Tich Joote 1:16 - MUMA MALER 2015

¹⁶ Nowacho niya, “Owetena, wach mondiki e Muma nyaka ne timre. En wach mane Roho Maler omiyo Daudi okoro kuom Judas mane otelo ni joma ne omako Yesu.

Motingʼo Loko Manyien

¹⁶ mi nowachonegi niya, “Owetena, Ndiko nyaka ne chop kare, mana kaka Roho Maler nohulo chon gi dho Daudi, kuom Judas mane otelo ni joma nomako Yesu.

Tich Joote 1:16 Iomraidhean Croise

2 Samuel 23:2

“Roho mar Ruoth Nyasaye ema miya weche mawacho, kendo wachne nie dhoga.

2 Ruodhi 15:12

Kamano weche mane Ruoth Nyasaye osingorego ni Jehu, kowachone ni nyikwaye nobed ruodhi mag Israel nyaka tieng’ mar ang’wen, nochopo kare.

Zaburi 41:9

Koda ka osiepna ma ageno moloyo, kendo mane chiemo koda, bende oselokore jasika.

Mathayo 26:14

Bang’e, ng’at achiel kuom jopuonjre Yesu apar gariyo, ma nyinge Judas Iskariot, nodhi ir jodolo madongo,

Mathayo 26:47

Kane Yesu pod loso, Judas, ma achiel kuom jopuonjre apar gariyo, notucho gi oganda maduong’ man gi ligengni kod arunge, koa ka jodolo madongo kod jodong oganda.

Mathayo 26:54

To ka kamano, to wach Muma mawacho ni gigi nyaka timre, dichop nadi?”

Mathayo 26:56

To magi duto otimore mondo wach mane jonabi ondiko ochop kare.” Eka jopuonjrene duto noringo moweye.

Mariko 12:36

To Roho Maler nomiyo Daudi owuon owacho niya, ‘Ruoth Nyasaye nowacho ni Ruodha ni, “Bed e bada korachwich ka, nyaka chop aket wasiki e bwo tiendi.” ’

Mariko 14:43

Kane Yesu pod loso, Judas, ma achiel kuom jopuonjre apar gariyo, notucho gi oganda man g ligengni kod arunge, koa ka jodolo gi jopuonj Chik kod jodongo.

Luka 22:47

Kane pod owuoyo, ji moko mang’eny notucho, ka jal miluongo ni Judas otelonigi. Ne en achiel kuom joote apar gariyo. Nosudo ir Yesu mondo onyodhi.

Johana 10:35

To wang’eyo malong’o ni wach Nyasaye ok nyal lokore.

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.

Johana 17:12

Kane an kodgi, to ne aritogi gi teko mar nyingi mane imiya. Naritogi maber mi kata achiel kuomgi ne ok olal, mak mana jal mane ochunore ni nyaka lal mondo gima ondiki e Muma otimre.

Johana 19:36

Gigo notimore mondo weche manie Muma ochopi, kaka ondiki niya, “Onge kata choke achiel ma notur.”

Tich Joote 1:20

Eka Petro nodhi nyime kawacho ni, “Wach ma awachonuno yudore e kitap Zaburi, ni, ‘Ode mondo olokre gunda, kendo ng’ato kik dagie,’ kendo ni, ‘Ng’at machielo mondo okaw tije.’

Tich Joote 13:15

Kane osesom weche moko moa e Chik Musa, kod mag Jonabi, jodong od lemo nokowonigi wach ni, “Owetewa, ka un gi wach moro madujiwgo ji, to wachuru.”

Tich Joote 13:38

Kuom mano, owetena, unyalo neno uduto ni kuom Yesu ema ilandonue wach mar weyo richo.

Tich Joote 15:13

Kane gisetieko wuoyo, Jakobo noloso kawacho niya, “Owetena, winjauru!

Tich Joote 15:7

Kane gisewuoyo aming’a, Petro nochung’ mowacho niya, “Owetewa, ung’eyo ni chon Nyasaye noyiera kuomu mondo aland Wach Maber ni joma ok jo-Yahudi mondo giwinji kendo giyie kuom Yesu.

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Tich Joote 22:1

“Owetena gi wuonena, winjuru ane weche ma anyisougo ni ok asetimo gimoro marach.”

Tich Joote 23:1

Paulo norango wang’ jobura tir, mowachonigi niya, “Owetena, asebedo ka chunya ni kare e nyim Nyasaye nyaka chil kawuono.”

Tich Joote 23:6

To kane Paulo oneno ni jomoko kuom joburano gin jo-Farisai, to moko jo-Sadukai, nokok niya, “Owetena, an ja-Farisai, wuod ja-Farisai. Koro odonjna kaeri nikech ayie ni joma otho nochier!”

Tich Joote 28:17

To bang’ ndalo adek, Paulo noluongo jodong jo-Yahudi modak kuno kanyakla. Kane gisechokore nowachonigi niya, “Owetena, kata obedo ni ne ok atimo gimoro marach ni ogandawa, kendo ne ok aketho chikwa mane kwerewa oweyonwa, to ne otweya e jela Jerusalem, kendo bang’e ne ochiwa e lwet jo-Rumi.

Tich Joote 28:25

Kuom mano ne gipogore e kindgi giwegi. Kane gidwaro a, Paulo nonyisogi wach achiel niya, “Mano kaka Roho Maler nomiyo janabi Isaya owuoyo maber gi kwereu,

Tich Joote 7:2

To Stefano nodwoko kawacho niya, “Owetena gi wuonena, winjuru. Nyasachwa ma Nyasaye man gi duong’ maler, nofwenyore ne Ibrahim kwarwa ka ne en Mesopotamia, kapok odhi odak Haran,

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.

2 Petro 2:21

Dine obedonigi maber ka dine ok ging’eyo yo makare, moloyo ng’eyogo, to bang’e gidok chien giweyo chik maler mane omigi.