Tich Joote 2:10 - MUMA MALER 2015

¹⁰ gi Furgia gi Pamfulia gi Misri kod gwenge Libya mokiewo gi Kurene, kaachiel gi welo moa Rumi.

Motingʼo Loko Manyien

¹⁰ Frugia, Pamfilia, Misri kod gwenge mag Libya mokiewo gi Kurene; kaachiel gi welo moa Rumi, mane otingʼo jo-Yahudi kod joma moko molokore mondo oluw din jo-Yahudi.

Tich Joote 2:10 Iomraidhean Croise

Chakruok 12:10

To kech maduong’ nowuok e pinyno, omiyo Abram nodhi nyaka Misri, mondo odag kuno mondi.

Jeremia 46:9

“Chikuru farese mondo odhi, kendo geche mag lweny ochak ng’wech! Raduru gi wasigu un thuondi mag Ethiopia gi mag Put moting’o okumbni, kod un jo asere molony moa e piny Lud.

Jeremia 9:26

kaka jo-Misri gi jo-Juda gi jo-Edom gi jo-Amon kod jo-Moab, kaachiel gi ji duto modak e thim ma timgi en tito yie wigi, nikech tero nyangu mar jogo duto, kaachiel gi mar jo-Israel, ok en tero nyangu mar chuny to en mana mar ringruok.

Ezekiel 30:5

“Jolweny mane ogol Ethiopia gi Lidia gi Libya gi Arabia gi Kub koda ka joga awuon bende notho e lwenyno.”

Daniel 11:43

Enoyak dhahabu gi fedha mopandi mag Misri, kaachiel gi mwandu mamoko ma nengogi tek, kendo enolo piny Libya gi piny Ethiopia.

Hosea 11:1

“Kane Israel pod tin, ne ahere. Naluongo wuoda mondo oa Misri.

Zekaria 8:20

Bende magi e weche Ruoth Nyasaye Manyalo Gik Moko Duto: “Kinde biro chopo ma ogendini madongo moa e pinje marateke kendo e mier madongo nobi Jerusalem.

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Mathayo 2:15

mi odak kuno nyaka Herode otho. Mano notimore mondo ochop gima ne Ruoth Nyasaye omiyo janabi owacho, ni, “Naluongo wuoda mondo oa Misri.”

Mathayo 23:15

“Mano kaka unune malit, un jopuonj Chik gi jo-Farisai, mawuondore ni ohero Nyasaye! Ulwororu e nembe gi pinje duto, mondo ulok kata mana ng’at achiel obed jadinu, to ka useloke to umiyo odoko ng’at mowinjore gi mach mak tho moloyo un uwegi nyading’eny!

Mathayo 27:32

Kane giwuok oko, ne ginwang’o ja-Kurene moro ma nyinge Simon, mi gichuno mondo oting’ni Yesu msalape.

Mariko 15:21

Kane giwuotho gidhi, ne giromo gi ng’at moro ma nyinge Simon, mane oyudo biro Jerusalem, koa e gweng’ moro, mi gichuno mondo oting’ ni Yesu msalape. Mano e Simon ja-Kurene ma wuon Aleksander gi Rufus.

Tich Joote 11:20

To kata kamano jomoko kuomgi ne joma oa Saipras gi Kurene. Gin to ka ne gichopo Antiokia, to ne gilando wach ni joma ok jo-Yahudi bende, ka ginyisogi Wach Maber mar Yesu Kristo.

Tich Joote 13:1

Kuom kanyakla mar jo-Kristo man Antiokia manie piny Kilikia ne nitie johul wach kod jopuonj. Ne gin Barnaba gi Simeon miluongo ni Rateng’, gi Lukio ja-Kurene, gi Manaen, mane opidh kaachiel gi ruoth Herode, kod Saulo.

Tich Joote 13:13

Paulo kod joma ne en go ne joa Pafo, mi okwang’ nyaka Perga e piny Pamfulia, to Johana noweyogi kuno, modok Jerusalem.

Tich Joote 13:43

Bang’ chokruokno, jo-Yahudi mang’eny kod jomoko mathoth moluoro Nyasaye mane oselokore luwo kit lemo mar jo-Yahudi, nodhi gi Paulo gi Barnaba. Ji ariyogo nopuonjogi, kajiwogi mondo gisik mana kuom ng’wono mar Nyasaye.

Tich Joote 14:24

Bang’ mano ne giwuotho e piny Pisidia duto ka gilando Wach Maber, mi gichopo Pamfulia.

Tich Joote 15:38

to Paulo ne oparo ni ok ber dhi kode, nikech noyudo oseweyogi Pamfulia, modok kapok gitieko tijgi.

Tich Joote 16:6

Ne giwuotho e piny Frugia gi piny Galatia, ka gilando Wach Maber. Nikech Roho Maler nokwerogi ni kik giland Wach e piny Asia.

Tich Joote 17:21

(To ung’eyo ni jo-Athens kod jopinje mamoko mane odak kuno oketo chunygi mana kuom goyo mbaka mar gimoro amora manyien)

Tich Joote 18:2

Kuno nonwang’oe ja-Yahudi moro monywol Ponto, ma nyinge Akula, gi Priskila chiege, mane oyudo joa Italia machiegni, nikech ruoth Klaudio nosegolo chik mondo jo-Yahudi duto oa Rumi. Paulo nodhi irgi,

Tich Joote 18:23

to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

Tich Joote 2:11

Moko kuomwa gin jo-Yahudi, to moko bende gin jo-Krete gi jo-Arabu. To ere kaka wawinjo jogi kawuoyo kuom timbe madongo mag Nyasaye gi dhowa wawegi?”

Tich Joote 23:11

Otienono, Ruoth Yesu nobiro mochung’ but Paulo, kendo owachone niya, “Bed gi chir! Kaka isehulo ni ji wach kuoma e Jerusalem kaeri, e kaka ibiro dhi hulo e Rumi bende.”

Tich Joote 27:5

Eka ne wang’ado chuny nam, machiegni gi pinje mag Kilikia gi Pamfulia, mi wachopo Mura e piny Lukia.

Tich Joote 28:15

Owete man kuno nowinjo wachwa, mi obiro oromonwa, ka moko chopo nyaka Chiro mar Apio, to moko nyaka kamoro miluongo ni Tres Tabernae, tiende ni Udi Adek Mibuoroe. Kane Paulo onenogi, nogoyo ni Nyasaye erokamano, kendo chunye noduogo.

Tich Joote 6:5

Jopuonjre duto nodoko mamor gi wach jooteno, omiyo ne giyiero Stefano, mane ng’at man gi yie motegno, kendo opong’ gi Roho Maler. Bende ne giyiero Filipo gi Prokoro gi Nikanor gi Timon gi Parmena kod Nikalao ja-Antiokia, mane olokore luwo kit lemo mar jo-Yahudi.

Tich Joote 6:9

To jomoko mane lemo e od lemo moro miluongo ni Od Lemo mar Wasumbni Mogony, ne ok oyie kode. Ne gin jo-Yahudi moa Kurene gi Aleksandria gi Kilikia kod Asia. Ne gibiro, mi gigoyo mbaka kod Stefano.

Jo-Rumi 1:15

Mano emomiyo un joma odak Rumi bende, agombo ahinya landonu Wach Maber.

Jo-Rumi 1:7

Kuom mano andikonu un ji duto man Rumi, ma Nyasaye ohero, kendo oseluongo mondo obed joge. Ng’wono gi kue moa kuom Nyasaye Wuonwa gi Ruoth Yesu Kristo mondo obed kodu.

2 Timotheo 1:17

to kane ochopo Rumi nomanya ahinya nyaka oyuda.

Fweny 11:8

Ringregi noriere e yo mar dala maduong’ ma iluongo gi ngero ni Sodom kata Misri, ma en dala mane ogurie Ruodhgi.