Tito 1:5 - MUMA MALER 2015

⁵ Ne aweyo idong’ e chula mar Krete mondo ilos gik mane pod orem, kendo iyier jodong kanyakla mag jo-Kristo e mier duto, kaka ne achiki.

Motingʼo Loko Manyien

⁵ Gima omiyo ne aweyi Krete ne en ni mondo irie gik moko mane odongʼ kapok atieko, kendo mondo iyier jodong kanisa e dala ka dala, kaka ne achiki ni itim.

Tito 1:5 Iomraidhean Croise

1 Weche mag Ndalo 6:32

Ne giwer e nyim Hemb Romo nyaka Solomon notieko gero Hekalu mar Ruoth Nyasaye Jerusalem, kendo ne gitiyo tijegi kaka nochannigi.

Eklesiastes 12:9

To nikech Jayalo ne nigi rieko, omiyo ne omedo puonjo ji apuonja gik mong’eyo. Ne ochoko ngeche eka ochanogi maber.

Isaya 44:7

To ka ng’ato paro ni rom koda, to mondo ochung’ ane owach kamano. Onego ohul gik manyalo nyiso ni owacho adiera, nikech kane ginyalo koro gik mane otimore chon, to kara nyaka bed ni ginyalo hulo gik ma koro eka biro timore!

Tim jo-Lawi 14:42

Eka giniket kite manyien kuonde ma gisegoloe moko ka, mi gimwon ot gi lowo manyien.

Tich Joote 11:30

Ne gitimo kamano, mi gimiyo Barnaba gi Saulo pesa, otero ni jodong kanyakla mar jo-Kristo.

Tich Joote 14:23

Ne giketo jodongo ni kanyakla duto mag jo-Kristo, kendo kane giselemo, kendo gitueyo chiemo, ne giketogi e lwet Ruoth mane koro giseyie kuome.

Tich Joote 2:11

Moko kuomwa gin jo-Yahudi, to moko bende gin jo-Krete gi jo-Arabu. To ere kaka wawinjo jogi kawuoyo kuom timbe madongo mag Nyasaye gi dhowa wawegi?”

Tich Joote 27:12

To bende dhowath kanyo ne ok ber moromo betie ndalo chwiri, omiyo ji mathoth ne dwaro a kanyo, ka giparo ni digichop Foiniks, mondo gibedie ndalo chwiri. Foiniks en dhowath Krete, momanyore gi milambo ma yo podho chieng’.

Tich Joote 27:13

Kane yamb milambo ochako kudho mos, ne gigalo ni ginwang’o gima gidwaro, omiyo ne wachako wuoth, mi wakwang’ madiny e lak dhonam Krete.

Tich Joote 27:21

Koro kane gisedak kuom ndalo mang’eny ka ok gichiem, Paulo nochung’ e nyimgi mowachonigi niya, “Owetena, dinyocha uwinj wachna, mi wawe kwang’ waa Krete, to da ok wanwang’o masirani, kendo gik moko da ok olal kama.

Tich Joote 27:7

Ne wakwang’ mos gi thagruok kuom ndalo mang’eny, eka ne wachopo e dho Kanido. To kaka yamo ne pod ok nyal weyo wadhi nyime tir, ne wakwang’ kwageng’ore e tiend chula mar Krete, kwakadho e bath sori miluongo ni Salmone.

1 Jo-Korintho 11:34

To ka ng’ato odenyo, to ber mondo ochiem e dala, mondo chokruok kik kelnu bura. Weche modong’ to nanyisu ka abiro.

1 Jo-Korintho 14:40

to weuru gik moko duto otimre maber kendo makare.

1 Jo-Korintho 4:17

Mano emomiyo aoronu Timotheo. En wuoda kuom Ruoth. Ahere kendo en jaadiera. Obiro paronu chike ma aluwo e ngimana kuom Kristo Yesu, kendo ma apuonjo kuonde duto, e kanyakla duto mag jo-Kristo.

Jo-Kolosai 2:5

Kata obedo ni ok an kodu gi ringra, to an kodu gi chunya, kendo amor ahinya kaneno kaka uritoru maber, kendo kaka un gi yie motegno kuom Kristo.

1 Timotheo 1:3

Adwaro mondo imed dak Efeso mana kaka ne akwayi mondo itim, kane oyudo awuok adhi e piny Makedonia. Ji moko ni Efeso kuno mapuonjo puonj mayore, to nyaka ikwergi mondo giwe timo kamano.

2 Timotheo 2:2

Weche duto mane iwinjo ka apuonjo e nyim joneno mang’eny, to in bende nyaka inyis joma igeno, ma bende nyalo puonjo jomoko.

Tito 1:12

Janabi moro ma ja Krete wadgi nowacho niya, “Pile jo-Krete gin jomriambo. Gin ondiegi maricho, kendo jowuoro ma josamuoyo.”