Tich Joote 2:11 - MUMA MALER 2015

¹¹ Moko kuomwa gin jo-Yahudi, to moko bende gin jo-Krete gi jo-Arabu. To ere kaka wawinjo jogi kawuoyo kuom timbe madongo mag Nyasaye gi dhowa wawegi?”

Motingʼo Loko Manyien

¹¹ To moko bende gin jo-Krete gi jo-Arabu. Ere kaka wawinjogi ka gihulo gik madongo ma Nyasaye osetimo e dhowa wawegi!”

Tich Joote 2:11 Iomraidhean Croise

1 Ruodhi 10:15

ka ok okwano mago mane wuok e osuch joohala, kendo kuom ruodhi duto mag piny Arabia, kendo kuom jorit piny.

2 Weche mag Ndalo 17:11

Jo-Filistia moko ne kelo ni Jehoshafat mich, kaachiel gi fedha ma gichulogo osuru. Jo-Arabu bende nokelone imbe alufu abiriyo gi mia abiriyo kod nyuogi alufu abiriyo.

2 Weche mag Ndalo 26:7

Nyasaye nokonye loyo jo-Filistia, gi jo-Arabu mane odak Gur-baal, kod jo-Meun.

Ayub 9:10

Otimo gik madongo modhiero dhano ng’eyo kendo honni mage okadho akwana.

Zaburi 107:15

Onego gigo erokamano ni Nyasaye kuom herane mosiko, kendo kuom gik miwuoro mane otimonigi!

Zaburi 107:21

Onego gigo erokamano ni Nyasaye kuom herane mosiko, kendo kuom gik miwuoro mane otimonigi.

Zaburi 107:8

Onego gigo erokamano ni Nyasaye kuom herane mosiko, kendo kuom gik miwuoro mane otimonigi.

Zaburi 111:4

Ruoth Nyasaye ok we wiwa wil gi timbene madongo. Ong’won kendo okecho ji.

Zaburi 136:4

En kende ema otimo honni madongo. Herane mosiko ochwere.

Zaburi 26:7

ka awero wend erokamano, kendo ka ahulo gik malich ma itimo. A Ruoth Nyasaye, ahero ot ma idakie ma en kama duong’ mari maler nitie.

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 71:17

A Nyasaye, isepuonja nyaka ne aa e nyathi, kendo ndalona duto asebedo ka ahulo timbeni miwuorogo.

Zaburi 77:11

A Ruoth Nyasaye, anahul timbeni madongo. Adier, anapar honni mane itimo e kinde mokadho.

Zaburi 78:4

Ok wanapandgi ni nyithindwa, to wananyis tieng’ mabiro teko Nyasaye gi timbene madongo, kod gik malich miwuoro ma osetimo.

Zaburi 89:5

Polo pako honni mitimo. A Ruoth Nyasaye, malaika magi pako adiera mari.

Zaburi 96:3

Huluru ni ji duong’ne maler, mondo ji duto owinj timbene madongo.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Isaya 13:20

Ng’ato ok nochak odag kuno kuom tienge duto mabiro. Onge ja-Arabu ma nogur hembe kanyo, bende onge jakwath ma nokwa jambgi kuno.

Isaya 21:13

Ma e wach mane Nyasaye onyiso e fweny kuom jo-Arabu: Un jo-Dedan ma bworo e thim gi jo-Arabu,

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 28:29

Wachno bende oa kuom Nyasaye Manyalo Gik Moko Duto, ma ng’ado rieko mabeyo, kendo ma tekone duong’!

Jeremia 25:24

gi ruodhi duto mag piny Arabia, gi ruodhi duto mag ogendini modak e thim,

Jeremia 3:2

Ranguru wi gode malo mondo uneye, bende nitie kamoro ma pok ulemoe kudwanyoru? Uchalo dhako ma jachode ma obet e bath yo karito chwo, kata ka ja-Arabu ma jamecho mopondo e thim, kakiyo joma odwaro yako. Usedwanyo piny gi timbeu maricho machalo timbe chode.

Tich Joote 2:10

gi Furgia gi Pamfulia gi Misri kod gwenge Libya mokiewo gi Kurene, kaachiel gi welo moa Rumi.

Tich Joote 2:12

Ne gihum giduto, kendo ne gidhier nono, ka gipenjore niya, “Ma en wach manade?”

Tich Joote 27:12

To bende dhowath kanyo ne ok ber moromo betie ndalo chwiri, omiyo ji mathoth ne dwaro a kanyo, ka giparo ni digichop Foiniks, mondo gibedie ndalo chwiri. Foiniks en dhowath Krete, momanyore gi milambo ma yo podho chieng’.

Tich Joote 27:13

Kane yamb milambo ochako kudho mos, ne gigalo ni ginwang’o gima gidwaro, omiyo ne wachako wuoth, mi wakwang’ madiny e lak dhonam Krete.

Tich Joote 27:7

Ne wakwang’ mos gi thagruok kuom ndalo mang’eny, eka ne wachopo e dho Kanido. To kaka yamo ne pod ok nyal weyo wadhi nyime tir, ne wakwang’ kwageng’ore e tiend chula mar Krete, kwakadho e bath sori miluongo ni Salmone.

1 Jo-Korintho 12:10

Bende ng’at moro Roho omiyo teko mar timo honni, to ng’at machielo to omiyo teko mar hulo wach moa kuom Nyasaye, to eka moro to omiyo teko mar pogo mich moa kuom Roho kod mago ma ok oa kuom Roho. Ng’at machielo to omiyo teko mar dhumo dhok mayoreyore, eka moro to omiyo teko mar loko tiend weche midhumogo.

1 Jo-Korintho 12:28

Nyasaye oseketo ji e kanisane ma en kanyakla mar jo-Kristo duto, kama: mokwongo joote, mar ariyo johul wach moa kuom Nyasaye, mar adek jopuonj, eka joma timo honni, bang’e joma omi teko mar chango ji, gi joma konyo ji, gi joma omi tich telo ni ji, kod madhumo dhok mayoreyore.

Jo-Galatia 1:17

Bende ne ok adhi kata mana Jerusalem ir jogo mane okwongona bedo joote, to mokwongo ne adhi e piny Arabia, eka bang’e nadok Damaski.

Jo-Galatia 4:25

ma en got manie piny Arabia. Kamano Hagar ochung’ kar Jerusalem ma ndalogi, manie tich misumba gi joge duto,

Tito 1:12

Janabi moro ma ja Krete wadgi nowacho niya, “Pile jo-Krete gin jomriambo. Gin ondiegi maricho, kendo jowuoro ma josamuoyo.”

Tito 1:5

Ne aweyo idong’ e chula mar Krete mondo ilos gik mane pod orem, kendo iyier jodong kanyakla mag jo-Kristo e mier duto, kaka ne achiki.

Jo-Hibrania 2:4

Nyasaye owuon bende nonyiso ni en adier, kuom timo ranyisi gi honni kod tije madongo mopogore opogore, kendo kuom pogonwa mich mag Roho kaka en owuon odwaro.