Tich Joote 7:51 - MUMA MALER 2015

⁵¹ “Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Motingʼo Loko Manyien

⁵¹ “Un joma tokgi tek, chunyu bor gi Nyasaye kendo udagi winjo wachne! Uchal mana gi kwereu. Usiko utamo Roho Maler tiyo!

Tich Joote 7:51 Iomraidhean Croise

2 Ruodhi 17:14

To kata kamano, ne gidagi weyo yorego, nikech ne wigi tek ka wi kweregi mane ok oyie kuom Ruoth Nyasaye ma Nyasachgi.

2 Weche mag Ndalo 30:8

Koro kik utim wichteko kaka kwereu notimo, to chiwreuru ni Ruoth Nyasaye, kendo udonj e Hekalu, ma Ruoth Nyasaye oseguedho mondo obed mare nyakachieng’. Tiuru ni Ruoth Nyasaye ma Nyasachu, mondo chunye olend kuom mirima mager ma en go kodu.

Nehemia 9:16

“To kwerewago ne jong’ayi, kendo tokgi ne tek, mi giketho chikni.

Nehemia 9:30

Kuom higni mang’eny ning’wononigi, ka Roho mari siemogi gi dho jonabi magi, to ne ok ginyal winjo. Omiyo nichiwogi e lwet jopinje mamoko.

Zaburi 75:5

Ee, awachonigi giduto mondo giwe timbegi mag sunga gi mag tok teko.”

Zaburi 78:8

Ok onego gichal gi kweregi mane wigi tek, kendo mane odagi luoro Nyasaye. Ne gin joma chunygi yomyom, kendo ma ok ogeno kuom Nyasaye.

Wuok 32:9

Ruoth Nyasaye nomedo wacho ni Musa niya, “Aserango jogi, maneno ni gin joma wigi tek.

Wuok 33:3

Anateru e piny momeu kendo machiek. To an awuon ok nadhi kodu, nimar dipo ka atiekou e yo, nikech un ji ma tokgi tek.”

Wuok 33:5

Ruoth Nyasaye nowacho ni Musa niya, “Nyis jo-Israel ni gin joma tokgi tek, kendo ka da bed ni anyalo wuotho kodu kata kuom sa matin kende, to datieku te. Koro mondo gilony bonjegi, eka abiro ng’eyo gima anyalo timonigi.”

Wuok 34:9

Nowacho niya, “A Ruoth Nyasaye, kimor koda adier, to koro akwayi mondo idhi kodwa, jogi tokgi tek, to kata kamano, yie iwenwa kethowa gi richowa, kendo ikawwa ka mwanduni iwuon.”

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Jeremia 17:23

To kweregi ne ok odewo winjo wachna, kendo wigi ne odoko matek, mi gidagi luora, kata obedo ni asekumogi kamano.

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Jeremia 6:10

Ne adwoke niya, “Ere ng’ama diwinja, ka awuoyo kodgi, kata ka akwerogi kamano? Gisedino itgi, omiyo ok ginyal winjo. Gisetamore winjo wachni, kendo gitugo mana gi gima iwacho.

Ezekiel 2:4

Wigi tek, kendo ok gimiya luor, omiyo aori irgi mondo inyisgi gima an Ruoth Nyasaye awacho.

Ezekiel 44:7

Gisedwanyo Hekaluna, ka giyie ni jopinje mamoko ma ok ter nyangu kendo mochaya donjo e Hekalu e kinde ma itimona misango gi boche kod remo. Kamano joga oseketho singruok mane atimo kodgi, kuom gik mamono ma gisetimo.

Ezekiel 44:9

“An Ruoth Nyasaye awacho kama: Japiny moro amora ma ok ter nyangu kendo mochaya ok nochak odonj e Hekaluna kata obed mana japiny moro modak e Israel.

Tim jo-Lawi 26:41

An to nabed mamon kodgi, kendo natergi e piny wasikgi. Bang’e chunygi ma ok oyie timo kaka adwaro nobolre, kendo giniyud kum kuom richogi.

Kwan 27:14

nikech nutamoru rito chikna kane oganda jo-Israel piem koda e sokni manie thim Zin, kendo ne ok unyiso oganda ni an Ng’ama Ler.” (Mago e sokni mag Meriba man but Kadesh e thim Zin.)

Tich Joote 6:10

To Roho Maler nomiyo Stefano rieko mang’eny, omiyo kane oloso, to ne ok ginyal loye.

Tich Joote 7:27

To jal mane oyudo timo ni wadgi marach nodhiro Musa, kapenje ni, ‘Ng’ano ma oketi jatendwa, kata jang’adnwa bura?

Tich Joote 7:35

“Kamano Musa, mane jo-Israel osekwedo, kapenjo ni ng’ano mane okete jatendgi kendo jang’adnigi bura, ema Nyasaye nooro ka jatelo kendo ka jawar, komiyo malaika mane ofwenyorone e bungu loso kode.

Tich Joote 7:39

“To kwerewa nodagi winje. Ne gikwede, mi gigombo dok Misri.

Tich Joote 7:9

“To nyiego nomako kwerewago gi Josef, mi ging’iewe, modhi obedo misumba e piny Misri. To Nyasaye ne ni kode,

Jo-Rumi 2:25

Ka imako Chik, to ter moterigo nyangu nigi tiende, to ka ok imako Chik, to ichal gi ng’at ma ok oter nyangu, kata bed ni oteri nyangu kamano.

Jo-Efeso 4:30

Kik umi Roho Maler mar Nyasaye chuny lit, nikech Roho e kido ma Nyasaye oketonu, kaka ranyisi ni noresu chieng’ resruok.

Rapar mar Chik 10:16

Kuom mano, koro nyaka uyie mako singruok gi chunyu duto, kendo kik umed bedo joma tokgi tek,

Rapar mar Chik 30:6

Ruoth Nyasaye ma Nyasachu nomi chunyu gi chuny nyikwau tim gik ma odwaro, mondo uhere gi chunyu duto kendo gi adiera, eka ubed mangima.

Rapar mar Chik 31:27

nimar ang’eyo ni un joma wigi tek ta. Usetamoru winjo Ruoth Nyasaye kata kapod angima ka an kodu. Koro kasetho to ubiro dage machal nadi?

Rapar mar Chik 9:13

“Bang’ mano Ruoth Nyasaye nowachona niya, ‘Aserango jogi, ma ayudo ni gin joma tokgi tek.

Rapar mar Chik 9:6

Kuom mano koro ng’euru ni Ruoth Nyasaye ma Nyasachu ok miu piny momewni nikech timbeu mabeyo, nimar ka adier, to un joma tokgi tek.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Jo-Kolosai 2:11

Kane uyie kuom Kristo to noteru nyangu, to ok nyangu mar ringruok, to nyangu mar Kristo, ma en lonyo kit dhano machon matimo richo,