Tich Joote 7:9 - MUMA MALER 2015

⁹ “To nyiego nomako kwerewago gi Josef, mi ging’iewe, modhi obedo misumba e piny Misri. To Nyasaye ne ni kode,

Motingʼo Loko Manyien

⁹ “Nikech kwerewago ne nyiego omako gi Josef, ne giuse kaka misumba ne jo-Misri. To nikech Nyasaye ne ni kode,

Tich Joote 7:9 Iomraidhean Croise

Chakruok 39:2

To Ruoth Nyasaye ne ni kod Josef, mi noguedhe e yorene duto. Nodak e od ruodhe ma ja-Misrino.

Chakruok 39:5

Chakre kanyo, Ruoth Nyasaye noguedho gik moko duto mane nie od ja-Misrino, kod mago duto mane ni e puothene, mana nikech Josef.

Chakruok 45:4

Eka Josef nowachonigi niya, “Suduru machiegni.” Kane gisesudo machiegni, nowachonigi niya, “An e Josef owadu mane ung’iewo, moter Misri.

Zaburi 105:17

ne oyudo osemiyo ong’iew Josef ka misumba, mondo oore otel nyimgi.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Hagai 2:4

Bang’e nyis Zerubabel gi Joshua wuod Jehozadak jadolo maduong’ kod ji moko duto mondo ojiwre obed motegno. An Ruoth Nyasaye ema awacho kamano.” Ruoth Nyasaye Manyalo Gik Moko Duto owacho ni, “Chakuru achaka tich, nikech an kodu,

Mathayo 27:18

Nowacho kamano nikech nong’eyo maber ni gitero Yesu ire mana nikech nyiego.

1 Jo-Korintho 13:4

Hera timo kinda, kendo ong’won. Ok otim nyiego, kendo ok osungre, bende ok opakre.