Tich Joote 16:6 - MUMA MALER 2015

⁶ Ne giwuotho e piny Frugia gi piny Galatia, ka gilando Wach Maber. Nikech Roho Maler nokwerogi ni kik giland Wach e piny Asia.

Motingʼo Loko Manyien

⁶ Kaka Roho Maler nosegengʼogi ni kik giyal Injili e piny Asia, Paulo gi lange nowuotho e gwengʼ Frugia gi Galatia.

Tich Joote 16:6 Iomraidhean Croise

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Luka 1:2

ka giluwo wechena ma joma ne onenogi, kod Joland Wach Maber, onyisowa.

Tich Joote 10:19

To paro Petro ne pod oyudo ni kuom fweny mane oseneno cha, to Roho ne onyise ni, “Ji adek moko dwari.

Tich Joote 11:12

kendo Roho nonyisa mondo adhi kodgi mak ariwo gi kiawa. Owete auchiel ma jo-Jopa ma unenogi, bende ne wadhigo, mi waduto ne wadonjo e od Kornelio.

Tich Joote 16:7

Kane gichopo e tong piny Musia, ne gidwaro donjo e piny Bithunia, to Roho mar Yesu ne ok oyienegi.

Tich Joote 18:23

to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

Tich Joote 19:10

Notimo kamano kuom higni ariyo, omiyo jo-Yahudi gi joma ok jo-Yahudi duto mane odak e piny Asia nowinjo wach Ruoth.

Tich Joote 20:16

Paulo noneno ni mondo okwang’e okadh Efeso, kik obudh e piny Asia, nikech noreto kogeno ni kanyalore to mondo chieng’ Pentekost oyude ka en Jerusalem.

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Tich Joote 20:4

Ne gidhi gi Sopater wuod Puro ja-Beria, gi Aristarko kod Sekundo ma jo-Thesalonika, gi Gayo ja-Derbe, kod Timotheo gi Tukiko kod Trofimo ma jo-Asia.

Tich Joote 21:27

Kane ndalo abiriyo mag puodhruok chiegni rumo, jo-Yahudi moko moa e piny Asia noneno Paulo e Hekalu. Ne githuo ji duto kode, mi gimake

Tich Joote 6:9

To jomoko mane lemo e od lemo moro miluongo ni Od Lemo mar Wasumbni Mogony, ne ok oyie kode. Ne gin jo-Yahudi moa Kurene gi Aleksandria gi Kilikia kod Asia. Ne gibiro, mi gigoyo mbaka kod Stefano.

Tich Joote 8:29

Roho Maler nowachone Filipo niya, “Dhiyo iwuoth e bath garino.”

Jo-Rumi 16:5

Mosnauru kanyakla mar jo-Kristo ma lemo e odgi. Bende mosnauru Epaineto osiepna, ma en ng’at mane okwongo yie kuom Kristo e piny Asia.

1 Jo-Korintho 12:11

To mago duto gin mana tich mar Roho achiel. Opogo michgo ni ng’ato ka ng’ato kaka ohero.

1 Jo-Korintho 16:1

To kuom wach solro mitimo ni jo-Nyasaye, un bende timuru kaka nanyiso kanyakala mag jo-Kristo manie piny Galatia mondo otim.

1 Jo-Korintho 16:19

Kanyakla mag jo-Kristo manie piny Asia ooronu mos, kendo Akula gi Priska kod kanyakla mar jo-Kristo malemo e odgi bende omosou ahinya kuom Ruoth.

2 Jo-Korintho 1:8

Owetewa, wadwaro nyisou chandruok mane wayudo e piny Asia, ne omiwa ting’ mapek mohewo tekrewa, mi chunywa oa ni ok wanachak wabed mangima.

Jo-Galatia 3:1

Yaye, un jo-Galatia mofuwogi! Ng’ano moseirou, un mane onyisu wach tho Yesu ratiro, mana ka gima ogure e msalaba e wang’u kunenoni?

2 Timotheo 1:15

Ing’eyo ni owete duto manie piny Asia, koda ka Fugelo, gi Hermogene, oseringo oweya kenda.

2 Timotheo 4:10

nimar Dema oseringo oweya, nikech ohero pinyni, kendo osedhi Thesalonika. Kreske to osedhi e piny Galatia kendo Tito osedhi e piny Dalmatia.

Jo-Hibrania 11:8

Yie ema nomiyo Ibrahim oyie luong mar Nyasaye, mi odhi e piny mane Nyasaye osingore ni nomiye, kendo noweyo pinygi ka okia kuma odhiye.

1 Petro 1:1

An Petro, jaote mar Yesu Kristo, andikonu un jo-Nyasaye moke e pinje mag Ponto gi Galatia gi Kapadokia gi Asia kod Bithunia, kuma untie ka jodak.

Fweny 1:11

Nowacho niya, “Gik moko duto mineno, ndiki e kitabu. Bang’e ior kitabuno ni kanyakla abiriyo mag jo-Kristo man: Efeso, Smurna, Pergamo, Thuatiro, Sarde, Filadelfia, kod Laodikia.”

Fweny 1:4

An Johana andiko ni kanyakla abiriyo mag jo-Kristo man e piny Asia, kawacho kama: Beduru gi ng’wono kod kue moa kuom Nyasaye mantie, kendo mane nitie, bende mapod biro biro, kendo moa kuom Roho abiriyo manie nyim kom duong’ne,