Tich Joote 1:13 - MUMA MALER 2015

¹³ Kane gidonjo Jerusalem, ne gidhi e ot manie gorofa malo, kama noyudo gidakie. Ne gin Petro gi Johana gi Jakobo kod Andrea gi Filipo kod Thoma gi Bartholomayo gi Mathayo gi Jakobo wuod Alfayo, gi Simon jakedo ni piny, kod Juda wuod Jakobo.

Motingʼo Loko Manyien

¹³ Kane gichopo, negidhi nyaka kama negidakie, ei ot man malo ewi gorofa. Joma ne ni kanyo ne gin: Petro gi Johana, Jakobo gi Andrea; Filipo gi Thoma, Bartholomayo gi Mathayo, Jakobo wuod Alfayo, gi Simon ja-Zilote, kod Judas wuod Jakobo.

Tich Joote 1:13 Iomraidhean Croise

Mathayo 9:9

Yesu noa kanyo, kendo kane oyudo owuotho, noneno jasol osuru moro miluongo ni Mathayo, kobet kar solo osuru. Yesu nowachone ni, “Luwa!” mi Mathayo noa malo, moluwe.

Mariko 14:15

Wuon odno biro nyisou ot malach moik maler e gorofa malo. Kanyo ema mondo uiknwae gik moko duto.”

Mariko 14:33

To nokawo Petro gi Jakobo kod Johana odhigo. Eka chunye nochako ridore koparore ahinya.

Mariko 2:14

To kane oyudo owuotho, ne oneno jasol osuru moro miluongo ni Lawi wuod Alfayo, kobet kar solo osuru. Yesu nowachone ni, “Luwa!” mi Lawi noa malo, moluwe.

Mariko 5:37

Bang’ mano Yesu ne ok oyie ni ng’ato mondo odhi kode, mak mana Petro gi Jakobo kod Johana owadgi Jakobo.

Mariko 9:2

Bang’ ndalo auchiel, Yesu nokawo Petro gi Jakobo kod Johana, moterogi malo ewi got mabor kar kendgi, kendo kite nolokore mana e nyimgi kanyo ka gineno.

Luka 22:12

Eka obiro nyisou ot malach moiki e gorofa malo. Kanyo ema mondo uikie gik moko duto.”

Johana 11:16

Eka Thoma mane onywol rude, nowacho ni jopuonjre wetene niya, “Wan bende wadhiuru mondo watho kode.”

Johana 14:22

Juda, ma ok Iskariot, nopenjo Yesu niya, “Ruoth, ere kaka wan ema ibiro fwenyorinwa, to ok ifwenyri ni piny?”

Johana 18:17

To nyako mane nie dhorangachno nopenjo Petro niya, “Donge in bende in achiel kuom jopuonjre ng’atno?” To Petro nodwoke ni, “Ooyo, ok an.”

Johana 21:2

Simon Petro gi Thoma (mane onywol rude) ne jo nigi Nathaniel (ma ja-Kana Galili) gi yawuot Zebedi kod jopuonjre mamoko ariyo.

Tich Joote 12:17

Noting’o nigi lwete mondo giling’, eka nonyisogi kaka Ruoth Nyasaye osegole e jela. Bang’e nowachonigi ni mondo ginyis Jakobo kod owete mamoko wachno, eka nowuok modhi kamoro machielo.

Tich Joote 15:13

Kane gisetieko wuoyo, Jakobo noloso kawacho niya, “Owetena, winjauru!

Tich Joote 2:14

To Petro noa malo gi joote apar gachiel mamoko, mi oting’o dwonde, kowacho niya, “Un jo-Judea, kod un duto mudak Jerusalem, an gi wach moro madwaro nyisou, omiyo chikuru itu uwinja.

Tich Joote 2:38

To Petro nowachonigi niya, “Lokreuru, kendo ng’ato ka ng’ato kuomu nyaka batisi e nying Yesu kristo, mondo richou owenu, eka Nyasaye nomiu Roho Maler.

Tich Joote 20:8

To ne nitie teyni mang’eny e ot manie gorofa malo, kama ne wachokoree.

Tich Joote 4:13

Kane jobura oneno chir ma Petro gi Johana nigo, to gin mana ji ajia ma ok osomo, ne giwuoro ahinya. Eka ne gifwenyo ni yande giwuotho gi Yesu.

Tich Joote 4:19

To Petro gi Johana ne joduokogi niya, “Un ema nyaka ung’ad wach uwegi kata ka en gima kare winjou moloyo winjo Nyasaye,

1 Jo-Korintho 15:7

Bende nofwenyore ni Jakobo, eka kendo ofwenyore ni joote duto.

Jo-Galatia 1:19

to ne ok aneno joote mamoko, mak mana ong’Jakobo ma owadgi Ruoth.

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.

Jakobo 1:1

An Jakobo, misumba Nyasaye kod Ruoth Yesu Kristo, amoso jo-Nyasaye duto ma oseke e piny ngima.

2 Johana 1:1

An jaduong’, andikoni in Minwa ma Nyasaye oyiero, kendo andiko ni nyithindi ma ahero adier. Ok an kenda ema aheri to ji duto moseng’eyo adiera bende oheri,

Juda 1:1

An Juda, ma misumba Yesu Kristo, kendo ma owadgi Jakobo, ema andikonu baruani un joma Nyasaye ohero kendo ma oseluongo, kendo ma Yesu Kristo rito gi tekone.