Tich Joote 22:3 - MUMA MALER 2015

³ “An ja-Yahudi, monywol Tarso e piny Kilikia, to Jerusalem kaeri ema adongoe, ka an japuonjre Gamaliel. Ne apuonjora maber kaka onego arit Chik kwerewa e yo makare, kendo ne achiwora ni tich Nyasaye mana kaka un duto uchiworu kawuononi.

Motingʼo Loko Manyien

³ “An ja-Yahudi monywol Tarso, e piny Kilikia, to ne adongo Jerusalem ka. Ne ayudo tiegruok matut e chike mag kwerewa e bwo Gamaliel, kendo ne achiwora ne Nyasaye mana kaka koro un bende uchaloni.

Tich Joote 22:3 Iomraidhean Croise

2 Samuel 21:2

Kuom mano ruoth noluongo jo-Gibeon ire. (Jo-Gibeon ne ok gin jo-Israel to ne gin jo-Amor ma nodong’ mane jo-Isarel otimogo winjruok. Kata kamano Saulo ne dwaro negogi, nikech nodwaro ni mondo jo-Israel gi jo-Juda ogurre motegno.)

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

Luka 10:39

Dhakono ne nigi nyamin miluongo ni Maria. Nyamin mareno nobet piny e tiend Ruoth Yesu, kawinjo puonjne.

Luka 2:46

Bang’ ndalo adek, ne ginwang’e e Hekalu, kobet e dier jopuonj jo-Yahudi, kowinjo puonjgi, kendo openjogi weche.

Luka 8:35

Eka ji nowuok mondo odhi one ane gima osetimore. Ne gibiro ir Yesu, mi ginwang’o ng’at mane jochiende owuok kuomeno kobet piny e tiend Yesu, korwakore, kendo ka wiye koro ber, mi giduto ne gidoko maluor.

Tich Joote 11:25

Bang’e Barnaba nodhi Tarso mondo odwar Saulo,

Tich Joote 15:23

Ne gitero barua mondik ni, “Wan joote gi oweteu madongo, wamosou uduto un owete ma ok jo-Yahudi modak Antiokia gi Siria kod Kilikia.

Tich Joote 15:41

Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 21:39

To Paulo nodwoke ni, “An ja-Yahudi monywol Tarso, dala marahuma, manie piny Kilikia. To asayi, yiena awuo gi jogi.”

Tich Joote 23:34

Kane ruoth osesomo barua, ne openjo Paulo ni en japiny mane. To kane oseng’eyo ni en ja Kilikia,

Tich Joote 23:6

To kane Paulo oneno ni jomoko kuom joburano gin jo-Farisai, to moko jo-Sadukai, nokok niya, “Owetena, an ja-Farisai, wuod ja-Farisai. Koro odonjna kaeri nikech ayie ni joma otho nochier!”

Tich Joote 26:5

Giseng’eya kuom ndalo mang’eny, kendo ka da ginyalo yie, to da ginyiso ni nyaka nene asebedo jakanyo mar kanyakla mar jo-Farisai, moketo chunygi kuom rito chik lemowa adimba.

Tich Joote 26:9

An awuon ne aparo ni onego atim gik moko duto maricho ma anyalo, nikech ne amon gi nying Yesu ja-Nazareth!

Tich Joote 5:34

To ja-Farisai moro ma nyinge Gamaliel, mane japuonj Chik, kendo ng’at mogen ahinya, nochung’ e bura, mowacho ni mondo ogol joote oko mondi.

Tich Joote 6:9

To jomoko mane lemo e od lemo moro miluongo ni Od Lemo mar Wasumbni Mogony, ne ok oyie kode. Ne gin jo-Yahudi moa Kurene gi Aleksandria gi Kilikia kod Asia. Ne gibiro, mi gigoyo mbaka kod Stefano.

Tich Joote 9:1

E ndalogo Saulo ne pod siemo jopuonjre mag Ruoth, kodwaro negogi. Ne odhi ir jadolo maduong’,

Tich Joote 9:11

Eka Ruoth nowachone ni, “A malo, idhi e yo miluongo ni Yo Matir, idwar ja-Tarso moro ma nyinge Saulo, e od Judas. Olemo,

Tich Joote 9:30

Kane owete ofwenyo wachno ne gikowo Saulo Kaisaria, mi giore Tarso.

Jo-Rumi 11:1

To bende apenjo niya, “Nyasaye osewito joge koso?” Ooyo! Ok nyal bet kamano, nikech an awuon an ja-Israel ma nyakwar Ibrahim, kendo ma jadhood Benjamin.

2 Jo-Korintho 11:22

Gipakore ni gin jo-Hibrania koso? To donge an ja-Hibrania mana kaka gin? Bende gipakore ni gin jo-Israel, to an ok an ja-Israel koso? Kendo giwacho ni gin nyikwa Ibrahim, to an bende ok an nyakwar Ibrahim?

Jo-Galatia 1:14

kendo kaka ne aloyo mbesena mathoth ma jo-Yahudi e tich dini mar jo-Yahudi, kaketo chunya e tich kwerewa.

Jo-Galatia 1:21

Bang’e ne adhi e gwenge moko mag Siria gi Kilikia.

Rapar mar Chik 33:3

Adier, ohero joge maler, kendo oguedhogi. Giluwe kamoro amora modhiye, kendo giwinjo chikene