Tich Joote 7:42 - MUMA MALER 2015

⁴² To Nyasaye nojwang’ogi, moweyogi mondo gilam sulue mae polo, kaka ondiki e kitap jonabi ni, ‘Apenjou, un jo-Israel, bende an ema nukelona chiwo, kendo utimona misengni kuom higni piero ang’wen mane utieko e thimgo duto?

Motingʼo Loko Manyien

⁴² To Nyasaye nogolo pache kuomgi moweyogi mondo gilam chwech mag polo kaka nyisechegi, mana kaka ondiki e kitap jonabi niya, “ ‘Yaye jo-Israel, bende ne ukelona misengini kata chiwo moro amora kuom higni piero angʼwen mane un e thim?

Tich Joote 7:42 Iomraidhean Croise

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 21:3

Nochako oloso hembko mane ni kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo siro milamo miluongo ni Ashera, kaka Ahab ruodh Israel notimo, bende nolamo sulue duto, kotiyonigi.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Isaya 43:23

Ok usetimona misengni miwang’o pep mag rombe, kendo ok usemiya duong’ kutimona misengni mamoko. To ok asechandou mondo utimna misengni mag cham, bende ok asemiyou ting’ mapek, ka adwaro ni mondo uwang’na ubani.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Ezekiel 20:25

Bang’e ne amiyogi buche maricho kod chike ma ok kel ngima.

Ezekiel 20:39

“An Ruoth Nyasaye awacho kama: Ara, un jo-Israel, koro dhiuru adhiya nyime gi tiyo ni nyisecheu manonogo! To aramo ni e giko to ubiro luora, mi ok unumi nyinga maler kethre kuom chiwo mich ni nysecheu manono.”

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Hosea 4:17

Jo-Israel ni e bwo loch mar nyiseche manono,

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Tich Joote 13:40

Emomiyo, tang’uru mondo kik masiche mane jonabi okoro timrenu. Jonabi nosekoro niya,

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Rapar mar Chik 17:3

kolamo kendo okulore ni nyiseche mamoko, kata ni wang’chieng kata ni due kata ni gimoro amora manie kor polo,

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.

Jo-Hibrania 3:9

Nyasaye wacho niya, ‘Kwereu notema kuno mondo ong’e chunya, kata obedo ni giseneno gik mane atimo kuom higni piero ang’wen.

Joshua 24:20

Kuweyo Ruoth Nyasaye, mutiyo ni nyiseche mamoko, to enolokre jasiku, kendo nokumu. Kata obedo ni oseguedhou kamano, to koro enotieku chuth.”