Tich Joote 3:13 - MUMA MALER 2015

¹³ Nyasach Ibrahim gi Isaka kod Jakobo, ma Nyasach kwerewa, osemiyo jatichne Yesu duong’. En Yesu mane undhogo, mi ukwedo e nyim Pilato, kata obedo ni Pilato ne dwaro gonye kamano.

Motingʼo Loko Manyien

¹³ Nyasach Ibrahim gi Isaka kod Jakobo, ma en Nyasach kwerewa, ema osemiyo Yesu jatichne duongʼ. Ne uchiwe mondo onege, kendo ne ukwede e nyim Pilato, kata obedo ni Pilato ne dwaro gonye.

Tich Joote 3:13 Iomraidhean Croise

Wuok 3:13

Musa nowacho ni Nyasaye niya, “To ka adhi ir jo-Israel, mawachonigi ni Nyasach kweregi oseora, gibiro penja ni, ‘Nyinge ng’a?’ An to nadwokgi ang’o?”

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Wuok 3:6

Eka nomedo wacho niya, “An Nyasach kwereni ma Nyasach Ibrahim gi Nyasach Isaka kod Nyasach Jakobo.” Mi Musa noumo wang’e, nikech noluoro ng’iyo wang’ Nyasaye.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 20:19

mi gikete e lwet joma ok jo-Yahudi mondo ochare kendo ochwade mi gure e msalaba. To chieng’ mar adek nochiere.”

Mathayo 22:32

An e Nyasach Ibrahim, gi Nyasach Isaka, kod Nyasach Jakobo’? To wang’eyo ni Nyasaye ok en Nyasach joma otho, to en Nyasach joma ngima.”

Mathayo 27:2

Eka ne gitueye mi gigole kanyo, gitere ir Pilato, ruoth mane jo-Rumi oketo.

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Mariko 15:11

To jodolo madongo nojiwo ji ni mondo okwa Pilato ogonynigi mana Baraba.

Luka 22:57

To Petro nokwer ni, “Nyako! Ok ang’eye.”

Luka 23:4

Bang’ mano, Pilato nowacho ni jodolo madongo kod joma nochokore duto ni, “Ok ayudo jali gi ketho.”

Luka 6:37

“Kik ung’ad ni ji bura, eka ok nong’adnu bura! Kik udonj ni ji, eka un bende ok nodonjnu. Weuru ni ji richogi, eka un bende nowenu richou.

Johana 12:16

E kindeno jopuonjrene ne ok ong’eyo tiend wachno, to achien, kane Yesu oseyudo duong’ne maler, eka ne giparo ni ji osetimone kamano,

Johana 18:40

To ne gidwoke ni, “Ooyo, ok wadwar jali! To gonynwa mana Baraba!” Barabano to ne jamecho.

Johana 19:11

To Yesu nodwoke niya, “Ok dibedo gi teko kuoma kata matin, ka da ok tekono obironi koa malo. Kuom mano, ng’at mane oketa e lueti nigi richo moloyo.”

Johana 19:12

Mano omiyo Pilato nomedo dwaro gonye, to jo-Yahudi nogoyo koko matek ni, “Ka igonyo ng’atni to kara ok in osiep Kaisar, nikech ng’ato ang’ata ma owacho ni en ruoth to opiem gi Kaisar.”

Johana 19:15

To ne gikok ni, “Nege! Nege! Gure e msalaba!” Pilato nopenjogi niya, “Udwaro ni mondo agur ruodhu koso?” To jodolo madongo nodwoke ni, “Waonge gi ruoth, mak mana Kaisar.”

Johana 7:39

To Yesu ne oloso kuom Roho, ma ji duto moyie kuome ne biro yudo. To e kindeno Roho ne pok obiro, nikech Yesu ne pok oyudo duong’ne.

Tich Joote 22:14

Eka ne owachona niya, ‘Nyasaye ma Nyasach kwerewa oseyieri mondo ing’e gima odwaro, kendo ine Jatichne Makare kendo iwinj dwonde owuon kowuoyo kodi.

Tich Joote 24:14

To gimoro achiel ma anyalo yie, en ni alamo Nyasach kwerewa kaluwore gi Yor Ruoth ma giluongo ni kanyaklano, ka ayie gi weche duto mondik e Chik Musa, kendo e kitepe mag Jonabi.

Tich Joote 3:12

Kane Petro oneno kamano, nopenjo ji niya, “Un jo-Israel, ang’o momiyo uwuoro wachni? Koso ere gima omiyo ung’iyowa mana ka gima wan ema wamiyo jali wuotho kuom tekowa wawegi, kata nikech walamo Nyasaye maber?

Tich Joote 3:26

Un ema Nyasaye nokwongo ooronu jotichne mondo oguedhu, komiyo ulokoru uduto, kuweyo yoreu maricho.”

Tich Joote 4:27

“Chutho, Herode gi Pontio Pilato nochokore Jerusalem kod ogendini mamoko kaachiel gi jo-Israel, ka gipiem gi Yesu Jatichni Maler mane iyiero obedo Mesia.

Tich Joote 4:30

Rie badi mondo ichang ji, kendo imi ranyisi gi honni otimre e nying Yesu Jatichni Maler.”

Tich Joote 7:32

‘An e Nyasach kwereni ma Nyasach Ibrahim gi Nyasach Isaka kod Nyasach Jakobo.’ Musa notetni, ka luoro omako, kendo ne ok ohedhore ng’iyo bunguno.

Jo-Rumi 9:5

Gin e nyikwa kwerewa madongo machon, kendo korka anywola, to Mesia ne oa e ogandagi. Opak Nyasaye Moloyo Gik Moko Duto nyaka chieng’! Amin.

Jo-Hibrania 2:9

To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.

Fweny 1:18

kendo an e Jal Mangima. Ne atho, to koro angima nyaka Piny Joma Otho.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,