Tich Joote 15:1 - MUMA MALER 2015

¹ Jomoko noa Judea, mi obiro Antiokia, kendo ochako puonjo owete ka wachonigi niya, “Ka ok oteru nyangu kaka Chik Musa dwaro, to ok unyal yudo warruok.”

Motingʼo Loko Manyien

¹ Jomoko moa Judea nobiro Antiokia kendo negipuonjo jowete kagiwacho niya, “Ka ok oteru nyangu kaluwore gi chik mane Musa opuonjo to ok unyal yudo warruok.”

Tich Joote 15:1 Iomraidhean Croise

Tim jo-Lawi 12:3

Chieng’ mar aboro to nyaka ter nyathi nyangu.

Johana 7:22

Paruru ni Musa nomiyou chik mar tero nyangu. (To chutho Musa ok ema nokelo chikno, to kwereu ema nochake.) Chikno omiyo utero yawuotu nyangu chieng’ Sabato.

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.

Tich Joote 15:22

Bang’ mano, joote kod jodongo, kaachiel gi jo-Kristo duto, noneno ni ber mondo giyier jomoko kuomgi odhi Antiokia gi Paulo kod Barnaba. Kuom mano, ne giyiero Juda miluongo ni Barsaba, kod Sila, mane jotend owete.

Tich Joote 15:23

Ne gitero barua mondik ni, “Wan joote gi oweteu madongo, wamosou uduto un owete ma ok jo-Yahudi modak Antiokia gi Siria kod Kilikia.

Tich Joote 15:24

Wasewinjo kaka jomoko moa kuomwa osechandou gi weche mathago chunyu, to wan ne ok waorogi.

Tich Joote 15:3

Kuom mano, jo-Kristo duto nokowogi, kendo ka ne gikadho e piny Foinike gi piny Samaria ne gihulo kaka joma ok jo-Yahudi oselokore moyie kuom Yesu. Wachno nomiyo owete mamoko duto odoko mamor ahinya.

Tich Joote 15:32

Juda gi Sila, mane gin johul wach moa kuom Nyasaye, ne jowuoyo gi owete ka gijiwogi gi weche mang’eny, kendo gimiyogi teko.

Tich Joote 15:5

To moko kuom jo-Farisai moyie kuom Yesu nochung’ mowacho niya, “Joma ok jo-Yahudi nyaka ter nyangu, kendo nyaka nyisgi mondo girit Chik Musa.”

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 6:14

Ne wawinjo kowacho ni Yesu ma ja-Nazarethni biro ketho Hekalu, mi lok tim mane Musa omiyowa mondo waluw chakre chon.”

Jo-Galatia 2:1

Bang’ higni apar gang’wen, ne achako adok Jerusalem, ka wan gi Barnaba, kendo Tito bende ne wadhigo.

Jo-Galatia 5:6

nimar ka wan kuom Kristo Yesu, to bedo moter nyangu, kata bedo ma ok oter nyangu, ok kony gimoro, to gimoro achiel kende madwarore en mana yie matiyo kuom hera.

Jo-Galatia 6:12

Jogo madwaro doko malong’o kapakore kuom tim ringruok, e joma temo chunou mondo oteru nyangu. To gitimo kamano mana ni mondo kik giyud sand ma digiyudo ka gilando wach msalap Kristo.

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.

Jo-Kolosai 2:8

To tang’uru mondo kik uwe ng’ato mak parou gi rieko kod wuond manono, mawuok kuom puonj dhano kod timbe machon mag piny, to ok kuom Kristo.