Tich Joote 22:7 - MUMA MALER 2015

⁷ Ne apodho piny mi awinjo dwol moro kawachona ni, ‘Saulo! Saulo! Isanda nang’o?’

Motingʼo Loko Manyien

⁷ Ne agora piny kendo ne awinjo dwol moro kawachona ni, ‘Saulo! Saulo! Isanda nangʼo?’

Tich Joote 22:7 Iomraidhean Croise

Chakruok 16:8

Nopenje niya, “Hagar jatich Sarai, ia kure, to idhi kanye?” Nodwoke niya, “Aringo Sarai ma atiyone.”

Chakruok 22:1

Chieng’ moro Nyasaye nomiyo Ibrahim tem. Noluonge niya, “Ibrahim! Ibrahim!” En to nodwoke ni, “Antie.”

Chakruok 22:11

to malaika mar Ruoth Nyasaye noluonge gi e polo niya, “Ibrahim! Ibrahim!” Mi Ibrahim nodwoke ni, “Antie.”

Chakruok 3:9

To Ruoth Nyasaye noluongo Adam, mopenje niya, “In kanye?”

Wuok 3:4

To kane Ruoth Nyasaye oneno kosudo machiegni, noluonge gie chuny bungu niya, “Musa! Musa!” Musa to nodwoke ni, “An ka.”

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Jeremia 2:9

“Emomiyo an Ruoth Nyasaye abiro yalo joga kendo. Abiro yalou, kendo abiro yalo nyikwau.

Mathayo 25:45

Eka enodwokgi niya, ‘Awachonu adier ni, kane ok utimo kamano ni achiel matinie moloyo kuom joma tindogi, to an ema ne ok utimona.’

Mathayo 27:23

To nochako openjogi ni, “Ere gima rach mosetimo, momiyo onego ogure?” To ne gimedo kok moloyo, ka giwacho ni, “Gure!”

Tich Joote 22:6

“To kane oyudo awuotho, ka koro achiegni chopo Damaski kar odiechieng’ tir, ler marieny nong’angni molwora.

Tich Joote 22:8

Eka ne apenjo ni, ‘In ng’a Ruoth?’ Ne odwoka ni, ‘An Yesu ja-Nazareth ma isando!’

Tich Joote 9:4

Ne opodho piny, mi owinjo ka dwol moro wachone niya, “Saulo! Saulo! Isanda nang’o?”

1 Timotheo 1:13

Kata obedo ni ne an ng’at mayanyo nyinge, kendo ma jasand ji, kendo ma jakwinyo, to ne okecha nikech ne atimo gigo kane pok ayie, kendo ka akia gima atimo.

1 Samuel 3:10

Eka Ruoth Nyasaye nobiro mochung’ kanyo, kendo oluongo Samuel kaka noseluonge mokwongo niya, “Samuel, Samuel.” Eka Samuel nodwoko ni, “Wachi, jatichni winjo.”