Tich Joote 13:21 - MUMA MALER 2015

²¹ To kane gikwayo mondo gibed gi ruoth, Nyasaye nomiyogi Saulo wuod Kish ma jadhood Benjamin mondo obed ruodhgi, mi noritogi kuom higni piero ang’wen.

Motingʼo Loko Manyien

²¹ To achien jo-Israel nokwayo mondo omigi ruoth, mi Nyasaye nomiyogi Saulo wuod Kish, ma ja-dhood Benjamin. Saulo nobedo ruodh pinyno kuom higni piero angʼwen.

Tich Joote 13:21 Iomraidhean Croise

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 11:15

Kamano ji duto nodhi Gilgal, kendo ne giketo Saulo ruoth e nyim Ruoth Nyasaye kuno. Ne gitimo ni Ruoth Nyasaye misengni mag sawo, kendo Saulo kod jo-Israel duto nobedo mamor ahinya.

1 Samuel 15:1

Samuel nowacho ni Saulo niya, “Ruoth Nyasaye ne oora ni mondo awiri mo, ibed ruodh joge Israel. Emomiyo koro winj wachne.

1 Samuel 8:5

Ne giwachone niya, “Iseti, to yawuoti ok luw timbeni. Koro ketnwa ruoth mondo oritwa, mana machalre gi ogendini duto.”

1 Samuel 9:1

Ne nitie ja-Benjamin moro, ma nyinge Kish, wuod Abiel, wuod Zeror, wuod Bekorath, wuod Afia. Ne en jaduong’ ma japith.

1 Samuel 9:15

To chieng’ motelo ni biro mar Saulo, Ruoth Nyasaye noyudo osefwenyore ni Samuel, ka wachone niya,