Tich Joote 1:8 - MUMA MALER 2015

⁸ To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Motingʼo Loko Manyien

⁸ To ubiro yudo teko ka Roho Maler obiro kuomu; kendo unubed joneno maga ei Jerusalem kendo ei Judea duto gi Samaria, kod tungʼ piny gi tungʼ piny.”

Tich Joote 1:8 Iomraidhean Croise

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Zaburi 98:3

Orito singruok mane otimo kod jo-Israel, gi adiera, konyisogo ni oherogi gi hera mosiko. Ji duto oseneno resruok moa kuom Nyasachwa.

Isaya 42:10

Weruru ni Ruoth Nyasaye wer manyien, kupako nyinge e piny duto. Un mukwang’ e nam, pakeuru kaachiel gi gik manie nam.

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Mika 3:8

To an, Roho mar Ruoth Nyasaye opong’a, momiya teko gi rieko kod chir mar nyiso jo-Israel richogi.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Mathayo 24:14

Wach maber mar Loch Nyasaye noland e piny duto, mondo ogendini duto ong’e eka bang’e giko nobi.

Mathayo 28:19

omiyo dhiuru ulok ogendini duto jopuonjrena, kubatisogi e nying Wuoro gi Wuowi gi Roho Maler,

Mariko 16:15

Eka nowachonigi niya, “Dhiuru e piny duto, uland Wach Maber ni ji duto.

Luka 1:35

Eka malaika nodwoke ni, “Roho Maler biro lor kuomi, kendo teko mar Nyasaye Maduong’ Moloyo biro umi. Kuom mano, nyathi maler mibiro nywolono noluong ni, ‘Wuod Nyasaye’.

Luka 10:19

To ng’euru ni asemiyou teko duto mag Jasigu, kendo onge gima nohinyu ngang’!

Luka 24:29

To ne gigeng’e, ka giwachone ni, “Yie wadhi kodi ka, nimar sa koro oniang’, kendo piny chiegni yuso.” Kuom mano, nodhi kodgi.

Johana 15:27

Un bende ununyis ji wach kuoma, nikech usebet koda nyaka ne achak tija.

Tich Joote 1:22

chakre ndalo mane Johana obatisoe ji, nyaka chieng’ mane ogolie Yesu kuomwa, kitero malo.”

Tich Joote 1:5

Johana nobatiso ji gi pi, to un ibiro batisou gi Roho Maler kapok ndalo mang’eny okadho.”

Tich Joote 13:31

kendo kuom ndalo mang’eny nofwenyore ni joma ne oseluwe koa Galili odhi Jerusalem. Gin ema tinde gihulo ni jo-Israel weche man kuome.

Tich Joote 2:32

Yesuni ema Nyasaye osechiero kuom joma otho, kendo wan duto wan joneno.

Tich Joote 22:15

Osetimo kamano mondo ibed jatichne, kinyiso ji duto gik ma iseneno kendo isewinjo.

Tich Joote 3:15

Kamano ne unego ng’at mamiyo ji ngima, to Nyasaye nochiere kuom joma otho kendo wan joneno kuom wachno.

Tich Joote 4:33

Joote nomedo lando wach gi teko maduong’ ka nyiso ji ni Ruoth Yesu osechier, kendo giduto ne giyudo gueth mogundho.

Tich Joote 5:32

Wan, kaachiel gi Roho Maler ma Nyasaye miyo joma oluore, ema wanyiso ji ni gigo notimre adier.”

Tich Joote 6:8

Stefano ne ng’at ma Nyasaye oguedho ahinya, kendo omiyo teko. Ne otimo honni gi ranyisi madongo.

Tich Joote 8:1

Chieng’ onogo, kanyakla mar jo-Kristo man Jerusalem nochako yudo sand malit. Giduto nokegi kuonde duto e pinje Judea gi Samaria, mak mana joote kende ema ne odong’ Jerusalem.

Jo-Rumi 10:18

To koro apenjo niya, “Bende nyalo bet ni jo-Israel ne ok owinjo Wach?” Ooyo! Ne gisewinjo, mana kaka Muma wacho ni, “Dwond joland wach osewinji e piny duto. Adier, wechegi osetundo e tung’ piny gi tung’ piny.”

Jo-Rumi 15:19

Notimonigi gi weche kod timbe, kendo gi teko manenore kuom ranyisi gi honni, ma en teko mar Roho. Kamano asetieko lando Wach Maber mar Kristo koni gi koni, chakre Jerusalem nyaka Iliriko.

Jo-Kolosai 1:23

To nyaka usik e yie ma un-gono ka uchung’ motegno e mise, ma ok uyiengni uweyo geno mane ubedogo kane uwinjo Injili. En e Wach Maber ma oselandi ni chuech duto e piny ngima, kendo an Paulo ne oketa mondo abed jatich wach maberno.