Tich Joote 2:1 - MUMA MALER 2015

¹ Kane chieng’ Pentekost ochopo, noyudo joma oyie duto ochokore kanyakla.

Motingʼo Loko Manyien

¹ Ka chiengʼ Pentekost nochopo, noyudo ka gichokore kanyachiel giduto.

Tich Joote 2:1 Iomraidhean Croise

2 Weche mag Ndalo 30:12

To piny Juda ema ne Nyasaye otiyoe gi teko, momiyogi chuny achiel mar winjo wachne kaka ruoth gi jodonge nochikogi.

2 Weche mag Ndalo 5:13

Joma ne goyo tung’go kaachiel gi jower, ne wer ka pako Ruoth Nyasaye, kendo goyone erokamano. Ne gigoyo tung’ gi thumbe mopogore opogore ka gipako Ruoth Nyasaye gi wer niya, “Ruoth Nyasaye ber! Herane mosiko ochwere.”

Zaburi 133:1

Mano kaka en gima ber kendo malong’o ka owete odak kanyakla gi kue.

Wuok 23:16

Kukayo cham mane uchwoyo e lopu, to nyaka utim Sap Keyo, kukelona cham mukwongo kayo. Bende unutim Sap Olembe e giko higa, ka usepono olembe puotheu mag mzabibu kod mag zeituni.

Wuok 34:22

“Nyaka urit Sap Jumbe, tiende ni sap chiwo mar cham mokwongo nyak. To bende nyaka urit Sap Pono Olembe e giko higa.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Zefania 3:9

Bang’e anapwodh dho ji mondo an Ruoth Nyasaye ema gilama, ka gitiyona gi chuny achiel.

Tich Joote 1:5

Johana nobatiso ji gi pi, to un ibiro batisou gi Roho Maler kapok ndalo mang’eny okadho.”

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Tich Joote 2:46

Pile ne gichokore gi chuny achiel e Hekalu, kendo ne gidhi e ot ka ot mondo gichamie Sap Ruoth. Ne gichiemo kaachiel gi mor,

Tich Joote 20:16

Paulo noneno ni mondo okwang’e okadh Efeso, kik obudh e piny Asia, nikech noreto kogeno ni kanyalore to mondo chieng’ Pentekost oyude ka en Jerusalem.

Tich Joote 4:24

Bang’ winjo wachno, giduto ne gilemo kaachiel niya, “A Ruoth, in ema nichweyo polo gi piny kod nam kaachiel gi gik moko duto manie igi.

Tich Joote 4:31

Kane gisetieko lemo, ot mane oyudo gichokoree noyiengni, kendo Roho Maler nopong’ogi giduto, mi gichako lando Wach Nyasaye gi chir.

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

Tich Joote 5:12

Joote notimo honni kod ranyisi mang’eny, kendo joma oyie duto ne chokore gi chuny achiel e Agoch Solomon.

Jo-Rumi 15:6

mondo umi Nyasaye, Wuon Ruodhwa Yesu Kristo, duong’, gi chuny achiel kod dwol achiel.

1 Jo-Korintho 16:8

To pod abiro bet Efeso ka, nyaka chop chieng’ Pentekost,

Jo-Filipi 1:27

To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Jo-Filipi 2:2

to kara beduru gi paro achiel, gi chuny achiel mondo umi chunya opong’ gi mor.