Ruth 4:4 - MUMA MALER 2015

⁴ Omiyo naparo mondo anyisi wachno, kakwayi ni mondo ing’iewe e nyim joma obet ka, kendo e nyim jodongwa. Kiyie warogo, to ware. To ka ok idwar ware, to wachna mondo ang’e, nikech onge ng’at ma diware mak mana in, kata an.” Mi jadhoodgino nodwoke ni, “Abiro ware.”

Motingʼo Loko Manyien

⁴ Ne aneno ni ber mondo aket wachni e nyimi kendo aket parono e nyim joma obedo kagi kendo e nyim jodongo mag jowa, mondo ingʼiewe. Ka inyalo ware to ware, to ka ok inyal timo kamano to nyisa mondo angʼe. Nikech onge ngʼama chielo man-gi ratiro mar timo kamano makmana in kende, kendo an ema aluwi.” Nowacho niya, “Abiro ngʼiewo puodhono.”

Ruth 4:4 Iomraidhean Croise

Chakruok 23:11

“Ooyo ruoth, amiyi lowono duto, kaachiel gi rogo man kanyo. Amiyigo e nyim jowagi duto, mondo iyike ng’ati motho.”

Chakruok 23:18

Jo-Hiti duto mane nie dhorangach nobedo joneno kuom wachno.

Jeremia 32:25

To kata kamano, Ruoth Nyasaye, in ema ne inyisa mondo ang’iew puodho cha e nyim joneno, kata obedo ni jo-Babulon ochiegni kawo dalani kamano.”

Jo-Rumi 12:17

Ka ng’ato otimonu marach, to kik uchulne kuor, to keturu chunyu kuom timo gik ma ji duto oyiego ni beyo.

2 Jo-Korintho 8:21

nikech wadwaro timo mana gima long’o, ok e nyim Ruoth kende, to e nyim ji bende.

Rapar mar Chik 25:8

Ka jodong dala owinjo kamano, to nyaka giluong ng’atno, kendo giwuo kode e wachno. Ka owachonigi malong’o ni ok odwar kawe,

Jo-Filipi 4:8

To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.

Ruth 2:20

Naomi nowachone niya, “Ruoth Nyasaye, osetimonwa ng’wono kod jowa motho, mondo oguedh jalo.” Eka nomedo wacho niya, “Jalo en watwa mahie.”

Ruth 3:12

Adier an jadhoodu mahie, to nitie wadu moro mahie moloya.

Ruth 3:9

Nopenje ni, “In ng’a?” Ruth nodwoke ni, “An Ruth, jatichni ma nyako. Yar gir um mondo iuma, nikech in e ng’at monego tera.”