Tich Joote 10:1 - MUMA MALER 2015

¹ Ne nitie ng’at moro Kaisaria ma nyinge Kornelio. Ne en jatend oganda lweny miluongo ni, ‘Oganda Italia’,

Motingʼo Loko Manyien

¹ Ne nitie jatend jolweny moro e dala mar Kaisaria mane nyinge Kornelio. Ngʼatni norito oganda lweny moro mar jo-Rumi miluongo ni Oganda Italia.

Tich Joote 10:1 Iomraidhean Croise

Mathayo 27:27

Bang’e askeche ruoth nokawo Yesu, motero e laru mar od ruoth, mi gichoko askeche duto, molwore.

Mathayo 27:54

Kane jaduong’ lweny kod joma ne konye rito Yesu oneno kaka piny yiengni, kendo kaka gik moko timore, ne gibedo maluor ahinya, mi giwacho niya, “Adier, ng’atni ne en Wuod Nyasaye!”

Mariko 15:16

Askeche nokawo Yesu, motero e laru mar od ruoth, mi giluongo askeche mamoko duto.

Luka 7:2

Ne nitie jaduong’ lweny ma ja-Rumi kuno man gi jatichne mohero ahinya. To ne oyudo jatichneno tuo, machiegni tho.

Johana 18:12

Askeche gi jatendgi kod jo-Yahudi ma jorit nomako Yesu, mi otueyo.

Johana 18:3

Kuom mano Judas nokawo askeche moko kod jorit Hekalu kuom jodolo madongo gi jo-Farisai, mi odhigo e puodhono. Ne gimanore gi gilweny, kendo ne giting’o teyni gi meny

Tich Joote 10:24

Chieng’ maluwo mano, ne gichopo Kaisaria, kuma ne Kornelio, kaachiel kod wedene kod osiepene mane oseluongo, ritogie.

Tich Joote 21:31

Ne gidwaro nego Paulo, to gie sano jaduong’ oganda lweny jo-Rumi noyudo wach ni Jerusalem duto otimo koko.

Tich Joote 21:8

Kinyne ne wawuok mi watundo Kaisaria, kendo ne wadhi e dala Filipo, ma jaland Wach Maber, mane achiel kuom ji abiriyo mane oyier Jerusalem kande, mi wabet kode.

Tich Joote 22:25

To kane gisetueyo Paulo mondo gichwadi, Paulo nopenjo jatend askeche mane ochung’ kanyo ni, “Bende chik oyie mondo ochwad ng’at ma ja-Rumi kata ka pok oyale mi bura oloye?”

Tich Joote 23:23

Jaduong’ lweny noluongo jatend askeche, ariyo mi owachonigi niya, “Ikuru askeche mia ariyo gi joidh farese piero abiriyo kod askeche moko mia ariyo moting’o tong’ mondo owuog odhi Kaisaria sa adek mar otieno.

Tich Joote 23:33

Joidh farese nochopo Kaisaria, mi omiyo ruoth barua, kendo gikelo Paulo e nyime.

Tich Joote 25:1

Bang’ ndalo adek kane Festo osechako tichne e pinyno, nodhi Jerusalem.

Tich Joote 25:13

Bang’ kinde moko, ruoth Agripa kod Bernike nobiro Kaisaria mondo omos Festo.

Tich Joote 27:1

Kane oseng’ad wach ni ber mondo wakwang’ wadhi Italia, ne giketo Paulo gi joma otue moko e lwet Julio, mane jatend oganda lweny miluongo ni Oganda Kaisar Augusto.

Tich Joote 27:31

To Paulo nowacho ni jatend lweny kod askeche niya, “Ka jogi ok osiko e yie, to un uwegi ok unyal resoru.”

Tich Joote 27:43

To jatend lweny ne dwaro reso ngima Paulo, omiyo notamogi ni kik gitim kamano. Nogolo chik ni mondo joma nyalo goyo abal okwong ochikre e nam ogo abal, ochop e lowo,

Tich Joote 8:40

To Filipo nothinyore mana Ashdod, mi owuotho e mier duto, kolando Wach Maber nyaka nochopo Kaisaria.