Tich Joote 13:11 - MUMA MALER 2015

¹¹ To koro winji, kata mana sani Ruoth Nyasaye biro goyi gi lwete, kendo ibiro bedo muofu, mi ok ninen kuom ndalo moko.” Gikanyono mudho mandiwa noimo wang’ Eluma, mi owuotho komulo amula, kendo kodwaro ng’ama taye gi lwete.

Motingʼo Loko Manyien

¹¹ To winji, lwet Ruoth Nyasaye koro kedo kodi. Ibiro bedo muofu, kendo kuom kinde moromo ok ibi neno ler mar chiengʼ gi wangʼi.” Gikanyono mudho mandiwa nobiro moimo wangʼe, mi nochako tangni komulo gik moko gi lwete ka gi kacha, mondo oyudie ngʼato mane nyalo mako bade kataye.

Tich Joote 13:11 Iomraidhean Croise

Chakruok 19:11

Eka ne gimiyo wang’ jogo duto mane ni oko odinore, mane ok ginyal yudo dhoot.

2 Ruodhi 6:8

Chieng’ moro kane jo-Aram kedo gi jo-Israel, noporo wach gi jotende mag lweny, konyisogi kuma obiro butoe.

Ayub 19:21

Yaye un osiepena, ywagauru, nimar lwet Nyasaye oseketa piny.

Zaburi 32:4

A Ruoth Nyasaye, ne ikuma odiechieng’ gotieno, mi tekra ne oduono chuth, mana ka pi ma duno e ndalo oro.

Zaburi 38:2

Isebaya gi asere mi ichwowa, kendo lweti odiya piny.

Wuok 9:3

to abiro kelo tho marach kuom fareseni gi kenjeni gi ngamiani gi dhogi kod rombi gi dieki.

Isaya 29:10

Nimar Ruoth Nyasaye osemiyo ubedo gi chuny mar nindo matut. Ee, osedino wengeu, (tiende ni jonabiu), kendo oseumo wiyeu, (tiende ni jou ma koronu wach.)

Johana 9:39

Bang’ mano, Yesu nowacho ni, “Asebiro e piny mondo akel bura, mondo joma muofni onen, to joma neno odok muofni.”

Tich Joote 9:17

Kuom mano, Anania nodhi modonjo e odno. Noketo lwete kuom Saulo, mowachone ni, “Owadwa Saulo, Ruoth Yesu mane ofwenyoreni e yo kibiro ka, oseora iri mondo ichak inen, kendo ipong’ gi Roho Maler.”

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

Jo-Hibrania 10:31

En gima lich miwuoro, lwar e lwet Nyasaye mangima!

2 Petro 2:17

Jogo chalo gi sokni maonge pi, kendo gichalo gi ong’ueng’o ma yamb koth riembo. Gin, gima okannigi en mana mudho mandiwa.

1 Samuel 5:11

Emomiyo ne giluongo ruodhi duto mag jo-Filistia, mi giwachonigi niya, “Dwokuru Sanduk mar Nyasach Israel kare, mondo kik onegwa waduto.” Ji mang’eny notho e dalano, nikech Nyasaye nosandogi malit.

1 Samuel 5:9

Kane gisetere, eka Nyasaye nochako sando jo-Gath ahinya. Nogoyo jodalano, matindo gi madongo gi tuo mar buche mokwodogi.