Tich Joote 23:9 - MUMA MALER 2015

⁹ Koko nomedore, kendo moko kuom jopuonj Chik manie kanyakla mar jo-Farisai nochung’ mowuoyo matek kawacho niya, “Ok wane gima rach kuom ng’atni! Dipo ka Roho kata malaika owuoyo kode!”

Motingʼo Loko Manyien

⁹ Koko maduongʼ nowuok kendo jopuonj Chik moko mane gin jo-Farisai, nochungʼ malo mochako goyo mbaka matek kagiwacho niya, “Ok waneno gima rach ma ngʼatni osetimo. Donge nyalo bet ni roho kata malaika ema wuoyo kode?”

Tich Joote 23:9 Iomraidhean Croise

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Jeremia 26:16

Kane jodongo gi ji duto owinjo wechego, ne giwacho ni jodolo gi jonabi niya, “Ng’atni ok owinjore ng’adne buch tho, nikech osewuoyo mana kodwa e nying Ruoth Nyasaye ma Nyasachwa.”

Mariko 2:16

Jopuonj Chik moko ma jo-Farisai bende noluwe, to kane gineno kochiemo gi joricho kod josol osuru, ne gipenjo jopuonjrene niya, “Ere gima omiyo ochiemo gi josol osuru kod joricho?”

Luka 23:22

Eka nochako openjogi mar adek ni, “To ere gima rach mosetimo? Ok wanwang’o ketho kuome mowinjore gi tho. Omiyo abiro chwade, to aweye odhi.”

Luka 23:4

Bang’ mano, Pilato nowacho ni jodolo madongo kod joma nochokore duto ni, “Ok ayudo jali gi ketho.”

Luka 5:30

Jo-Farisai kod jopunjgi mag Chik nong’ur ni jopuonjre Yesu, kapenjo niya, “Ere gima omiyo uchiemo kendo umetho gi jasol osuru kod jorichogi?”

Johana 12:29

Ji mane ochung’ kanyo nowinjo dwolno, mi owacho ni polo ema omor. Moko to nowacho ni malaika ema owuoyo kode.

Tich Joote 11:17

Koro ka Nyasaye ne omiyo jogo mana mich mane omiyowa kane wayie kuom Ruoth Yesu Kristo, to an ne an ng’a, ma dine atam Nyasaye timo gima odwaro?”

Tich Joote 22:6

“To kane oyudo awuotho, ka koro achiegni chopo Damaski kar odiechieng’ tir, ler marieny nong’angni molwora.

Tich Joote 22:7

Ne apodho piny mi awinjo dwol moro kawachona ni, ‘Saulo! Saulo! Isanda nang’o?’

Tich Joote 23:29

mi anwang’o ni onge gima ne osetimo momiyo onego ng’adne buch tho, kata buch tuech. To gik mane odonjnego ne mana weche mag chikgi giwegi.

Tich Joote 23:8

Mano notimore nikech ne jo-Sadukai wacho ni chier kata malaika kata Roho onge, to jo-Farisai oyie ni gik moko adekgo duto nitie.

Tich Joote 25:25

To an ne anwang’o ni onge gima rach mosetimo mowinjore gi tho. To kaka en owuon nokwayo buch Kaisar, ne aneno ni mondo aore e nyim Kaisar.

Tich Joote 26:31

kendo kane gisea, ne gipimo wach kendgi niya, “Ng’atni ok otimo gimoro mowinjore gi tho kata gi tuech.”

Tich Joote 27:23

Ang’eyo kamano nikech nyoro gotieno malaika mar Nyasaye ma an ng’ate, kendo ma atiyone, nyoro obiro ira,

Tich Joote 5:39

To ka gia kuom Nyasaye, to ok unyal loyogi, kata da utim ang’o, to duyud mana ni ukedo gi Nyasaye!” Jobura noyie gi wachne.

Tich Joote 9:4

Ne opodho piny, mi owinjo ka dwol moro wachone niya, “Saulo! Saulo! Isanda nang’o?”

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

1 Samuel 12:5

Samuel nowachonigi niya, “Tinende Ruoth Nyasaye obedo janeno kuomu, kendo ruoth moseyiero bende obedo janeno, ni pok amulo gimoro.” Mi ne gidwoke ni, “Ee, obedo janeno.”

1 Samuel 24:17

komedo wacho ni Daudi niya, “In ng’at makare moloya, nikech isetimona maber, to an to asetimoni marach.