Tich Joote 8:2 - MUMA MALER 2015

² Jomoko moluoro Nyasaye noyiko Stefano, kendo oywage malit.

Motingʼo Loko Manyien

² Joma oluoro Nyasaye noyiko Stefano kendo ne giywage malit.

Tich Joote 8:2 Iomraidhean Croise

Chakruok 23:2

Bang’e notho Kiriath-arba, ma tinde iluongo ni Hebron, manie piny Kanaan. Ibrahim nodonjo e hembe moywage.

Chakruok 50:9

Bende nodhi gi geche kod joidh farese. Ne en oganda maduong’ ahinya.

2 Samuel 3:31

Daudi nowacho ni Joab gi ji duto mane ni kode niya, “Yiechuru lepu, urwakru gi piende gugru, kendo uywag Abner.” Daudi owuon nodhi e liel ka luwo bang’ Abner.

2 Weche mag Ndalo 32:33

Hezekia notho moluwo kwerene mi ne giyike gi yo ka malo mar liete joka Daudi. Jo-Juda gi jo-Jerusalem duto ne joyike gi luor maduong’. Manase wuode nodoko ruoth kare.

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Jeremia 22:10

“Jo-Juda, kik uywag ruoth Josia, ma koro osethoni, to ywaguru wuode ma Shalum, nikech osetere e piny moro, kendo ok noduogi, bende ok ochak one piny mane onywolee.

Jeremia 22:18

Kuom mano, Ruoth Nyasaye wuoyo kuom Jehoyakim wuod Josia, ma ruodh Juda niya, “Onge ng’ama noywage, kawacho ni, ‘Yaye Ruoth! Thoni lit manadi!’

Kwan 20:29

Kane oganda jo-Israel oneno ni Harun osetho, ne giywage kuom ndalo piero adek.

Mariko 6:29

Kane jopuonjre Johana owinjo gima osetimoreno, ne gibiro, mi gikawo ringre Johana, giyiko.

Luka 2:25

E kindeno ne nitie ng’at moro Jerusalem, ma nyinge Simeon. Ne en ng’at makare, moluoro Nyasaye, kendo nogeno ni Mesia biro biro reso Israel. Roho Maler ne ni kode,

Tich Joote 10:2

kendo ne en ng’at modimbore, kendo moluoro Nyasaye gi joode duto. Notimo timbe ng’wono mang’eny kokonyogo jo-Yahudi modhier, kendo ne olamo Nyasaye pile.

Tich Joote 2:5

To ne nitie jo-Yahudi moko e Jerusalem mane oluoro Nyasaye. Ne gia e pinje duto manie piny.

Tich Joote 8:1

Chieng’ onogo, kanyakla mar jo-Kristo man Jerusalem nochako yudo sand malit. Giduto nokegi kuonde duto e pinje Judea gi Samaria, mak mana joote kende ema ne odong’ Jerusalem.

Tich Joote 8:3

E kindeno Saulo nochako ketho kanyakla mar jo-Kristo, kodhi e ot ka ot, kendo oywayo chwo gi mon oko, otero e jela.

Rapar mar Chik 34:8

Jo Israel noywage e paw Moab kuom ndalo piero adek, nyaka ndalo miywagego norumo.

1 Samuel 28:3

Noyudo Samuel osetho, mi jo-Israel duto noywage, kendo ne giyike Rama, dalane owuon. To Saulo noseriembo jo-nyakalondo kod ajuoge duto oa e piny Israel.