Tich Joote 26:3 - MUMA MALER 2015

³ En kamano adier, nikech in ilony gi tim jo-Yahudi, kod wechegi makelo dhaw. Kuom mano, akwayi mondo iwinj wechena gi ng’wono.

Motingʼo Loko Manyien

³ Moloyo mano, amor, nikech in ngʼat molony e chike jo-Yahudi duto kod mbakagi ma ok rum, kendo makelo miero. Kuom mano, akwayi mondo iyie iwinj wechena gi ngʼwono, ma ok ijok.

Tich Joote 26:3 Iomraidhean Croise

Jeremia 32:11

Eka ne akawo barua modin mane oting’o weche duto mag winjruok kod mano mane ok odin,

Tich Joote 21:21

To osenyisgi ni in isebedo kipuonjo jo-Yahudi duto modak e pinje mamoko mondo owe Chik Musa, kinyisogi mondo kik giter nyithindgi nyangu, kendo kik giluw tim kwerewa.

Tich Joote 24:10

Bang’ mano, ruoth nogwelo Paulo mondo odwok wach, mi Paulo nochako wuoyo, kowacho ni, “Amor mondo adwok wach man kuoma e nyimi, kang’eyo ni isebedo jang’ad bura ni ogandani kuom higni mang’eny.

Tich Joote 24:4

To ok adwar ketho secheni, omiyo akwayi gi ng’wono, ni mondo iyie iwinjie wachwa matin.

Tich Joote 25:26

To an aonge gi wach malong’o ma dandik ni Kaisar kuome. Kuom mano, asekele e nyimu kaeri, to moloyo e nyimi ruoth Agripa, ni mondo kwasenono wachne, to anwang’ wach moro ma dandiki,

Tich Joote 26:2

“Ruoth Agripa, aneno ni an gi hawi kuom yudo thuolo mar dwoko wachna awuon e nyimi kawuono kuom weche duto ma jo-Yahudi odonjonago.

Tich Joote 26:26

Ruoth Agripa ong’eyo wechegi, omiyo awuoyo kode gi chir duto. Ang’eyo ni onge kata achiel kuomgi mosebaye, nikech ok gisetimore ling’ling’.

Tich Joote 26:7

En singruok ma dhoudi apar gariyo duto mag ogandawa geno ni noyudi, ka gilemo odiechieng’ gotieno. To koro ruoth, en mana wach genono ema omiyo jo-Yahudi odonjona!

Tich Joote 28:17

To bang’ ndalo adek, Paulo noluongo jodong jo-Yahudi modak kuno kanyakla. Kane gisechokore nowachonigi niya, “Owetena, kata obedo ni ne ok atimo gimoro marach ni ogandawa, kendo ne ok aketho chikwa mane kwerewa oweyonwa, to ne otweya e jela Jerusalem, kendo bang’e ne ochiwa e lwet jo-Rumi.

Tich Joote 6:14

Ne wawinjo kowacho ni Yesu ma ja-Nazarethni biro ketho Hekalu, mi lok tim mane Musa omiyowa mondo waluw chakre chon.”

1 Jo-Korintho 13:2

Kata da bed ni an gi mich mar hulo wach moa kuom Nyasaye, kendo ang’eyo midhierni kod rieko duto, kendo kata da abed gi yie mogik ma anyalo gologo gode kuonde ma gintie, to aonge gi hera, to ok an gimoro ngang’!

Rapar mar Chik 17:18

Kosekete ruoth, to nyaka ondik weche duto mag chik, kogologi e kitap chik ma jadolo ma jo-Lawi nigo.