Tich Joote 26:11 - MUMA MALER 2015

¹¹ Kuom ndalo mang’eny namiyo osandgi e ut lemo duto, ka atemo mondo ami giyany Yesu. Ne ager kodgi marach, mi ne adhi koda ka e mier mag pinje mamoko mondo asandgi kuondego.

Motingʼo Loko Manyien

¹¹ Kuom kinde mangʼeny ne adhi e sinagogi ka sinagogi mondo akawgi akumgi, kendo natemo chunogi mondo giyany Nyasaye. Nikech chunya ne rach kodgi ni nyaka atiekgi, ne adhi nyaka e mier ma oko mondo asandgi.

Tich Joote 26:11 Iomraidhean Croise

Zaburi 102:8

Wasika yanya pile odiechieng’ duto, kendo jogo majara kuong’o ji gi nyinga.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Mathayo 10:17

To beduru motang’ ni ji, nimar ginimaku mi yalu e bura, kendo ginichwadu e utgi mag lemo.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Mariko 3:28

“Adier awachonu ni, richo duto mag ji nowenigi, koda ka ayany ma giyanyogo Nyasaye,

Luka 15:17

Eka parone nodwogo kare, mi owacho e chunye niya, ‘Jotich wuora duto nigi chiemo mohingogi, to an kech nega ka!

Luka 21:12

“To kapok gigo duto otimore, to nomaku, mi sandu, kendo noteru mondo oyalu e nyim jodong ut lemo, mi ketu e jela. Bende giniteru e nyim ruodhi kod jodongo nikech an.

Luka 6:11

To mirima mager nomako jogo, mi gichako pimo wach ka giparo gima digitim ni Yesu.

Tich Joote 13:45

To kane jo-Yahudi oneno oganda maduong’no nyiego nomakogi ahinya, mi gidagi weche Paulo, ka gikwere kendo giyanye.

Tich Joote 18:6

To kane gidagi wachne, kendo gichako yanye, noteng’onigi lepe, kosiemogi niya, “Ka ulal, to mano nobed wachu uwegi! Anto aonge wach kanyo. Chakre kawuono adhi ir joma ok jo-Yahudi.”

Tich Joote 22:19

An to ne adwoke ni, ‘Ruoth, ging’eyo malong’o ni an ema ne abet kadhi e ut lemo duto, mi amako joma oyie kuomi, kendo agoyo.

Tich Joote 22:5

Jadolo maduong’ kaachiel gi buch jodongo duto nyalo nyiso ni awacho adier, nikech ne gimiya barupe ma gindiko ni jo-Yahudi wetena man Damaski, mi ne awuok mondo adhi kuno amak joma luwo Yorno akel Jerusalem kotue mondo osandi.

Tich Joote 9:1

E ndalogo Saulo ne pod siemo jopuonjre mag Ruoth, kodwaro negogi. Ne odhi ir jadolo maduong’,

Jakobo 2:7

Koso ok gin ema giwuoyo marach kuom nying moluor mochakuno?

2 Petro 2:16

To kanyna mamomo nowuoyo gi dwond dhano, kokwero janabino kuom kethone, mi otieko neko mare.