Tich Joote 15:10 - MUMA MALER 2015

¹⁰ Koro ere gima omiyo udwaro temo Nyasaye, kumiyo jopuonjre ting’ mapek mane kwerewa ok nyal ting’o, kata ma wan bende ok wanyal ting’o?

Motingʼo Loko Manyien

¹⁰ Ka en kamano, to koro marangʼo udwaro temo Nyasaye, kuketo jok mapek e ngʼut jopuonjre ma wan kata kwerewa ne ok nyal tingʼo?

Tich Joote 15:10 Iomraidhean Croise

Wuok 17:2

Mano nomiyo ji odhaw gi Musa, ka giwachone niya, “Miwa pi wamodhi!” Musa nodwokogi ni, “Marang’o udhaw koda? Ang’o momiyo utemo Ruoth Nyasaye?”

Isaya 7:12

To Ahaz nodwoko niya, “Ooyo, ok natem Ruoth Nyasaye ka akwaye mondo omiya ranyisi.”

Mathayo 23:4

Gitueyo misike mapek, mohewo ji ting’o kendo giketo e gok ji, to gin giwegi ok gimul misikego kata mana gi lith luetgi.

Mathayo 4:7

Yesu nodwoke niya, “To Muma wacho bende ni, ‘Kik item Ruoth Nyasachi.’ ”

Tich Joote 5:9

Eka Petro nopenje ni, “Mar ang’o ne uwinjoru gi chwori mondo utem wuondo Roho mar Ruoth? Winji! Joma oseyiko chwori nie dhoot ka, kendo in bende gibiro ting’i, mi giteri oko.”

Jo-Galatia 4:9

To koro kaka ung’eyo Nyasaye, (to moloyo onego awachi ni koro kaka Nyasaye ong’eyou,) ere kaka udok e timbe machon mag piny, manyap kendo modhiergo, mondo uchak ubed wasumbgi kendo?

Jo-Galatia 5:1

Kristo nogonyowa mondo wabed joma ni thuolo. Omiyo chung’uru motegno, mondo kik uyie chak rwak ng’utu e jok mar bedo misumba kendo.

Jo-Hibrania 3:9

Nyasaye wacho niya, ‘Kwereu notema kuno mondo ong’e chunya, kata obedo ni giseneno gik mane atimo kuom higni piero ang’wen.

Jo-Hibrania 9:9

Mano en ranyisi manyiso kaka gik moko chalo e kinde ma kawuono. Onyiso ni mich gi misengni ma ichiwo ni Nyasaye ok nyal miyo chuny jalemo bedo malong’o chuth,