Tich Joote 7:44 - MUMA MALER 2015

⁴⁴ “Kane kwerewa nie thim, ne gin kod Hemb Rapar. Nolose mana kaka Nyasaye nosenyiso Musa, kowachone ni nyaka olose mana machal gi kido mane oseneno.

Motingʼo Loko Manyien

⁴⁴ “Kwereu ne ni kod Hema miluongo ni Hemb Rapar. Hemano nolosi mana kaka Nyasaye nonyiso Musa mondo olose, koluwo ranyisi mane omiye.

Tich Joote 7:44 Iomraidhean Croise

1 Weche mag Ndalo 28:11

Daudi nonyiso Solomon wuode kit gedo mar agoch Hekalu kod utene, gi ut keno gi ut gorofa gi udi maiye, kod raum mar Sandug Muma, miluongo ni kar-ng’wono.

1 Weche mag Ndalo 28:19

Daudi nowacho niya, “Magi duto Ruoth Nyasaye owuon ema onyiso. Tichna ne en mana dwaro rieko kaka digere.”

2 Weche mag Ndalo 24:6

Omiyo Ruoth noluongo Jehoyada jadolo maduong’, mopenje niya, “Ang’o momiyo ok ijiw jo-Lawi mondo osol osuru kuom jo-Juda gi jo-Jerusalem? En osuru mane Musa jatich Ruoth Nyasaye oketo kuom jo-Israel mondo olosgo Hemb-Romo.

Wuok 25:40

To nyaka ine ni ilosogi machal gi kido mane onyisi ewi got.

Wuok 26:30

Kamano nyaka ilos Hema Maler, kiluwo mana kido mane onyisi ewi got.

Wuok 27:8

Nyaka ilos kendo-mar-misango gi bao, to iye mondo obed thuolo, ka i sanduk. Lose mana kaka ne onyisi ewi got.

Wuok 38:21

Magi e kar romb gik mane Musa oketo e lwet jo-Lawi mane tiyo e bwo Ithamar wuod Harun jadolo, mondo olosgo Hema Maler, ma nyinge moro en Hemb Rapar.

Kwan 10:11

Due piero ariyo, due mar ariyo, e higa mar ariyo, bor polo nowuok oa ewi Hemb Rapar.

Kwan 18:2

Iniwe jodhoodu ma joka Lawi bed kodu kendo konyu, kutiyo gi yawuoti e nyim Hemb Rapar.

Kwan 9:15

Chieng’ mane giguroe Hema Maler, ma en Hemb Rapar, bor polo ne oime, to godhiambo ler machal gi mach nothinyore e wiye, mosiko kanyo nyaka okinyi.

Jo-Hibrania 8:2

Obet kanyo ka otiyo Kama Ler maradier, ma en hema ma Nyasaye ema oguro, to ok dhano.

Jo-Hibrania 8:5

Tich ma jodologo chiwo en kido gi tipo mar tich manie polo, mana kaka tich Musa bende nobet, nikech kane Musa chako tich gero Hema mar Romo gi Nyasaye, to Nyasaye nowachone niya, “Neni iloso gik moko duto machal gi kido mane onyisi e got.”

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

Joshua 3:14

Omiyo ji nowuok e kambi mondo ong’ad aora Jordan, ka jodolo otelonigi koting’o Sandug Muma. Ne en ndalo keyo, kinde mane aora pong’ie mao.