Tich Joote 8:7 - MUMA MALER 2015

⁷ Jochiende maricho nowuok kaywak matek kuom ji mang’eny, kendo joathany kod pudhe bende ne ochango,

Motingʼo Loko Manyien

⁷ Jochiende nowuok kuom ji mangʼeny ka giywak malit, kendo jo-athany kod pudhe nochangi.

Tich Joote 8:7 Iomraidhean Croise

Isaya 35:6

Rang’onde bende nochikre ka nyidiek, kendo momni nower gi mor, nimar pi nobubni e piny motwo, kendo aore nobed ka molie.

Mathayo 10:1

Yesu noluongo jopuonjrene apar gariyo, mi omiyo teko mar golo jochiende, kendo mar chango tuoche duto mopogore opogore.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Mariko 9:26

Jachiendno noywak matek mi omiyo rawerano ogwecho malich kowuok kuome. Rawerano noriere kanyo ka ng’ama otho, omiyo ji duto nowacho ni, “Otho!”

Luka 10:17

Jopuonjre piero abiriyo gariyogo noduogo gi mor, kawacho niya, “Ruoth, kata mana jochiende bende winjowa ka wakwerogi e nyingi!”

Johana 14:12

Awachonu adier ni ng’at moyie kuoma notim tije ma atimo. Bende enotim koda ka timbe madongo moloyo mago, nikech adhi ka Wuora.

Tich Joote 5:16

Bende ji mang’eny moa e mier mokiewo gi Jerusalem nokelo jogi matuo kod joma nigi jochiende maricho mi nochanggi giduto.

Tich Joote 8:6

Kane jo-Samaria owinjo wach Filipo, kendo gineno honni mane otimo, ne gichiko itgi ni wechene gi chuny achiel.

Jo-Hibrania 2:4

Nyasaye owuon bende nonyiso ni en adier, kuom timo ranyisi gi honni kod tije madongo mopogore opogore, kendo kuom pogonwa mich mag Roho kaka en owuon odwaro.