Tich Joote 6:4 - MUMA MALER 2015

⁴ Wan to wabiro keto chunywa kuom lemo, kendo kuom lando Wach Maber.”

Motingʼo Loko Manyien

⁴ eka wan wachiwre chuth ni tijwa mar lamo gi yalo Wach Nyasaye.”

Tich Joote 6:4 Iomraidhean Croise

Luka 1:23

Kane Zekaria otieko ndalone mag tich, ne odok dala.

Tich Joote 1:14

Giduto ne gilamo Nyasaye pile gi chuny achiel, kaachiel gi mon moko kaka Maria min Yesu kod owete Yesu.

Tich Joote 2:42

Jogo noketo chunygi kuom puonj joote, kendo kuom timo gik moko duto kaachiel, kendo kuom chamo Sap Ruoth, kendo kuom lemo.

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

1 Jo-Korintho 9:16

To chutho ok anyal sungora kuom lando Injili, nimar ochuna ni nyaka aland Injili, kendo dane malit ahinya ka ok alando Injili.

Jo-Filipi 1:4

kendo pile ka alemonu to alemo gi mor,

Jo-Kolosai 2:1

Adwaro ni mondo ung’e kaka akedonu matek, kendo ni jo-Laodikia, kaachiel gi ji duto mapok anena wang’ gi wang’.

Jo-Kolosai 4:12

Epafra ma bende jathuru, kendo ma misumba Yesu Kristo, bende ooronu mos. Pile olemonu matek, kokwayo Nyasaye mondo omi uchung’ motegno ka jo-Kristo maradier, kuketo chunyu kuom timo gik moko duto ma Nyasaye dwaro.

Jo-Kolosai 4:17

Nyisuru Arkipo ni mondo one ni otieko gima ne omiye mondo otim, nikech en tich Ruoth.

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.