Tich Joote 13:5 - MUMA MALER 2015

⁵ Kane gichopo Salamis, ne gilando Wach Nyasaye e ut lemo mag jo-Yahudi, ka Johana konyogi.

Motingʼo Loko Manyien

⁵ Kane gichopo Salamis, ne giyalo Wach Nyasaye e sinagoke mag jo-Yahudi. Johana ne ni kodgi kaka jakonygi.

Tich Joote 13:5 Iomraidhean Croise

1 Ruodhi 19:21

Mi Elisha noweyo lawe, modok okawo dhok ariyogo. Noyang’ogi motedogi gi yiend kwer, mi nomiyo joge mondo ocham. Eka nowuok moluwo Elija, kendo nodoko jatichne.

1 Ruodhi 19:3

Elija noluor, mi noringo mondo otony. Kane ochopo Beer-sheba, dala mar Juda, noweyo jatichne kuno.

2 Ruodhi 3:11

To Jehoshafat nopenjo niya, “Bende nitie janabi mar Ruoth Nyasaye ka, manyalo penjonwa Ruoth Nyasaye wach?” Achiel kuom jotich ruodh nodwoke niya, “Elisha wuod Shafat, mane tiyo ni Elija, ni ka.”

Wuok 24:13

Musa kaachiel gi Joshua jatichne nodhi e god Nyasaye.

Mathayo 20:26

Kuomu to, ok nobed kamano. To ka ng’ato kuomu dwaro bedo gi duong’, to nyaka obed jatichu,

Tich Joote 12:12

Kane oneno kamano, ne odhi e od Maria min Johana, ma bende iluongo ni Mariko, kuma ne ji mang’eny ochokoree ka lemo.

Tich Joote 12:25

Barnaba gi Saulo notieko tijgi, mi oa Jerusalem odok Antiokia ka gin gi Johana ma bende ne iluongo ni Mariko.

Tich Joote 13:14

Eka ne gia Perga, mi gidhi Antiokia e piny Pisidia, kendo ne gidhi e od lemo mar jo-Yahudi chieng’ Sabato, mi gibet piny.

Tich Joote 13:46

To Paulo gi Barnaba ne jomedo wuoyo gi chir moloyo, ka giwacho ni, “Un ema owinjore kwong landnu Wach Nyasaye. To kaka usedage, kendo ok une ni uwinjoru gi ngima ma nyaka chieng’, koro wabiro weyou mondo wadhi ir ogendini ma ok jo-Yahudi,

Tich Joote 14:1

Gima kamano ema bende notimore Ikonio. Paulo gi Barnaba ne jodhi e od lemo mar jo-Yahudi, molando wach gi teko, mi jo-Yahudi mang’eny kod joma ok jo-Yahudi noyie.

Tich Joote 15:37

Barnaba ne dwaro kawo Johana, ma bende iluongo ni Mariko mondo gidhigo,

Tich Joote 17:17

Mano omiyo nowuoyo e od lemo gi jo-Yahudi kod joma ok jo-Yahudi mane oluoro Nyasaye, kendo pilepile nowuoyo kuom Wach Nyasaye gi joma oyudo e laro mar dalano.

Tich Joote 18:4

Ne opuonjo e od lemo mar jo-Yahudi kod jo-Grik bende mondo oyie ni gima owacho en adier.

Tich Joote 19:22

Kuom mano, nooro Timotheo gi Erasto ma ariyo kuom joma ne konye, mondo odhi Makedoniia. En to nodong’ e piny Asia kuom ndalo moko.

Tich Joote 19:29

Kokono nolandore e dala duto, kendo ne gimako Gayo gi Aristarko ma jo-Makedonia mane jowuodh Paulo, mi gimuomorego giduto kar tugo.

Tich Joote 19:8

Kuom dueche adek, Paulo nodhi e od lemo mar jo-Yahudi pile, kendo nowuoyo gi chir, kotemo loko ji mondo oyie ni gima onyisogi kuom Loch Nyasaye en adier.

Tich Joote 9:20

nochako lando wach e ut lemo ni Yesu en Wuod Nyasaye.

Jo-Kolosai 4:10

Aristarko man koda e tuech omosou. Mariko ma owadgi Barnaba bende omosou. (Usewinjo wachne, kapo ni obiro iru, to mondo urwake maber.)

2 Timotheo 4:11

Luka kende ema wadong’go ka. Ka ibiro, to kaw Mariko ubigo, nikech okonya maber.