Tich Joote 23:12 - MUMA MALER 2015

¹² Kinyne gokinyi, jo-Yahudi moko nochokore kaachiel mochano gima onego gitim. Ne gikuong’ore ni ok ginyal chiemo kata madho gimoro kapok ginego Paulo.

Motingʼo Loko Manyien

¹² Kinyne gokinyi jo-Yahudi nowuoyo e kindgi giwegi ka gikwongʼore ni ok ginichiem kata madho gimoro amora kapok ginego Paulo.

Tich Joote 23:12 Iomraidhean Croise

Chakruok 37:18

Ne ginene kobiro ka pod en gichien, mi ne giparo mondo ginege.

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

2 Ruodhi 6:31

Nowacho niya, “Nyasaye mondo okweda ka ok ang’ado wi Elisha wuod Shafat oko kawuono!”

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Zaburi 31:13

Awinjo ka wasika kuotho, ka bwoga kuonde duto. Gihondho wach kaachiel mondo ginega.

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 44:25

‘Un kaachiel gi mondu, usetimo singruok ni ruoth madhako mar polo. To mano ber! Chopuru achopa singruokugo, kendo timuru atima gik ma usekuong’oru ni ubiro timo!

Tim jo-Lawi 27:29

Ng’ato ang’ata mowe ni Ruoth Nyasaye chuth ok nowar, to nyaka nege anega.

Mathayo 26:4

Ne gichano kaka digimak Yesu ling’ling’ mondo ginegi.

Mathayo 26:74

Eka nochako kuong’ore, koramo ni, “Ok ang’eyo ng’atno.” To gikanyono thwon gweno nokok,

Mathayo 27:25

To ji duto nodwoko niya, “Rembe mondo obed e wiwa, kendo e wi nyithindwa.”

Tich Joote 23:13

Kar romb ji mane otueyo wachno noloyo piero ang’wen.

Tich Joote 23:14

Ne gidhi ir jadolo maduong’ kod jodongo, mi giwachonigi niya, “Wasekuong’ore waduto ni ok wanacham gimoro kapok wanego Paulo.

Tich Joote 23:21

To kik iyienigi, nikech nitie ji moloyo piero ang’wen ma biro butone. Gisekuong’ore ni ok ginyal chiemo kata madho gimoro kapok ginege. Adier, giikore mar timo kamano, kendo wachni ema girito.”

Tich Joote 23:30

To koro aseyudo wach ni jo-Yahudi moko osechano mondo onege, omiyo aneno ni ber mondo aornigo piyopiyo, kendo asenyiso joma dwaro donjone mondo obi odonjne kuomi. An moluori, Klaudio Lusio.”

Tich Joote 25:3

mondo otimnigi ng’wono oluong Paulo obi Jerusalem.

Tich Joote 9:23

Bang’e achien, ne gipimo wach mondo ginege,

Tich Joote 9:24

to Saulo nowinjo gima ne gichano timone. Ne girito dhorangeye odiechieng’ gotieno,

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

2 Jo-Korintho 11:26

E wuodhena mang’eny pile ne aneno masiche e aore, kendo nayudo thagruok kuom jomecho, kendo kuom jo-Yahudi wetena kod kuom joma ok jo-Yahudi. Bende ne aneno masiche e mier, gi thim, gi nembe, kendo kuomowete mag miriambo.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!

Joshua 6:26

Chieng’no Joshua nokwero ji gi kuong’ niya, “Ruoth Nyasaye mondo okum ng’at ma notem gero Jeriko kendo! Koketo mise mare, to wuode makayo notho, kendo kochungo dharangaye, to wuode ma chogo notho.”

Joshua 7:1

To jo-Israel ne ok orito chik mane Nyasaye ogolo ni mondo oketh gik moko duto. Akan wuod Karmi ma wuod Zabdi ma wuod Zera ma ja-Juda nokawo gik mokwer mi Ruoth Nyasaye nokecho gi jo-Israel.

Joshua 7:15

Eka anywola ma Ruoth Nyasaye okwanyo nowuog oko ng’ato ka ng’ato. To ng’at ma ombulu nonyis ni nokawo gik mokwer, nowang’ gi joge kaachiel gi mwandune duto, nikech osetimo gima nono, kendo oseketho chik mane Ruoth Nyasaye omiyo joge Israel.”

1 Samuel 14:24

Jo-Israel nool ahinya chieng’no nikech Saulo nosekwerogi niya, “Okuong’ jalo mochamo gimoro kapok piny oyuso, kendo kapok atieko chulo kuor kuom wasikwa.” Kamano ne onge ng’ato kuomgi mane obilo gimoro.