Tich Joote 8:21 - MUMA MALER 2015

²¹ Ionge gi giri moro, kata migawo moro e tijwani, nikech chunyi ok long’o e nyim Nyasaye.

Motingʼo Loko Manyien

²¹ Ionge gi migawo moro amora e tijwani, kendo kwan-ni onge e iye, nikech chunyi ok nikare e nyim Nyasaye.

Tich Joote 8:21 Iomraidhean Croise

2 Weche mag Ndalo 25:2

Timbe Amazia ne long’o e nyim Ruoth Nyasaye, to ne ok otimgi gi chunye duto.

Nehemia 2:20

To nadwokogi niya, “Nyasach polo biro gwedhowa, kendo wan jotichne koro wachako gedo. To un uonge migawo kata teko kata mana rapar moro e Jerusalem.”

Zaburi 36:1

Richo wuoyo gi jaricho e chunye kuma tut. Jaricho ok oluoro Nyasaye kata matin.

Ezekiel 14:3

kawachona niya, “Wuod dhano, jogi oketo chunygi kuom lamo nyiseche manono, kendo giyie mondo nyisechego otergi e richo. Koro ere kaka giparo ni anyalo dwokogi?

Tim jo-Lawi 13:8

Jadolo nyaka chak range, kendo koyudo ni kama litno landore, to mano nyiso ni en tuo mar dhoho, omiyo nong’ad wach ni ng’atno ogak.

Habakuk 2:4

Koro ma e fweny nogo: Ng’at ma chunye ok ni kare nopodhi, to ng’at makare nobed mangima nikech adierane.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

Tich Joote 8:37

Filipo nodwoke ni, “Inyalo yudo batiso, kiyie gi chunyi duto.” Nodwoke ni, “Ee ayie ni Yesu Kristo en Wuod Nyasaye.”]

Jo-Efeso 5:5

nikech ung’eyo ni ng’ama terore kata ma ok ler, kata ma jagombo, ma en ng’ama lamo nyiseche manono, ok noyud gueth mar Loch Kristo gi Nyasaye.

Rapar mar Chik 10:9

Mano emomiyo jo-Lawi onge gi piny mopognigi ka mwandugi, kaka opog ni dhout Israel mamoko. Ruoth Nyasaye ma Nyasachu owuon e mwandugi, mana kaka nosesingorenigi.

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Joshua 22:25

Ruoth Nyasaye noseketo aora Jordan mondo opog kindwa kodu, omiyo ok un joge.’ Ka giwacho kamano, to di gimon nyikwawa lamo Ruoth Nyasaye.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

Fweny 20:6

Joma ochier e chier mokwongoni gin johawi kendo gin joma ler. Tho mar ariyo onge gi teko kuomgi, to ginibed jodolo mag Nyasaye kod mag Kristo, kendo giniloch kode kuom higni alufu achielgo.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”