi.

Zefania 1:9

Chieng’no abiro kumo jogo duto mamiel e laru mar Hekalu, kendo mapong’o od ruodhgi gi timbe mahundu kod timbe mag wuond.

Rapar mar Chik 28:30

Unukend mon, to jomoko nono ema nonind kodgi. Unuger udi, to ok nudagie. Unupidh mzabibu, to ok unucham olembegi.

Rapar mar Chik 28:39

Unupidh mzabibu, kendo unudogi, to ok unuka olembgi kata madho divachgi, bende ok unumadhi nikech, kudni nokethgi.

Rapar mar Chik 28:51

Ginicham jambu gi chambu, ma ok giweyonu cham kata divai kata mo kata mana chiayo moro kuom jambu nyaka urum.